الشكوى لغير الله مذله لكن ؟؟؟؟؟؟؟؟

السلام عليكم ورحمة الله وبركاته
بعد ماقريت قصص وهموم البنات حبيت اشارك واكتب همي قصتي طويله ويمكن تكون اشبه بالحلم
تزوجت من شاب طيب وكنت صغيره مشكلتي مع خالتي الله يهديها كانت تحب ولدها حب مرضي وحست اني اخذته منها ومن هنا بدت المشكله كنت كل ماطلعت معه مثلا نتعشى برى او شي زي كذا ورجعنا القاها تبكي وكانت دايما تقول لي لاتنامين معه تزعجينه ووووووالخ
احيانا تقول كلام يوضح انها مو بس تكرهني الا ماتطيقني المهم زادت المشاكل بيننا لين اصرت على زوجي انه يبعدني عنها ماتبي تشوفني وفعلا طلعنا في بيت والله يهديها ماخلتني في حالي كانت دائما تحاول تنكد علي الى ان جا ذلك اليوم اللي اصرت فيه اننا نرجع ونسكن عندهم وفي نفس البيت
وفعلا صار اللي ارادت وماكملنا سنه من رجعتنا عندهم في البيت الا وزوجي مرسل لي ورقة الطلاق بعد عشر سنوات عشره تخيلوا الالام اللي عشتها هذيك الفتره خصوصا انها حرمتني حتى عيالي خذتهم عندها تربيهم
جلست تقريبا اربع سنوات الله يعلم فيها بحالي
كان اليوم اللي اعيشه كانه سنه
وخلال هالسنوات تزوجت واحد خسيس له نيه ثانيه قصده زواج بنية الطلاق
وحظي السيء اني حملت منه وماكملت معه شهر الا هو مطلقني
والله يابنات اني احس اني جسد بلا مشاعر صارت الدنيا كلها واحد عندي احيانا ابكي واجلس ليله كامله ابكي بعدين استعيذ بالله من الشيطان الرجيم واقول ربي اللي خلقني واراد لي كذا لازم ارضى بحكمه
صرت اطفش من كل شي حتى من نفسي حتى والله يابنات مشيتي تغيرت صارت الخطوات ثقيله علي واذا مشيت عشره امتار احس اني سويت انجاز
طبعا ماكان فيه احد من عائلتي متفهم وضعي ونفسيتي الا ابوي
بعدها عرفت ان ربي ارحم بي من خلقه وفعلا اتجهت لله بالدعاء ان يرحم حالي وفعلا طلب زوجي الاول
اني ارجع وفعلا رجعت له ومع اني في نفس البيت مع اهل زوجي الا ان ام زوجي نوعا ما تعدلت
لكن للاسف لاحظت هالايام انها تحاول تشويه صورتي عند اقارب زوجي وتطلع عني اشياء كثيره اخرها فكرة اني (نضول ) (حسوده) بصراحه شر البلية مايضحك طبعا وبالنسبه لهالمجتمع اللي نعيش فيه واللي اي شي يصاب فيه الشخص قال عين صدقوا كلامها وصار الكل يخاف مني
مع اني والحمدلله مميزه بينهم في الاخلاق والجمال والكشخه
وبصراحه حسيت انها ماراح تخليني في حالي (مايسوى علي هالزوج)
وبعد مابلغ السيل الزبى دعيت عليها ان الله يبلاها في نفسها واليوم صار حركه من وحده قريبه لزوجي وكنت اعتبرها صديقتي كانها خايفه مني احسدها والله ماكرهتها لكن دعيت على من عطاهم هالفكره عني صدقوني يابنات اني ماقدرت انام الليل كله ابكي الى الان وانا مواصله خلاص تعبت
شفت منها الكثير الله يهديها بس من كثر ماتغتابني حبوني الناس يشوفوني ساكته ولا اجيب سيرتها الافي خير وهي تسب ليل ونهار
تخيلوا حتى احيانا ادخل المجلس وعندنا ضيوف ويسكتونها الناس يقولون ( اص جت )
بصراحه احس ماقدر اجاريها لاتقولون تقربي لها بالهدايا لاني والله سويتها كذا مره وماتشكرني تروح تشكر ولدها او تجلس تعيب في الهديه اللي انا جايبتها مثلا انا مالبس هالنوع او هاللون باهت كانه انغسل مية مره ومثل هالكلام
ابي منكم الحل تكفون لاتخلوني:26: