الشمالي الغربي كيف أتعامل مع أهله إذا هم مقصرين

السلام عليكم ورحمة الله وبركاته

أخواتي أنا زوجي شمالي غربي..ويحب أهله ومايحب أتكلم قي أخطاءهم علي..عكس إذا أنا غلطت عادي يسمع لهم ويقول لي أعدل من تقصيري تجاههم..

المهم..أخوات زوجي إذا صارت مناسبة لسلفتي أو أهلها ما يقصروا معاها ويروحوا لأن زوجها عصبي وياويل اللي يقصر في حق حرمته وزوجته وعياله أهم عنده من أهله وياويل اللي يغلط عليهم يرجع الصاع صاعين..

أما أنا زوجي شمالي غربي مايركز كثير في هذي الأمور أو إنه يركز وينسى على طول..هو على نياته وأنا كنت زيه..إلين لاحظت إنه مناسبات تحصل لي وبعضها يحضروها وبعضها لا..عكس سلفتي يحضروا أكثر أو كل مناسباتها ومناسبات أهلها كمان شكله خوفا من أخوهم..

أنا ماقصرت معاهم حشمتهم وقدرتهم لكن هم زاد تقصيرهم لي مقارنة مع سلفتي..وآخر مرة ات عندي مناسبة ماكلفوا نفيهم حتى تلفون أو حتى رسالة في الواتس إنهم يهنوني..مواجيبي يحضروها بمزاجهم..

المشكلة :
أنا دحين كرامتي حرقتني وقلت أرد بالمثل..وزوجي شمالي غربي مايحب تنطقي عن أهله أي شي مو كويس..وهو برضو غيبة ونمينة فالأفضل ما أذكرهم..

أبغى رايكم..إذا كنا قريب من بيت أحد أخواته أو في العيد قال لي قومي نعيد على أخواتي..إيش أرد عليه؟
هل أروح معاه أو أرفض..وأخاف يكرهني لأنه شمالي غربي ةرابط نفسه بأهله ويتضايق إذا قصرت بحقهم حتى إذا هم مقصرين معي..

دلوني جزاكم الله خيرا