الحمد لله انا اليوم احسن كثيرا
شاكرة لمرور الجميع ودعواتكم
memsi الموضوع يحلي بوجودك...تابعينا
femal شكرا جزيلا

ارجو عفو ربي ....سلامتك من الاكتئاب ...ان شاء الله تتابعي وتشاركي معنا دايما ...يارب يكون الموضوع دا مفيد وناجح زي موضوع الهلوبة ...وقعتي فالنص بين الشملولة والهملولة ...انوي معانا و نبقي كلنا شماليل

الان اولا تنظيم حياتك
تنظيم حياتنا هو الاساس و عليكي ان تثقي في ان وعي المرأة وثقافتها هما الاساس اللي ينظم حياتها يعني بيت الخادمة غير امعلبمة غير الاستاذة الجامعية غير الاميرة غير ....غير ...غير ...حسنا ما هو الشكل الذي تحبي لما ندخلك بيتك نعرف منه مستوى وعيك وثقافتك .. ليس لانك معلقة شهادة جامعية او دكتوراة ا لا مش دا قصدي احنا لسنا وزارة التعليم العالي احنا لينا الفعل يعني ولادك منكوشين وملحوسين و والذباب عامل عزومة عندكم دي مش غلطة الخدامة دا عقلك انت...
كل واحدة فينا ليها مستوي معين تشعر في بالراحة يعني في ناس واخدين على بيوت مستوى نظافة ايه وان a 1 الرخام على الارض بيلمع وسجاجيد من نظافيتها وشياكتها تفتكري اها للفرجة فقط وريحة البيت والجو كله كأنه ممنوع الاقتراب فقط للتصوير وناس تلاقي الزجاجات مرمية فكل مكان و فتافيت الاكل مطية السجاد والعيال ملطخين اكل بالالوان الطبيعية وريحة الزبالة طفشت الجيران وتلاقيهم قاعدين مسترخيين وهو دا العادي بتاعهم ....مستوى وعي كل واحدة هو اللي بيفرقها عن غيرها
في ستات كتير بيجلها اكتئاب واحباط من مجرد انهم مش قادرين يوصلوا لمستوى النضافة اللي هما عاوزينه وناس تانية مبرديين على قلوبهم ....كل واحدة حسب مستوى وعيها .....ما مقدار وعيك؟؟

تأملي بيئتك واسلوبك في الحياة بنظرة متعمقة
اسئلي نفسك كيف ابدو شكلك حلو فنظر اللي حواليك ...مش داخلين مسابقة ملكة جمال العالم بس الاحساس بالجمال يجب ان يكون من داخلك اولا ...قد ايه محافظة على حاجتك يعني فلوسك دهبك عربيتك نظيفة من جوة ولا محتاجة عملا يشلاها ينفضها ويرجعهالك ...هل انت من الستات اللي لو اشترت طقم جاهز مش ممكن تظبطه نفسها الذيل طويل تتنيه ليه عيب يمسح الارض و الشارع احسن محتاج اوبلتات لا ا مش للدرجة دي اوبلتاتايه ؟؟ يعني ايه اوبلتات اصلا السوستة اتفكت افضل البسه لحد ما تتقطع خالص وبعدين ابقى اشبكه بدبابيس لكن اخده غرزتين اثبت السوستة كفى الله الشر انا مش بتاعت الكلام دا
مين بقى شافت القسم اللي قريب مننا كدا قسم جارنا اسمه قسم الديكور ديكور ايه ربنا يقدرنا على التنظيف هنجيب لنفسنا بلاوي تانية دا حتى العيال هيكسروه و مش هيفهموا خسارة الكلام دا لما العيال تكبر شوية اللي عيالها لسه مولودين تقول لا لما يذحف هيكسره و لما يبطل زح لا لما يلعب كره هيكسره ... وهكذا لحد ما بقى العيال عرسان تقولك عملنا ديكور واحنا صغيرين لما نعمله واحنا عواجيز حد قادر على الدلع ده ......ربنا يصبرنا
كيف تصرفي اموالك ..على المطاعم على محال الملابس على حاجات زاحمة بيتك و عاملة زنقة وفيي عندك منها كتير وبرضه ما تستخدميهاش وممكن تشتري تاني ؟؟...على ايه ولا ايه ولا ايه ولا ما بتصرفيش خالص؟؟؟؟ في ناس ما بتصرفش لدرجة حرمان اطفالهم فاكرة ان كدا بتعملهم مستقبل وتصلب عودهم خلي بالك انهم من كتر الحرمان ممكن يرقصوا فجنازتك فرحة بالكنز اللي كنتي حرماهم منه و هينفجروا اصرافا الصرف اللي اتحرموا منه العمر كل انا عارفة ان النوع دا مش معانا ان شاء الله ...اكيد مش هيهون عليه يصرف فلوس فالنت على قراية مواضيع هو اهبل دا عارف كل حاجة
مين بقى الناس اللي بتقضى وقتك معاهم ...سؤال حلو دا برضه دا برضه يشمل الناس اللي بتعملي معاهم شات على الماسنجر ....معقدة الاخت.....لما تعرفي اجابة الاسئلة دي تبقي شوفتي تقريبا مستواكي ...محدش يقرا فورقة اللي جانبه اللي هلاقيهم ناقلين من بعض هدبس اجابته فاجابة اللي جنبه فالكمبيوتر واعملهم محضر غش ...

صباح الخير عليك كلامك حلو جدالكن البيوت الصغيرة بتبقى حوسة والنظام فيها صعب وكمان انا كام مش بقدر اعمل كل حاجة بنقسى اتعب بيتى كل يوم عايز طبخ ونفخ وتلميع ولما انظف ببقى مش عايزة حد يلمسكرسى او يقعد على سجادة او يلمس حيطة فلقيت نفسى طول اليوم خنقات عايزين غرفة معيشة كبيرة لان الرسشين ممنوع استعمالة طيب احنا قاعدين فى غفة ابنى ناكل ونتفرج على التفى وكمان الكمبيوتروسرير الولد ودلاب وكنبة واتنين كرسى وتربيزة اكل يعنى مفيش نفس فبنزهق وننزل انطفش من البيت انا مشكلتى ضيق المكان

يعنى نفسى قوى انى اكل فى مكان واحد وانى احافظ على نظافة المنزل اغطى الدنيا واقفل الشبابيك علشان الغبار لكن اولادى رايحين جاين وعملين البيت سيرك

hayosha صباح الفل نورتي الموضوع ممتاز جدا انك عندك الحماسة وبتنضفي وشغالة عال العال وكونك عارفة المشكلة فزي ما بيقولوا نتي فمنتصف الطريقة للحل يعني عديتي العقبة الاولي دي مش مشكلتك لوحدك دي مشكلة ناس كتير ولا اللي بيتهم كبير مرتاحين ولا اللي بيتهم ضيق مرتاحين انا ال ما تزوجت كنت ساكنة في شقة صغيرة مساحتها كلها 90 متر و كنت انا زوجي طبعا فالبداية وكنت مخنوقة من الشقة وصعب تنضيفها خانقة بعد ما بقى عندي بودي و طمطم " الدلع الجديد لغادة" انتقلنا لشقة واسعة اوي كان الريسشن لوحده 60 متر حاجة طبعا مهولة بالنسبة للوضع الاول والاولاد فاكرينها ساحة جري و كان الغرف مش بنفس الوسع ماكنتش قادرة عليها و منعت الاولاد من دخول الريسبشن لاني بمجرد ما انضفة مرة اشعر اني روحي راحت وانتقلت لشقتي الحالية الريسبشن اصغر و الغرف اكبر ومحدش مرتاح

الله يعينك