وحده اعرفها 27 سنه وهي تكرف وتشتغل وتربي والزوج عصبي عصبي ولا يطلعها الا نادر وبعد مااكبرت كانت سمينه ونحفت نفسها علشانه وطلعت غييييييير احلى طبعا ودائما اهله اذا روحوا لهم يجلسون عندهم وهي ترحب فيهم وتقدرهم لين يمشون من عندها وقامت في ابو زوجها واهتمت فيه وكانت تقوم من الصبح بدري علشان تجهز له الفطور واكل الشايب وقت الغداء غير عن اكل اهل البيت وربت عيالها كان عددهم 7 ويوم اكبرت وجاها سكر وظغط بس مع كذا كانت تشتغل ولا تهمل في اي واجب
اخر شيء عقب السنين هذي كلها تزوج عليها وهجر الاولى واهملها وصار مع الثانيه وجالس عندها والي استغرب منه انه صار يطلع مع الثانيه للمطاعم والفنادق وهو اول ماكان كذا مع لااولى واخذ الثانيه صغيره في العمر في العشرينات
والحين يقولون تغير 180 درجه صار هاديء وترك العصبيه الي كانت معه وصار انسان ثاني
وما يجب لها الا الغالي ولا يعطيها الا مبلغ كبير مصرف لها ولعيالها رغم انه مع الاولى بعد كان يعطيها لكن اقول لك على التغيير
بالنسبه لي جلست سنين بدون شغاله الي حصلته من الزوج انه كان كل مره يقول لي انت ما اشوفك تتعبين وانا اشوف شغل البيت عادي وما يتعب وعيالك انت ملزومه بتربيتهم من والى انتم يالحريم شغلتكم تفتحون رجلينكم ولا فيه اي تقدير للاسف
وبعدين جبت شغاله
الي اكتشفته انك مهما تعبتي ما فيه اي تقدير
واذا مرضتي تافف الرجال او يطلع من البيت
الوحده تجيب شغاله وتريح نفسها وخاصتا اذا طلعت احليله ولو تعبتي تلقين من تقوم عنك لين اتعافين واذا طلعتي في وحده بالبيت تنظف وتغسل وتكوي ماتقولين برجع وبلقى شغل اكثر من اول او ملابس اكثر من اول
والا تسوين الاكل ويجلس يقول اليوم ملح ناقص اذا جاء من بكره قال ملح زايد واذا ما اعجبه الاكل يجلس اليوم كله يتافف
الي يضيق الصدر انك اذا ماعندك شغاله وكرفتي ليل ونهار يجي اخر شيء الزوج يقول ما اشوفك تتعبين ولا كانك سويتي شيء اقوله وش جالسه من اليوم اسوي اجل والبيت والطبخ يقول اشوفك ماسويتي شيء
الوحده تجيب لها شغاله وتريح نفسها عاد وش عذر الرجال يقول ماعاد اقدر البس واخذ راحتي قلت ليه انت قبل تاخذ راحتك باللبس تلبس الي قبل لبسته لان عندك اولاد وبنات كبار ونفس الشيء لا انا ولا انت بناخذ راحتنا نفس الشيء ماتغير شيء لا قبل ولا بعد
واخر كلامي كل وحده حره تجيب او ماتجيب والي تجيب مو دليل على انها رفله او مهمله الا يمكن تصير اسنع منك وافضل منك
وحده اعرفها 27 سنه وهي تكرف وتشتغل وتربي والزوج عصبي عصبي ولا يطلعها الا نادر وبعد مااكبرت كانت...
اهم شي تنظيم الوقت والشغل وراح يكوون كل شي سهل