الشمالي الشرقي وخياناته 😩💔💔💔

سلام
والله اني بحيره مايعلم فيها الى الله وانا من الناس اللي ماحب افضفض لناس يعرفوني شخصياً ابغى حل بكثرة الخيانات من الزوج ! المشكله والله مو مقصره معاه بشي ولا ناقصني شي ! دلع مدلعته مهتمه ببيتي غداه وعشاه جاهز باخور قهوه وشاي دايم امزح واضحك ولا نكديه واراعي مشاغله ويقولها مالقى زيك والحمدلله انا جميله جميله بشهادة الجميع ونظيفه بنفسي وانيقه وجسمي جميل يعني ليه يخون ؟ لي سنه ونص متزوجه اول ٦ شهور من زواجي كشفته يكلم وحده عمرها ٣٩ سنه ! وله يعرفها فوق ٥ سنين وواجهته وانكر نكران فضيع شككني بنفسي وحطها براس اخوه وقال هو ياخذ جوالي ويراسل وعديتها وبعدها بشهرين رجعت كشفته يكلم نفس البنت ! الكبيره اللي فرق بينه وبينها ١٣ سنه متخيلين ! طبعاً عنده بنات كثير بالسناب بس ذي البنت كان واتس واتصال ورحت عند اهلي ماقدرت اتحمل ولا تكلمت معاه بشي ابداً بس قلت ابغى اهلي وبس المهم قلت لاخوي كل شي واخوي كلمه وقال لاخوي والله ماراح تنعاد وجاني وبصراحه كنت شاكه انه يحبها ! وقال لي والله احبك انتي وانا اتسلى عليها اخذ وحده مو متربيه ؟ تكلم عشره غيري من جدك وقام يبوس راسي وعديت الوضع والله اني مادور وراه انه ينكشف قدامي واللحين انا متأكده انه رجع لحركاته متأكده اذا مسك الجوال وانا جنبه مايدخل السناب نهائي ويروح يعطيني وجهه والجوال قدامه ويدخل السناب ! واحياناً اكون نايمه يدخل سناب بس يشوفني فتحت عيني على طول يطلع من الصفحه ويقفلها نهائي او انه يسوي نفسه يتمغط ويلف الجوال وبعدها على طول يعطيني ظهره طبعاً دايم حركاته ذي دايم اكثر من مره ! والاحظ لما يتحرك انه داخل السناب بس مايمديني القط الموجودين واحياناً يقوم من السرير اذا كان منسدح ويجلس جلوس ويفتح جهات اتصاله باالسناب وبعدين ينسدح جنبي ويدخل على صفحة المشاهير ! وذاك اليوم يسولف سناب اسمع صوت الرسايل ورحت بمزح معاه لما قربت على غفله الا هو يميل الجوال قلت ليه تميله قام يضحك قال اسولف مع صاحبي ! قلت اشوف قفل الجوال ! واحياناً تجيه رسايل سناب يقوم يروح الحمام ! يعني مره واضحه بس طبعاً انا مسويه نفسي هبله ومو فاهمه هالحركات وانا فاهمتها وهو يحسب انه ممشيها علي المشكله احس اني حاقده ومو طايقه منه كلمه ولا حرف احياناً اقول اصبري تأكدي بس مو قادره غصبن عني لان اللي يشوف حركاته يتأكد بدون ادله والله صايره بس اتهاوش معاه ومو متحملته اناظر فيه نظرات حقد مو متقبلته وش اسوي خايفه اواجهه ياخذ حذره اكثر 😩 زوجي شمالي شرقي وسمعت الشمالي الشرقي اذا حب مستحيل يخون ! بديت اشك بحبه لي والله وش الحل الله يسعدكم كل وحده تحط نفسها مكاني وش ممكن تسوي ؟