الشققات

بصراحه أنا قريت هالمعلومات بموقع وحبيت أنقلها لكم وأن شاء الله تستفيدون منها لأني ماجربتها قرأت الحين وقلت لازم على طول أنزله لبنات حواء لأن حسيت انه مفيد وإذد حد منكم بجربها يخبرنا .

خلطه لأزالة التشققات من الجسم
ربع كيلو عشبة لسان البحر وهي موجوده عند العطار
علبة خل التفاح واحده
الطريقه:
تطحن العشبه وتوضع في وعاء كبير ويصب عليها الخل لازم وعاء كبير لأن الخل لما يوضع على العشبه يفور كأن فيه غازات ثم تترك لمدة ليله وبعدين يصفى ويوضع في علبه زجاجيه ويدهن منه كل ليله 0وتبدين تلاحضين الفرق بعد اسبوع

خلطه اخرى
طريقه لازالة الخطوط البيضاء او الحمراء وعدم ظهورها مره اخرى على الجلد :
المقادير:
برتقال
2 ملعقة كبيره زيت الجوجوبا jojoba oil تحصلينه في محلات الي تبيع زيوت الجسم مثل بودي شوب او GNC
نقطتين زيت البرتقال المركز orange oil
الطريقه
اول شئ تغسلين البرتقال كويس مره وتقشرين القشره من غير ما تشيلين اللب يعني بس القشره الاورانج
اتخذين القشر وتحطينه في حمام مائي مع الزيوت الي كتبتها فوق لمدة ساعتين او ثلاث ساعات ولا تنسين تزيدين المويه تبع الحمام المائي عشان ما يحترق القشر بعدها تطفين عليه وتخلينه مدة 24 ساعه
بعدها نصفيه من القشور وخلاص نستخدمه عادي كل يوم لحد ما تحسين ان الخطوط بدأت تخف بنسبة 80 %
تدهنين فيه الصدر والبطن والافخاذ حتى لو ما فيها لان هذا يمنع ضهورها وتراه خفيف مو مثل زبدة الكاكاو وريحته حلوه
وتقدرين تحطينه على الوجه كل 15 يوم لانه يعطي اشراقه وخاصه الي مسوين برونزاج بالصيف

او هذه الخلطه
المقادير
كمية من البابونج+ مرامية
الطريقه
تخلط ملعقتان كبيرتان من منهما+كوب ماء مغلي لمدة 3 دقائق تم تترك ثلث ساعة وتصفي ويدهن في المساء ويترك إلي الصباح
و كذلك هذه الخلطه
جلسرين سائل+كريم جليسوليد+زبدة الكاكاو+لسان البحر وهذا تلقينه عند العطار تدقينه وتطحنينه وتنخلينه تدهنين جسمك قبل الحمام بساعه أوساعتين أوأكثر وكل ماطولتي وامتصته البشره ويمكن استخدام قبل النوم خل التفاح وتدهن المناطق المتشققة وتترك لثاني يوم الصبح
الروتين اليومي لمكافحت الخطوط البضاء :
وهو فرك الجسم بعد ترطيبة بالماء بصنفرة الملح والليمون وزيت الزيتون ومن ثم الاغتسال باى ضابون ذو رغوة ويفضل من متنجات جونسن عشان نزيل شائب الجلد الميت والصنفرة ثم تجفيف الجسم ومن ثم وضع مرطب نيفيا الرائع للجسم اللى بفتامين e او مرطب بالمرز اللى بالكولاجين والايلاستين ومتوفر باى صيدلية
و كذلك
الملح البحري الخشن مع زيت زيتون دفيه وحطي عليه الملح ودلكي نفسك لانه مع الوقت حتى يذيب السلويلايت
الكرفس اسلقيه حتى ينهري تقطعينه وتحطينه مع ماء في خلاط كهربائي
مع لوشن اي لوشن جرجنز وخليه في الحمام بعد ما تتحممي دهني جسمك فيه

الطحالب البحريه معروفه ولها فوائد كثيره:
اول شى تشد لك الجسم ثانى شى تخفى لك الخطوط البيضاء اللى تصير لك بعد الولاده واللى تصير من اثار البدانه والنحافه
وهذا البرنامج مستوحى من طريقه عملية الليزر.....وهي تعتبر الحين الاكفأ في علاج الخطوط...لكن بسبب تكلفة الليزر ومخاطرها...ما يلجاون لها الناس....
وطريقة تعتمد على صنفره ..وتحفيز
يعني صنفرة الجلد ...وازالة طبقه من الجلد في كل مره..عشان نحفز نمو انسجه جديده...وبعد كم جلسه نكون ازلنا الجلد اللي فيه علامات التشققات
طبعا هذي هي الطريقه للي يعتمد عليها الليزر...وهو صنفره وتحفيز
النتائج:
راح تشوفين ان الجلد صار اكثر صحه ومشدود اكثر وفيه تقدم طفيف....ومع الاستمرار راح تلاحظين تغير واضح.....طبعا النتيجه النهائيه تختلف من شخص لثاني حسب حالتك....يعني تتراوح بين عدة اسابيع الى عدة اشهر...واهم شي في الموضوع المثابره.... لازم تستمرين
وهذا البرنامج راح يساعد في مشاكل الجلد الثانيه...مثل بقع في الجلد...او جفاف وغيره

الحالات اللي يمنع فيها استخدام البرنامج
الجلد الحساس جدا واللي ينجرح بسهوله
كثرة التحسس من الكريمات وغيره
جلد جاف جدا جدا(حالات متقدمه من الجفاف)
اذا كنتي تستخدمين أي علاج هرموني او فيه ستيرويد لا تستخدمين البرنامج...لان الستيرويد يسبب تشقق الجلد
اذا ما عندك هالحالات هذه تقدرين تستخدمين البرنامج لازالة التشققات..او على الاقل تخفيفها بشكل كبير
-اذا ما لاحظتي أي تقدم خلال اسبوعين ثلاثه معنى هذا انك تستخدمين البرنامج غلط
-راح تلاحظين ان التشققات بالبدايه صغرت في حجمها وعمقها..ومع الاستمرار تختفي
نبدا بابرنامج....راح تلاحظين انه بسيط جدا..لكن لازم تتقيدين فيه لانه كل شي له سبب

الادوات المطلوبه:
اداة المساج
الاداة اللي لازم نستخدمها...حجمها بحجم اليد....وهي مصنوعه اما من الخشب او البلاستيك....والقاعده مصنوعه من مطاط ممكن تلاقينها في الصيدليات او محلات المساج وغيره....
السكرب
سكرب الخوخ ... حاولي تحصلين عليها او شي مشابه
زيت زيتون...او زيت
Safflower oil
مستخلص الصبار
وهذا يساعد في نمو انسجه جديده
تقدرين تحصلين عليه من نبة صبار عمرها سنتين او اكثر
واذا ما عندك النتبة...حاولي تحصلين على جل الصبار ويكون اصلي...وتقدرين تعرفين الاصلي بشكله... الاصلي يكون له لون بني خفيييف وريحته زي نبات الصبار....ابتعدي عن الجل اللي يكون مضاف له عطور ومحسنات ويكون لونه ابيض...

لوشن الكولاجين والاستين
المقادير
3-4 ملاعق صغيره من السكرب
نقطتين من زيت الزيتون
نصف ملعقه صغيره من مستخلص الصبار
اذا كنتي بتستخرجين الجل من نبات صبار ..اغسليه ونظفيه اولا بعدين اقطعي طرفه بالسكين واعصريه يطلع لك الجل...ولازم تكون النبته عمرها سنتين او اكثر
اخلطي المقادير في وعاء وخليه على جنب راح نستخدمه في الخطوه الثانيه
الطريقه
اخلطي المقادير في وعاء(وهي كافيه لمساحة 2 قدم تربيع)..واذا احتجتي زياده سوي نفس المقادير مره ثانيه...
الافضل انك تستخدمينه كله بمره...يعني لا تخلطين كميه كبيره وتحفظينها
واذا عندك تشققات في مناطق عديدة من الجسم ركزي على مكان معين واشتغلي عليه... وبعدين انتقلي للمكان الثاني...عشان تحصلين على نتايج افضل
الخطوه الاولى: تطرية الجلد
خذي دش واغسلي جسمك كله...لمدة 5 او 10 دقائق لتطرية الجلد...عشان نقدر نزيل الطبقه الميته...مو بس تبللين المكان...لازم تستحمين
الخطوه الثانيه المساج:
يفضل استخدام الطريقه قبل النوم...عشان لما تزيلين الطبقه الميته يكون الجلد مستعد لبناء انسجه وانتي نايمه
نشفي جسمك بعد الحمام...بس خليه شويه رطب..لا تنشفينه 100%....بعدين ضعي قليل من الخلطه اللي سويتيها في الوعاء(طبعا تسوينها قبل الدش)...ضعيها في الاماكن اللي فيها تشققات..وجيبي اداة المساج وابدي سوي مساج ...والطريقه كاالتالي: كانك تصبغين الجلد...وليس العضله..انتبهي...عشان نزيل الجلد الميت ...ولا تضغطين على العضلات...ركزي على الجلد...وحركي الاداه باتجاه عقارب الساعه على شكل دوائر قطرها 1-2 انش...وحاولي تركزين على كل جزء...وعلى شكل دوائر..وابدي ببطء وبخفه...حتى يتعود الجلد..وعلى شوي شوي زيدي السرعه والقوه..(على فكره الخلطه اذا نشفت في الوعاء حطي عليها شوبةماء)
بالنسبه للجلد السميك
دلكي المنطقها الواحده(مساحة 5 او 6 انش) لمدة 3 دقائق او اكثر..(حسب احتمال جلدك) ولا تتعدي 5 دقائق للمنطقه الواحده
الجلد الرقيق:
يكون غالبا فاتح جدا
دلكي المنطقه لمدة 2 دقيقه...او حسب احتمال جلدك..ولا تتعدي 3 دقائق
لاحظي تغير الجلد للون احمر...وهذا يدل على دوران الدم في المنطقه...ويدل انك ماشيه صح...
- بعد تحول الجلد للون احمر...استمري شوي بالتدليك...حتى تحسي بجلد يقرص شوي بعدين وقفي
استخدمي فوطه مبلله لمسح المنطقه ثم ضعي كميه اخرى من الخلطه على الجلد لمدة دقيقه واحده(لا تدلكين بس خليها دقيقه(
بعد كذا اغسلي جلدك.
ملاحظه:
لا تحاولين عمل التدليك زياده عن المطلوب.....اذا حسيتي بجلدك يجرح معناها انك زودتيها بالتدليك..
اذا جلدك مره حساس وحسيتي بحساسيه وقفي العمل

الخطوه الثالثه
نشفي المكان..وضعي الكريم المكون من اللوشن(كولاجين) والصبار بكميه متساويه(كانك تحطين كريم عادي) والجلد مازال احمر...ودلكي باصابعك حتى يمتصه الجلد تماما


ملاحظات:
راح تسالون كم مره بالاسبوع تسوون الطريقه؟؟
لا تعتقدين انك كل ما كثرتي من عملها بتساعدين جلدك...هالكلام غلط...لازم تعطين جلدك فتره يرتاح...
وفيه جدول يبين لك كم مره بالاسبوع تسويين الطريقه
يوم1 :صنفره +كريم(الكريم اقصد فيه اللي بخطوه 3)
يوم 2 : كريم فقط(اختياري(
يوم3 : كريم فقط(اختياري)
يوم : 4 صنفره+كريم
يوم 5 : كريم فقط(اختياري)
يوم 6: كريم فقط(اختياري)
يوم 7: صنفره +كريم
يوم 8: كريم فقط(اختياري)
يوم 9 : كريم فقط(اختياري)
يعني يوم ايه ويومين لا .......... وتستمرين كذ اسبوعين او 3
بعدين تغيرين الجدول
يصير يوم ايه…و3 ايام لا
والان ملخص الطريقه كالاتي:
خلط المقادير المشروحه اعلاه في وعاء
الاستحمام لمده لا تقل عن 5 دقائق
تنشيف الجسم ولكن لا تنشفينه 100% ...خليه رطب شوي
خذي بيدك من الخلطه وحطي على المكان المطلوب...وبعدين امسكي اداة المساج ودلكي حسب نوعية جلدك(اذا سميك 5 دقائق -واذا رقيق 3 كما هو موضح اعلاه(
التدليك يكون كما هو موضح اعلاه
استمري حتى يصبح لون جلدك احمر دلالة على تنشيط الدوره الدمويه...توقفي عند الشعور بقرص في الجلد.
امسحي المكان بفوطه مبلله
خذي كميه اخرى من الخلطه وضعيها لمدة دقيقه واحده
اغسلي المكان بالماء
ضعي الكريم المكون من (الكولاجين والصبار) ودلكي باصابعك حتى يمتصه الجلد.
نامي جيدا
الكريمات

استخدام الرتين A مع كريم اسمه Afirm 3x
تحطين أول شي الرتين وتخلينه لمدة خمس دقائق وبعدين تحطين الكريم الثاني مع تدليك بسيط .بالليل فقط (ممنوع للحوامل و في الرضاعه)
والنتيجه راح تظهر بعد 6 إلى 12 شهر ..

استخدام كريم اسمه Mederma
3 أو 4 مرات في اليوم والنتيجه بعد 6 أو 12 شهر .
وعلى فكره هذا الكريم وايد ناس استخدموه وفادهم
وهو بعد يستخدم لعلاج مشاكل جلديه كثيره مثل التجاعيد والنمش

استخدام محلول اسمه Cellex - C
كل يوم مره لين ما تظهر النتيجه .

استخدام منظف حب الشباب للجسم من نيوتروجينيا إلي يكون على شكل سكراب
تحطينه على المنطقه وهي رطبه وتدلكين زين ما زين .وتغسلين المنطقه وبعد ما تجففينها حطي أي مرطب ومعظم إلي استخدموا هالطريقه كانوا يحطوا زيت الأطفال كمرطب .
بياض البيض
ضعي البياض فقط على المنطقه لمدة 15 دقيقه .يعني لين ينشف .وبعدين اقعدي على الدش البارد وغسلي المنطقه
ونصيحة الأطباء في النهايه :التدليك هو المفتاح مع تناول الفيتامينات .

منقول