اذا كنتي تعبانه وماتقدرين فالله يشفيك واذا كنتي مافيك شي وبس كسلانه ماتنظفين بيتك انا اشوف انه مو حلوه بحقك قدام زوجك حتى لو كان زوجك مايتكلم وينبهك بهالشي. اكيد داخلياً مو راضي ان بيته يكون وسخ واسمحيلي ع اللفظ. خصوصاً لو كانو اهله ناس يحبون النظافه وبيتهم دايماً نظيف اعتقد زوجك راح يقارن فانتبهي اختي لهالنقطه والله يعينك ويقويك.

بنات قالت لكم تعبانه يعني مريضه والله العالم وش ظروفها جاوبوها ع قد السؤال فقط

شوفي حبيبتي الشغاله بتجي لراحتك وماعليها بيتك نظيف والا وصخ
اصلا هي الكسبانه كل مازاد الشغل زاد الوقت وبالتالي زادت الفلوس
وانتي هالمره فعلا بتدفعين مبلغ لان بيتك يبيله تنظيف جامد وعادي لو تجيك ع يومين يعني مو شرط يخلص كلش في يوم
بعد كذا جيبيها مره كل اسبوعين وقتها ماراح تاخذ وقت طويل فالتنظيف لانه بيكون شبه نظيف
يعني اذا شقه ممكن تكفيه ساعتين بعد كذا لكن الشغاله لازم تكونين وراها فالشغل وتتابعينها
واذا مره مره مستحيه عادي قولي ماكنت فالبيت كم شهر وحطي كل هالحوسه في زوجك ههههههههه اذا كان راضي طبعاً مع العلم مالها دخل اصلا
وشغاله تشوف بيتك وصخ وتنظفه اهون من حمولتك او اصدقاء زوجك او حتى اهلك اوضيوف فجأة او اي احد.


موفقه

انا حامل وتعبانه ةبيتي حايس شوي وجبت شغاله وقاعدة تتفلسف وتعلق علي وتقول حافظي على البيت لين اجي مرة ثانيه صراحة مارتحت ومو ناوية اجيبهم مرة ثانيه ابدا ....

^

كان سكتيها وماسمحتي لها تحكي هذا الناقص بعد
لانها ماجت تشتغل صدقه من عندها انتي بتدفعين لها وطبيعي ماراح تجيبينها والبيت نظيف وش يجيبها أجل إذا البيت نظيف!!

وكلامها حافظي ع البيت لين اجي مره ثانية كان قلتي منيب جايبتك اصلاً حتى لو ماعندك غيرها الشغاله لاتحسسينها انك في حاجتها او ماتعرفين غيرها تصير تتخقق واجد حتى في جيتها
غيريها الشغالات ع قفى من يشيل اما عاد بفلوسي وتتفلسف علي
وانتي اكيد تحتاجين شغاله بسبب تعب حملك الله يهون عليك لذلك غيريها افضل مو كلهم سوا.

موفقه

الشغاله مارح تنفعك الا اذا بيتك منظم لكنه مغبر والجدران والدريش والفرش تحتاج غسيل
او مواعين
او كوي
يعني اسس الترتيب موجوده لكن هي بس رح تنظف وتعيد ترتيب الاشياء
ليييش
لو جت وبيتك وسخ ومو مرتب ابدا
رح تظف كل شيئ وتنظيف مشي حالك وتمشي
وبعد يومين يرجع كتان كما كان
لكن لو بيتك يحتاج تنظيف فقط ممكن تفيدك
انا جبتها لما كنت اتوحم نظفت المطبخ والجدران والارضيات وكوت ملابس استفدت
بس جبتها مره عند امي لانها مرضت هي وخواتي فاعتفس البيت ما استفدت منها شيئ ملحوظ
لانها ماتعرف نظام صاحبة البيت بس تنظف وترجع الشيئ مكانه
والدواليب تشوفيها من جوه عندها انهيار عصبي اذا انتي مثلي تحبيها مرتبه وكل شيئ بمكانه
مارح يمشي معاك
لكن
اذا عندك اطفال صرفيهم واشغلي غرفه نومك واقفليها ثم غرفة اطفالك واقفليها
وابدي حبه حبه وانتهي بالمطبخ والتلميع
اضغطي على نفسك شوي
ورح تخلصين
او رتبي وجيبيها تغسل وتنظف وتكوي وارضيات بس الغرف انتي نظفيها
والله يعينك ويوفقك
ونسيت
جيبيها باليوميه افضل لك من الساعه
بيطلع عليك اليوميه 150 بالكثير مع سواقها 180 والا 200 وتقعد طول اليوم من الصباح الى الليل
اما لو بالساعه بتجلس تتسحب على بال ما تشتغل لانها تبي تكسب