الشكوى لغير الله مذلة....

السلام عليكم ورحمة الله وبركاته

خواتي الحبيبات.....

بصراحة انا اتابع المنتدى صارلي اكثر من سنتين بس عمري ما تجرأت و كتبت موضوع لان مو من طبعي أكتب بس ما ادري شنو صار فيني اليوم و حبيت أفضفض لكم الليلة ...
الله يسلمكم مشكلتي يمكن تكون تافهة لكم بس انا ابي شئيين منكم أما الدعاء لي أو نصيحتي بنصيحة حلوه .. و الله يخليكم بعيد عن التجريحات ..

الله يسلمكم انا معجبة بشخص مؤمن جدا جدا .. انسان ابي دايما يتحدث عنه و عن اخلاقه و اهو دايما بالمسجد و مؤمن جدا جدا يعني بصراحة ما شفن انسان مثله بعلمه و اخلاقة و ادبه .. حبيته حب لا يعرفه احد غير الله سبحانه و تعالى و ادعي ربي انه يكون من نصيبي مع اني انسانه حقيرة لا استاهل انسان مؤمن مثله بس والله حياتي تغيرت كثيرا طبعا للافضل و صرت اسارع في العبادات و عمل الخير ..

انا اعرف اهله عدل و اهم يكنون لي كل الحب و التقدير احترمهم و يحترمونني و لا يعرفون ما اكنه لابنهم و الله صارلي اكثر من سنتين و انا احبه حب جنوني والله حب طاهر و شريف زز حبه خلاني اتقرب لله اكثر و اكثر و كل يوم اتمنى انه يحس فيني :(

المهم مرة أخته قالتلي انه امه رشحتني حقه لانه اهو الحينه يدور على بنت الحلال و اهو قال اني انا كبيرة مع انه اهو و انا في نفس السن تماما بس اهو يفضل زوجته تكون بين 20-24 مو اكبر من جذي و انا ابصراحة عمري 26 يعني العمر صارت مشكلة بالنسبة له بس شنو اسوي اذا انا كبيرة :( والله قعدت ابجي و حالتي النفسية تعبت حدا جدا و للحين والله احبه و ابييييه .. تقدمولي وايد بس ما اقدر اوافق على احد و هالشخص في قلبه و عقلي :(

يا بنات الخير نصحوني شنو اسويييييييييي و ادعولي انه يكون من نصيبي الله يخليكم

اختكم الضائعة
باشن