الشغاله ناشبه في زوجي وش السوات؟؟؟؟

السلام عليكم

اخباركم بنوتات ....ياليت تساعدوني وتعطوني آرائكم انا مااعتبرها مشكله بس خايفه تتطور السالفه وتصير مشكله

يعني السالفه ومافيها اني كنت بغرفتي وسمع صوت جوال زوجي يرن ويقفل وطلعت عنده قلت له مين اللي يتصل قال ماادري

قلت طيب اتصل ع الرقم وهو عاند مايبي يتصل يقولي ابي اعرف وش تستفيدي اذا اتصلت المهم اني انا عاندت لأن والله حسني قلبي ماهو رجال اللي يتصل غيرت اسلوبي مع زوجي يومين يعني صار مايشوف خشتي الا اذا باخذ له الغداء والا العشاء وحتى النوم ماصرت انام معه في الغرفه وقت الي يدخل بينام انا اطلع واتحجج له اني مزكمه وماابي اعاديه
وهو لاحظ وصار يسألني ليه عازله نفسك عني وانا اصرف له يعني ماوضحت له اي شي بس اهم شي اني ماخذه في خاطري من حركته وعدم اتصاله ع الرقم

واخذت الرقم عطيته لأختي قلت لها اتصلي شوفي الرقم لبنت والا لرجال المهم اختي اتصلت الا وترد عليها وحده اندونيسيه وباين من اسلوبها خدامه:44: انا وقتها طلعت جنيتي واقول لزوجي ياتتصل واسمع الصوت والا ومايطلع هذا الأسبوع الا وانا في بيت اهلي وخلي عنادك يفيدك

وجاني وهو معصب واتصل ع الرقم وردت بس قبلهاقالي انتي كلمي قلت لاانت اللي بتتكلم وسألها وش تبين قالت ابيك :mad: وقال لها لاعاد تتصلين وقفلت في وجهه سألني برد قلبك قلت له لا للحين باقي قال في هذي اللحظه نفسي اذبحك حتى تقتنعي اني موراعي بنات وخرابيط وصار يحلف لي انه ماعنده سوالف بس الحمدالله نقذني حملي من ردة فعله اللي المفروض تصير خخخخ بس رقعت السالفه انها موشك غيره وبس


وبعد يومين الا وتتصل عفيه عليها بنت ابليس لاحياء ولا مستحا وهو كارشها قلت له رد عليها والله يابنات لو تسمعون صوتها كيف تتنهوص يرتفع ضغطكم اشوي ويوقف قلبها من التأوه والمسخره اللي مسويتها وانا اسمعها

وسألها مره ثانيه وش تبين قالت نفس الشي ابيك انت وسألها من وين جبتي رقمي قالت له من صاحبك عسى الباري يمحيك انتي وصاحبه >>>مقهوره منها
لاوتقول اذا انت خوف من مدام مافي مشكل انا يتصل وقت ثاني.. ويوم قفل قلت له يعني وش تبي منك بالضبط هذا وانت كارشها قال خليكي ذكيه ومن صوتها المفروض فهمتي وش المطلوب ..>>لوساكت ارحم لي من الرد السخيف لاوبكل فخر بعد.

ومن بعدها قالي مره ثانيه كلميها انتي وسفلي فيها يمكن تثقل وانا خايفه اكلمها وتزيد

لأن والله زوجي اعرفه مومن العقل الثقيل وهذي موسهله وع قواية عيونها
بتتصل مابيرها شي:44:للحين وش السوات اكلمها والا وش اسوي معها؟؟؟؟ والله حيرتني الله ياخذ ها قبل ماتاخذ زوجي:mad: