الشماته وماأدراكم مالشماته قصص

يابات ممكن موضوعي شوي مختلف بس والله الي خلاني اكتبه شماتتة البنات في المنتدى ببعض وخاصة في هالقسم:mad:
لاتشمت بأخيك فيعافيه الله ويبتليك وحبيت اذكر لكم بعض القصص عن الشماته
اذكر قبل اربع سنوات تقريبا وحده من بنات خالاتي وياكثر شماتتهم فينا من يوم كنا صغار المهم تقول لوحده من اخواتي كانت لابسه بنجابي الاسلامي المعروف انتي ماتستحين على وجهك ومن هالكلام ومن يبي يتزوجك وكيف تلبسين اللبس هذا وامي ماقالت ولا كلمه المهم الحين شوفي لبسها ولبس بناتها الله يعافينا بلايز قصيره وبناطيل جينز بحل يالبنجابي
ومن كنا صغار والله ماأذكر امي ماشاءالله عليها تتشمت في احد اوتتدخل في احد ويوم كنا صغار كنا ماشاءالله كثار وعلى بعض فتضطر امي تجيب خدامه وكان عندنا جاره ماتخلي احد بحاله وتقول لامي وشوله الشغالات الحمدلله ماله داعي انا حااااااااااااااااالفه بيتي ماتدخله شغاله والله لواننا مكسرين والحين سبحان الله شغاله ورا شغاله ومع كذا امي ماقالت لها ولاشي لانها متوكله على الله الي ياخذحقها من كل الناس الله يطول في عمرها بس
واحم بعد زوجي المصون الله يهديه علق على وحده من اخواته وقالها انتي وشلون تخلين بتك تلبس ذا اللبس كانت لابسه بنجابي انا والله مدريت عن السالفه الا الايام هذاي لاني صرت البس وبنت اخته هي الي قالت لي منقهرة منه وهي الحين ماتلبس وانا البس بنجابي طبعا الاسلامي بس اهلنا ولله الحمد ماعندهم خرابيط في اللبس وهو مايقول شي خخخخخخخخخخخ شفتو الشماته وحتى لوعلق علي سبحان الله وحاول يمنعني اسفهه كانه شي غصب علي

انتظر قصصكم للفائده والعبره:26:
واللي تبي تنصح اي وحدة لازم تصفي نيتها لله ويكون كلام بينهم ماحد يسمعهم موتتشمت فيها قدام العالم تقول لا انا انصحهاا ياليتها ساكته ازين لها لان النصيحه ماكانت ابدا بالطريقه هذي