Swan_Lake

يا حبيبتي إنشاء الله تتشافين

والله حاسه فيك لأني عانيت من هذي المشكله إسنين
وبقيت أموت صحيح

ومن الأشياء الي ساعدتني
قريتها في الردود وهي فعلا فعاله ..

- ربط الرأس بإيشارب بصوره محكمه .
- دهن الجبهه بفكس بالليل .
- قريت مره إن سبب الشقيقه هو خلل في أورده الدم في المخ وإنه نسبه تدفق الدم تزيد في المخ عن سائر الجسم
وعلشان نتخلص من هذي المشكله لازم نعيد توجيه الدم إلى مناطق أخرى فكنت إذا عورني راسي أروح الحمام عزك الله وأفتح صنبور الماي الحار جدا وأحط إيدي تحت الماي صدقيني إنها تصير بنفسجيه مو بس حمرا بس كنت ما أهتم لأن عوار الراس كان فضيع بس سبحان الله ما ياخذ ثواني ويروح الصداع لأن الدم كله توجه لليدين وتفتحت أورده الدم في اليدين وليس في الراس وصرت أكررها كل ما داهمني العوار .
- من شربت شاي الأعشاب وانا نص العوار بحمد الله وفضله أهو الشافي الشاي هو ( مرميه + زعتر + مرقدوش ) فوحيه وشربيه وشوفي شلون بفضل الله يخف وشربيه لو 5 مرات باليوم وراح تشوفين إنك تقطين كل الأدويه بالزباله وكل يوم عن يوم تقل مرات شربك للشاي لأنه راح تلاقين إنه مرات الصداع بتقل كثيرا ..
- راح أقولك طريقه بس لا تضحكين كل ما عورك الصداع سحبي أانك للخارج وخليها مده كذا وبس راح تحسين العوار خف لأنه الأورده الي تحت الجلد وخصوصا على الأجناب وتحت الأذن يمكن فيها خلل في توزيع الدم من النومه الغلط يصير فيها ضغط إني بهذي الحركه خففتي الضغط عن أنصاف الدماغ وشوفي شلون راح تحسين إنه دماغك خفيفه وحسيت بإنتعاش من هذه الحركه لأنه الواحد يحس راسه ثقيل كأنه متعبى ماي ثقيل يسبب ضغط على المخ ويحس بألم شديد أتوقع أهو الي يسبب الصداع النصفي وعن تجربه كنت لا عورني راسي أسحب أذاني لبره مده وأحس صحيح إنه الدم قاعد يمشي كويس وانه الصداع قاعد يخف..

وإنشاء ما تشوفين شر ونسمع عنك خبر طيب

:26:

وحدة كووول
حبيبتي ما اعرف كيف اشكرك على هذه الطرق اللي عطيتني ايها لتخفيف الصداع.....
جزاكي الله الف الف خير و يا رب مساعدتك لي تكون في ميزان حسناتك....
ويعطيج الف عافيه انتي و اختي سيدة الوسط وكل البنات اللي دخلو يساعدوني بصراحه وايد افدوتني بهالمعلومات اللي كتبتوها جزاكم الله خير

:26: :26:

الله يسلمك ويفرحك بشفاءك مثل ما فرحتيني بدعوتك الحلوه هذي ...


واليوم كانت فيه مقابله مع دكتور ويقول إنه التهويه الغلط في البيت يمكن تسبب
نوع من الصداع النصفي لأهل البيت وإنهم لازم ينظفون البيت من أي مواد كيماويه
مثل ( الديتول / كلوركس / الكور البيض للتخزين وخصوصا الأخيره تثير مهيجات في الجسم
تسبب الصداع ..

وإنه جفاف الهواء من التكييف والبروده الزائده تسبب الصداع ولازم نحط جهاز الترطيب
الخاص بالغرف وأجهزه تنقيه الهواء ..

وآخر ما قاله إنه إذا الواحد يعاني من الصداع أول ما يسوي إنه يفحص الجيوب الأنفيه
لأنها السبب الأول للصداع ..

ومن عندي سوي فحص للجيوب الأنفيه أنا سويته
وفيه من ماركه بانادول نوع إسمه بانادول الجيوب الأنفيه ( أتوقع لنه يا أزرق يا بنفسجي )
ما أدري إذا وصل الخليج بس دوريه بالصيدليات راح يخفف الضغط الحاصل على الراس
ويختفي الصداع تقريبا ...


والله معاك إنشاء الله

:26:

وحدة كووول
والله انج صدق كووووووووووول :42:....مشكوره وايد وايد حبيبتي على هالنصايح...عاد أنا دايماً اصبب بهالديتول وكلوركس جزاكي الله خير اللي خبرتينا عن هالشغله....يا رب يعطيك الصحه و العافيه والسرور...
وارجو ان هالبطاقه تعجبك

(في هديه صلى الله عليه وسلم في علاج الصداع والشقيقه)

روى ابن ماجه في(سننه) حديثا في صحته نظر:

أن النبي صلى الله عليه وسلم كان إذا صدع،غلف رأسه بالحناء

ويقول: ( إنّه نافعٌ بإِذن اللّهِ مِن الصُّدَاع ).


وقد روى البخاري في (تاريخه) وأبو داود في (السنن)

أن رسول الله صلى الله عليه وسلم ما شكى إليه أحد وجعاً في رأسه

إلا قال له: (احتجم)، ولا شكى إليه وجعاً في رجليه

إلا قال له: (اختضب بالحناء).

منقول من كتاب (زاد المعاد)


أخيتي : أكثري من الدعاء وقراءة القرآن
وسأكتب لك لاحقا بعض الآيات والأدعيه التي تفيدك بإذن الله.
:26: