الشماته تكسر القلب

السلام عليكم
صباح الخير
انا ترتيبي بين اخواني واخواتي ٤ قبلي بنت ولدين
وبعدي بنات وعيال
بس سبحان الله انا اقل من خواتي بكل شي لون الشعر الجسم الاشباه والدراسه تخرجة من الجامعه ولا بعد توظفت
طفولتي كانت امي قاسيه جدا ماادري وش كانت ظروفه او وش السبب اللي خلها تحط ضغوطها علي
لازم تعيب شعري الخشن وسماري كثير وهذا مو بيدي
من بديت استوعب تحطيمه من سن ٩ سنوات
لازم تحطني نكته عند خوالي وخلاتي لازم تقول ماينفع عليه اللبس
وكل ماكبرت يزود حجم التحطيم والقساوه والضرب صار باشياء قاسيه
بالمتوسط اختي اكبر مني ٩ سنوات وامي تشوفها صديقه سبحان الله وماشاءالله جميله ولازم كل وقت تباهي فيها ماشاءالله جسم ولون وشعر وجه حسن
واختي استغلت حب امي لها وهذا شي طبيعي مراهقه وشافت معزتها
ولازم تستفزني وتعيبني بهدوء ماتحس فيها امي ثم انا اتهاوش معها وبالاخير انا اللي اكل الضرب
والله امي تدخل بينا وتضربني وتقولي روحي انتي وشكلك اللي محوم كبدي
واحيانا ماتقولها بس تكتفي تعطيني كف او تتفل بوجهي
احس بقمة الاهانه وصل عمري ١٥ سنه كنت اتعشى مع امي وابوي واختي كان عندها اختبار ونايمه بدري امي تقول لابوي ماجبت بنت مثل جماله ولا احد من اهلك والخطاب يبونها اليوم ناس يبونها


المهم بشبكة اختي امي تناظرني وكنت كاشخه والحمدالله مملوحه تقول احس اللون مولايق عليك يبي وحده بيضاء انتي مسودك
نحفك وعظامتك بارزه ومرت خالتي وامي تكمل النقد وتقول لها انا تضايقت وكتمت بس بالاخير انفجرت اصيح قدام اقاربي وحطيت غيضي بالاولاد المشاغبين اللي يحسون كوشة اختي
من راحوا الكل بااليل امي تقول انتي غايره منها وفشلتينا عندهم لو تشوفين وجهك وانتي تصحين كان تكرهين العافيه
المهم استمرت امي تعيب وتقول انا اغار وتأخرت ماتزوجت الى ٢٩ تزوجت واحد دائما يناديني يالمملوحه ويسميني الهنديه ويمدح ملحي عند اهله بس يعيب نحفي مو عاجبه ابد يبغاني اصل وزن ٦٠ وانا وزني ٤٩ وطولي ١٤٩ المهم حاول يطفشني عشان اطلع وطلقني
وتزوجت واحد ثاني من ليلة زواجي يعدد اشياء بي ماتعجبه ويعددها ويمدح ام اولاده طليقته بياضها وشعرها
انا والله مقبوله والحمدالله ربي خالقني احسن تقويم وفيه اللي اقل مني
والحين طلعت من عنده وطلبت الانفصال الرجال ماينام معي يتهرب من الغرفه وينام مع ولده
والله اذا انجبر يبغى حاجته يحاول يناظر السقف عشان مايشوفني يكيدني ويمدح طليقته بكل وقت ولازم اذا شافني يقول ابرجعها
وحتى اذا اجبرته شهوته وخلص يقول احاول ارجعها وهو مابعد ابعد عني


واللي قاهرني اكثر من من كل شي ذقته من طلاق من اي شي
امي تتشمت انه ولا واحد اخذته اعجب فيني تقول اخذتي ٢ ولا واحد عجبته خلقتك وتضحك
اول مره قالتها قويت نفسي ولا بينت لها شي ولا اهتميت بالعكس اسولف مع خواتي والعب مع خواتي الصغار ولا همني
بس امس قالتها ثانيه بس المره هذي مسكت نفسي مره ثانيه بس من شافتني ماارد تعيد وفازت علي وقلت لها ان شاءالله تذوقين شماتتك من ابوي يذوقك الي ذقته مع الرجال اللي اخذتهم
وكل هذا عشان انكرت منكر وقلت ليش ماتقصرون الموسيقى وصارت تعيب وتقول ماتبرين فيني
قلت لها ليش ابر فيك وانا ماذقت حنان الامومه منك الا التجريح والضرب والدعاء والشماته من طفولتي وانا اعاني
ورحت خليتها


بس احس بالغصه انا وش ذنبي اذا انا اقل من خواتي
انا وش ذنبي انها تشوفني بعينها مو حلوه
وش ذنبي اني تأخرت بالزواج وتجرحني تقول انا واختك تزوجنا واعمارنا صغيره
وش ذنبي اني ماتوفقت بزواج ودايم تاشمت وتقول لاختي اللي بعدي اذا ماطعتيني ابدعي عليك ماتوفقين مثله كنت ادعي عليه وشوفيها ماتوفقت مرتين تقوله وانا موجوده - اقولها يافرحتك انك قاسيه الام ينكسر قلبها مع قلب بنتها المكسور


الحين احس بكمية حقد غرست فكرة براسي اني مراح اتوفق طول حياتي واني مافي احد يبين
ودايم تقول انتي اشين البنات
واذا قلت لها اشبه لك تدعي علي بالموت والمرض اللي مايخرج شي من بطني واموت - اللي يقهرني انا شبه لها بس افرق عيوني وسيعه وشفتي اصغر ولا نسخه منها واذا قال لها اني اشبه لها تنكر ولاكأن اللي شبهو فيها بنتها
والله اشتغل معه واساعدها واقف معها خواتي اللي تحبهن والله يجلسن بغرفه ولادرو عنها
بس ماتشوف اي شي اسويه
وصلت مرحله تدعي علي بالموت واامن معاها وقول يارب عجل الاجل وريحني
انا ابتليت بحياتي من طفولتي
واللي يقهرني اني غبيه اسامح واضحك واستمتع بأي شي اهم شي انبسط
اسعد نفسي بنفسي رسم خياطه زراعه تنظيف رياضه ةساعد ابوي واخواني حريم اخواني الاقارب
اهم شي مااجلس معه ونتمشكل
اكره نفسي على كل شي ذقته بدنيا مزال وجهي يبتسم ماعندي احساس غبيه اشك ان الحيوان يحس احسن مني على كثر اسمع تجريح من امي واختي وبعض اخواني الا بسرعه النسيان عندي ارجع اضحك واسولف وامتع روحي اموت قهر اني جماد اذا شافوني اضحك يحسبوني مااحس او مااتألم داخلينا
مقهورة على كثر ماتدعي علي بالموت والمرض
الا الحين موجوده مامت
مراح اهتم فيها زي قبل عشان تحس اني انفع وشيلتها على راسي المفروض تعاملني بااحترام مثل اختي واخواني
امي تعاملنا بترتيب على حسب الزين واقل المراتب انا واحد من اخواني مانسلم ابد


لا احد يقول تقربي لها لاني يأست
تشوفن ضعيفه اذا تقربت لها


امي قووووووويه جدا وفيها جبروووووت عظيم
الكل يتحاشها ولا يعزمون نفسهم عندها حتى اخوانها وخواتها مايجون عندها الا اذا تشرهت عليهم


بس اللي يقهرني ماتعترف اني نسخه منها بالشكل وتشوفني مو حلوه