الشغاله والحصى

السلام عليكم ورحمه الله وبركاته







اتمنى من اخواتي المشرفات ماينقلوا موضوعي لان المجلس العام ماشاء الله زواره كثير




المهم يالغوالي ابي اسألكم عن شغاله اختي تقول اشوفها من الشباك اخذت حصاه من الارض وتقول كانها

تسوي شي بالارض تقول وحصلت الحصاه في الحمام حاطتها بين اغراضها تقول ملمسها خشن واطرافها حادة

وسألتها أيش هذي ليش حاطتها هنا قالت مدام عشان انظف فيها رجولي قالت لها لا هذي خطر طرفها حاد يمكن

يجرحك واخذت ليفه خشنه واعطيتها اياها ورميت الحصاه وبعد فتره تقول وانا داخله غرفتها وولدي الصغير معي

فتح واحد من ادراجها وبالصدفه طاحت منه حصاه ثانيه بس هذي ملساء يعني مستحيل ماخذتها عشان تتفرك بها

واول ماشافتها تغير وجهها قلت لها ايش هذي ورجعت تقول لي انظف بها وقلت لها انا ما ابي اي شي غريب

يدخل بيتي

نسيت اقول لكم هي اول ماجات اشتغلت عندي فتره وكنت اعطيها مفتاح المطبخ تقفله من عيالي عشان مايحوسون فيه واذا فتحته او فتحته هي تحطه فوق الدولاب وفقدت المفتاح من فتره قلت لاختي اسأليها يمكن حطته بمكان ماتبي عيالي ياخذونه مع اني دورت بكل مكان قالت اختي اول ماجات منك فتشت اغراضها وحصلت المفتاح معها بس ماتوقعت انه لكم قلت طيب يمكن هي نست واخذته معها بالغلط اسأليها قالت لها ان اختي تسأل عن المفتاح شفتيه قالت لا قالت يمكن انتي اخذتيه بالغلط قالت لايامدام انا قبل لا يطلع من البيت حطيته فوق الدولاب تقول وانا عندها بغرفتها قلت لها انا شلت شنطتك من الاولاد يوم اخذوها ورميتها وسمعت فيها صوت مفتاح قالت لا هذا مفتاح شنطتي الثانيه وبعدها حصلت الحصاه وقلت لها دوري المفتاح زين اكيد انه معك وانا حازمه شوي وطلعت من غرفتها وبعد شوي جاتها بالمفتاح وقالت لها انا حصلته مع اغراضي نسيته

بنات الله يخليكم احد عنه خلفيه عن الموضوع وسبق وشفتوا شغالات معهم حصى انا خايفه هي ليش اخذت مفتاح مطبخي وليش مصره على الحصى مع ان اختي نبهت عليها
وتعاملها احسن معامله وماتقصر عليها بشي

على فكرة هي اندونيسيه

معليش هذرتي كثيرة بس والله من الخوف اللي فيني الله يسعدكم ردو علي طمنوني