تحيه كبيره الى الاخت الغاليه الأميرة ريما
امس سويت طريقة الفول اللي نزلتها قبل كم يوم وطلع رووووووووووعه وعجب زوجي مررررره وكل
لقمه يمدح
وانا اظفت من عندي سلطه جانبيه للفول (طماطم+بقدونس ويكون اكثر من الطماطم+فص
ثوم+ملح+ليمون+قليل طحينيه)بالخلاط
والله عن جد لذيذ انصحكم تجربوه
ومشكووووووووووووووووووووووره اختي الأميرة ريما
على طريقتك الرائعه
وهذه طريقتها اللي بالموضوع
بلاش فول من السوق... ليش؟؟ لأنك تعرفين تسوين فول بالبيت..
السلام عليكم ورحمة الله وبركاته
اليوم من زود الشطاره اللي فيني سويت فول لأن نفسي فيه من زمان
قلت اجيبه لكم هنا بالمنتدى عشان بعدين تقولون لرجالكم روحوا جيبوا بس تميس والفول علينا
يالله بسم الله
اولا:
المقادير:
بصله متوسطة الحجم
نص حبة فلفل رومي
حبتين طماطم
ملح حسب الرغبه (بس لاتكثرين لأن الفول اساسا فيه ملح)
بهارات ( كمون _ فلفل ابيض _ كاري) حسب الرغبة
والأساسي فووول معلب
الطريقه:
اولا تاخذين البصل وتفرمينه في الخلاط الكهربائي لحد ما يصير شبه ناعم
ثانيا تحطينه بالقدر مع الفلفله اللي قسمتيها نصين وتحمرينها
الوقت اللي تتحمر فيه البصله روحي لعلبة الفول وصفي المويه اللي عليها
وحطي في الخلاط حبة طماطه وحده وقطعيها انصاف وفوقها (نص علبة الفول)
(طبعا الطماط اولا عشان ينفرم زين)
افرميهم زين لحد مايصير فرم ناااعم
بعدين حطي الخليط فوق البصل
خليه لمده خمس دقايق بالكثير وارجعي لباقي الفول اللي باقي ما فرمتيه
سوي نفس الشي
حطي حبة الطماط اول وبعدين الباقي من الفول وافرميهم
الحين بعد ماتخلصين فرم الخليط الدفعه الثانيه حطيه على الأول بعد مرور خمس دقايق والخليط الاول عالنار
وحطي البهارات ولاتكثريين الملح
اتركيه يطبخ براحته لمده خمس الى سبع دقايق
وابعدي قطعتين الفلفل اللي حطيتيها مع البصل
وبعد كذا حضريه بالصحون وصبي عليه زيت زيتون وزيينيه
وبالعافيه على قلوووبكم ياحلوااات
تحياااتي
الأمــــيرة ريما
الحلوه المزيونه💕 @alhloh_almzyonh_1
عضوة مميزة
يلزم عليك تسجيل الدخول أولًا لكتابة تعليق.
الصفحة الأخيرة
وربي يعطيك الف عافية