الشغل ؟ !!! والمسااعدة ... احس اني بنفجر/ استوفى الرد

السلام عليكم ورحمة الله

بدخل بالموضوع على طول ..
انا بنت الكل يشهد لي بالادب والذوق والاخلاق والحمد لله من يوم كنت صغيرة وهذي خدامة تجي وهذي خدامة تروح يعني بنت مدلله مثل مايقولون .. دوام الحال من المحال الحمد لله صرنا مانقدر نجيب خدامات كبرنا وبيتنا صغير ومايحتاج لو نفكر المهم هنا انا انكببت بقووة واجهت الكثير من الصعوبات بشغل البيت والطبخ يعني الحمد لله صرت نص ربه بيت ^^ زين مني بعد .. المهم موب هذا موضوعنا .
الموضوع الله يسلمكم هو : ان اخواني تزوجوا كان بينهم فترة صغيرة ...

اهلي من النوع اللي مايحب العزايم وكثرة الطبخ كان اول مع وجود الخدامات لكن الحين يشوفون انه مايحتااج امي طيبة مررهولا تحب المشاكل والصراخ وكثرة الكلام وهذا شي حلو . لكن كل شي له حدوود صراحة والا ؟ واخواني مايحبون يتكلمون او يفكرون بسواليف الحريم .. يعني بر استراحه كاي رجال بالعالم .

نرجع للموضوع طبعا اول ماتزوجوا اخواني شايلين حريمهم شيل لا تسوون ولا تحطون بس هم يقولون عادي مافيها شي وعادي يدخلون المطبخ ولا نقول لهم شي الوضع تمام .. جاء بعد فترة الحريم والله مايسوون شي ولا يشتغلون نحط الاكل امي اللي تسويه طبعا ناكل نغسل المواعين انا وخواتي وهكذا هم يجون لنا يوم بالاسبوع مخصصين لهم يوم
بعدين رجعوا مره ثانيه وصاروا يشتغلون بس على البااارد مره كانهم مغصوبين بس بوضح شغلة لاتفهمون الشغل الطبخ والنفخ والمواعين اللي واصلة السقف لاااا ابدا شي عادي مره وبسيييط لكن صراحه مره موب زينه انهم يجلسون صح؟؟ يعني تضف القهوة مثلا تحضر معنا العشاء صح هي مو ملزومه فينا اببد ملزومه بزوجها فقط بس من باب المساعدة والذوق ويشوفوننا ماشاء الله شايلينهم من على الارض شييل نبي شي يرفع المعنويات انا المساعدة البسييطة تكفيني ولو بيسوون شي مثلا صعب ماراح نرضى ابد اببد لانهم مو مكلوفين فيينا

وعلى فكرة قلييل مرررره مرره مايعزمونا ببيوتهم واذا اعزمونا نرتب معهم ونشيل ونحط كاننا ببيتنا وامي تستحي تقول لهم

انا صراحه اكره اليوم اللي يجونا فيه ومالي خلق بس اجامل عشان امي هم تقريبا متزوجين من سنتيين


وسالفة المقدمة اللي فوق اني بنت ماتعودت على الشغل وكذا صراحه يحز بخاطري بقووه انا اصلح العشاء وهم جالسين دااخل يتقهوون وانقهر بعد ماتعودت اخدم احد غير امي وابوي مو احد ثاني ووحده من زوجات اخواني جدا جدا حساسه وتغاار واسلوبها مايناسبني ابد ويحز بخاطري اشياء كثيير ومكبرة عقلي ولا ارد عليها وش اسوي لها ؟؟

وش نصايحكم تكفون مع السالفة هذي كلها الله يسعدكم ؟؟
سبحان الله وبحمده سبحان الله العظيم