الشك ذبحني :(

بالاول صلو على النبي
بنات الله يرضى عليكم كلكمم انا تعبت من الشك وربي تعبت زوجي كل بين فترة وفترة الاقيه طايح بمصيبه واقلب عليه الدنيا ويعتذر ويبكي ويصير اسبوع زي العسل يعني تعامل واسلوب يجنن دلع في دلع وبعد الاسبوع يرجع عادي لان خلاص ضمن رضاي المهم صرت على النازلة والطالعه اشك فيه خلااصصص الثقه تجاهو صارت صفر لان يمكن اكثر من 5 مرات وانا اكتشف شي عليه من خيانات وكذب واخذت عهد على نفسي قدامو لو مشكت عليه شي ماابقى معاه دقيقه
المهم نجي للهم اللي انا فيه ابغى اعرف زوجي كذاب او لا احس انو انسان داخل على طمع انا الحمدلله بابا وضعو ممتاز وماعندي اخوان احس زوجي ماجا وخطبني الا لذا الشي بنات تعبت وانا افكر احس لو باباا جرالو شي بيقلب لان مرات والاغلب لما اجيب سيرة اهلي نظراتو وانا اهرج كانها سخرية واستهزاء بالذات لما اجيب طاري اهلي حتى لو الهرجه فيها ضحكك وربي اقولو ليش تسوي كذا بوجهك يقول لا ولاشي وفوق كدا جاني مرا وقلي سبحان الله كيف تحبي ولدك انا ما احبو انا وجهي كدا وققتها 😳 قلت ايش ؟ قال والله ما احبو مره قولتلو ذا ولدك من لحمك ودمك كيف ماتحبو كيف و انا بنت الناس اكيد نفس احساسك لولدك ؟ تعبت ي بنات من التفكير جاني كم مرة يقولي فلان بيخطب من عندكم يقول والله ابوها معاه بيوت واراضي تزبط وضعك فيهم وتسكن في بيت من بيوتو بايجار رخيص .. زي ما زوجي ساكن دحين💔ااهه ي بنات وتعبت اكثر لان على كثر خياناتو الا اني سكت عنها وخليتها بيني وبينو تخيلو كل ذا يابنات وانا مالي سنه وكم شهر تعبت من التفكيير تعبت من خياناتو نفسي اختبرو بخيانتو ليا ونفسي اختبرو هل هو يحبني كا زوجه بعد ما زاد شكي له لما قال مايحب ولدو او انو داخل على طمع. الله يسعدكم مابرتاح لين اعرف لان مخي وتفكيري له صار كلو شك هوايخوني ؟ هوا كذاب ؟ داخل على طمععع ؟ الله يسعدكم بدون تجريح ليا او كلام قوي لان اعتبركم زي اخواتي ومابغى اندم اني كتبت لكم وفضفضت وطلعت اللي بنفسي 😔💔