الشكوى لغير الله مذله ....أنا ما أبي غير الدعاء

الأسرة والمجتمع

السلام عليكم و رحمة الله وبركاته

بنات انا ساكنة عند اهل زوجي في شقة كبيرة

لي غرفة و لعيالي غرفة و أم زوجي هي اللي مسيطرة على البيت بالكامل

وش نطبخ و ش نسوي كل شي بامرها و شورها و انا ذات مسؤولية محدودة لا تقولون لي كيف

هذي الانسانه ما يقدر عليها إلا اللي خلقها شخصيتها قوية جدا جدا و لا احد يقدر يقول لها لأ

هي مو شريرة ......لكنها باختصار الكل في الكل و كل من شافها قال الله يعينك

زوجي وضعه المادي صعب جدا جدا و لا يقدر يطلعنا في بيت لحالنا

تصدقون

اخوانه جايين يصومون رمضان عندنا هم يدرسون بره بس جايين فترة رمضان

و انا كل يوم افطر لحالي و زوجي بره مع اخوانه و زوج اخته وكل العائلة السعيدة

و اخوات زوجي كل نهاية أسبوع يجيبون عيالهم علشان ينامون عند جدتهم و طبعا البيت يصير حوسة و يا ويلي

إذا زعلت أحد منهم

ودي اترك البيت بس اهلي بعيدين جدا جدا

ودي أكون ملكة في مملكتي الخاصة و زوجي كللللش ما يحس فيني او يتواصل معاي عاطفيا

أبدددددددددد

بعيد بعد القمر و النجوم و انا أبكي دم على ابعاده

ادعوا لي كثير الله يفرج همي

بالله ادعو لي في الشهر الفضيل

لا تنسوني من الدعاء في جوف الليل
14
1K

يلزم عليك تسجيل الدخول أولًا لكتابة تعليق.

تسجيل دخول

الروح الوفيه
الروح الوفيه
الله يعينك اختي ويفرج همك
اصبري ياقلبي والله ييسر امرك ان شاء الله
ام العنابر
ام العنابر
الله يفرج همك ويسخر لكى زوجك
عاليــــــة
عاليــــــة
الله يفرج همك وييسر لك الخير
من بين احبتي
من بين احبتي
قويه يا شماليه الوضع صعب
عادي لو تفطرين لحالك انا لو منك اروح اخذ عيالي واشوف هالاوتيلات ومره افطر فيها ومرا اسوي لي احلى فطور ومره اسوي لي جمعات مع صديقاتي ووناسه ترى زوجي مثلك يفطر عند اهله واليوم هو اللي افطر عندي وربي احسه هم ثقيل اسوي فطور وانوع في الاكلات وارتب الصحون بشكل يعجيه وارجع اتسبح واشخص وبعدها اللي بالي بالك وشاهي وووووووووووع الوضع وربي وانا لوحدي افضل
بقول لك شغله المساله ماهي من خالتك المساله من زوجك نفسه صدقيني مستحيل تجي تقول له تعال افطر عندنا واترك عيالك بس زوجك مهتوي واذا كان هو مهتوى وربي لا ترمين نفسك
اذا انك زعلانه طنشي وبتشوفقين كيف واتركي التودد اللي على غير سنع قولي انت تشوف وناستك انا بعد ابي اشوف وناستي
قومي بس اتركي الدموع والنكد ويجيك مرض والا ضغط وسكر مادرى عنك ولاهم دارين عنك عاد الحموله لو هم يحبونك والا باغين لك الخير كان قالو ا تعالي افطري معنا حتى لو مجامله بس عارفين ان هالشي يقهرك لاتوضحين لههم واسحبي عليه وعليهم هذا اذا كان الوضع مضايقك وودك بقعدته بالنسبه لي لا والله قالت الله يجزاهم خير اللي يروح يفطر عندهم ومرتين رحت لهم نادوني بأنفسهم ومره ارسلت عيالي
شمالية و افتخر
اب