من قال الشمالي الشرقي ماايخوون 
معروف اناني يحب نفسه ويشوف من حقه كل شي 
 طالما مايقصر مع اسرته واهم شي عنده يوفر الضروريات   اما الكماليات على حسب مزااجه وماديته لكن في العمووم كريم ومهاايط نرجع لموضوع الخيانه
 خيانته مو علاقات عابره واي وحده ووالسلاام 
لا هو مايحب النوع ذا ويخاف على نفسه من الامراض 
ومايرضى على نفسه 
لكنه ينتقي وممكن يتزوج اذا لقى وحده جميله يمووت بالجماال وبالطول والشعر الناعم الطويل 
حتى لو بخاطره يطلقها بعدين اهم شي يقضي وقت حلو 

غثيه بالاتصالات والرسايل

 يحب عمله واذا انشغل به مايحب احد يقااطعه حتى لو

 بكلمه حلوه اصلا مايحب يشوفك متواجده فالمكان الي

 يشتغل او يقرا فيه تنرفزينه ويمكن يفتعل معك مشكله

 معك عشان تتركين له المكان لوحده 

 هو عصبي وفي نفس الوقت طيب ورومانسي بس على حسب مززااجه 
 يحب الاهتماام بس من دوون تلزق يعني تهتمين ببيتك

 واولادك ومذاكرتهم واغراضه الشخصيه 
 ولاحتاجك وجدك امامه جاهزه مايحب ينتظر ويحب تريحينه جدا لابغااك ويبدع هو ايضا 
 مفتاح قلبه معدته يحب الاكل والتنووع 
 ايضا يحب المراؤه الصبوره ويكره العنااد 
ويكره البنت المسترجله ويحب القويه في نفس الوقت 
 يعني مايحب المره الضعيفه الي ماغير تبكي وحساسه 
وفي نفس الوقت يكره المراؤه القويه المسترجله 
بتقولين وش اسوي جنني 
معك حق هو يجيب المرض والجنان هههه
 لكن اقولك شلوون 
يعني هو يحب المراءه الصبووره الغير عنيده المطيعه
في نفس الوقت يحب قوة شخصية المراءه بالحدوود والمواقف الي هو يسمح لها بها 
ومهم عنده ان تحافظ المره على انوثتها حتى وهي غااضبه 
ويكره الصوت العاالي ويشترك معه اغلبية الرجال 
  
 بس ارجو منك تصححين لي ملاحضاتي السابقه 
تحسين زوجك فيه الصفاات الي قلت اولا 
   بصرراحه احس كاني اكلم نفسي هههه

والله احسها خراط انا زوجي مافيه ولاصفه من الانماط الاربع احسه عادي كل الرجال يعصبون وكل الرجال مايحبون الغثه وكل الرجال مايحبون الزن حتى بعض الحريم تنطبق عليهم ذي الصفات طيب لمن يكون الرجل ندمن مخدرات لانه عنيد وعصبي مايتفاهم بسهوله بتقولون عنه شمالي ههههههصاحبه الموضوع حبيبتي الرجال وانتي ادرى فيه يعني لاتصيرين سلبيه وتخلين زوجك يقتلك ببروده انتي برضو لك احاسيس ومشاعر حسسوني البنات بعالم حواء انه خلاص نمط الشخصيه هذا شي لازم يعتمدون عليه اختي دخلت مره هنا المنتدى وقالو لها زوجك شمالي ومدري ويش عزللله راحت في خبر كان بنصايحهم وجاها قولون من كثر ماتكتم في داخلها هذي اللي يقولون لها بوصله الشخصيه مثلها مثل الابراج توقعات تصيب وتخطاء

يافلوور حنا نتكلم عن الاشخااص العاديين الازواج الطبيعيين 
 مو عن المدمنين واصحاب العقد النفسيه هذولا لهم اماكن يتعالجو فيها حبيبتي ماتنفع معهم لاشمالي ولاجنووبي