الشك القاتل وش الحل

السلام عليكم ورحمةالله


ودي استشيركم وابي الشور من وحده عاقله

زوج اختي العروس مالها 4 شهور متزوجه يشك فيها شك مو طبيعي

لدرجه لو يلقى معها مكالمه يقلب عليها ويستجوبها

من اللي تكلمينه ومن متى تعرفينه

المسكينه قطعتنا معاد ترد علينا ولا على صديقاتها من الخوف

وصارحتني انه اذا جا وقت الاستجواب يضغط على يدها من العصبيه يوم ورتني يدها الا كلها علامات زرقا

قلتلها طربقي الدنيا عليه وقولي استح على وجهك

تقول سويتها مره

وقال ضفي عفشك روحي عند اهلك

انا اهلي ابد مايتقبلون مطلقه وماصدقوا يزوجونا


يعني على قولتها وش يرجعني لاهلي واخواني اللي كلن يداري على مرته ويويلي لو افتح فمي لوحده

تسلط بتسلط

المهم تكفون وش الحل معه

هي تقول انه باول زواجهم طلب ايميلها وشاف الظاهر قروب اللي يرسلون ايميلات متنوعه تقول وقعد يستجوب منهو هذا ومنهو هذا

تقول قمت انقهرت ومصعت الافياش من القهر وطفيت الجهاز قام انقهر قال اكيد لك علاقه ومخبيه اعترفي

تقول الى يومكم وهو يقول ليش شلتي الافياش من اللي تخبينه عندك