الشهادةالجامعيه . وماذا بعد ..؟!!!

اليوم بتكلم عن شي بقلبي كابتته شهوور
احاول اقنع نفسي ان مالي ومال كلام غيري واهم شي نفسي بس لاحظت هالشي مررره زااايد ومنتشررر
شي انا عشت فيه وحسيت بشعور أي وحده تكون بموقفي
سحبت من الجامعه برغبتي لاني ماابغاها وماارتحت فيها وماله داعي اكتب حالتي بالتفصيل المهم
قعدت فتره يمكن كم شهر عانييت من داخلي ونفسيتي تعبت والسبب تفكير اغلب الناس

بس الحمدلله رجعت لعقلي وحكمتي وعرفت ان كل شي يصير للانسان خيره له
وقدرت اثبت نفسي كخطوه اول .. دخلت معهد انجليزي .. وناويه على كم شي باذن ربي يكتب لي الخير وانفذه
مازلت انا بطمووحي وآمــاآلي اللي بفتره محدوده حسيت ان كل شي تلاشى والسبب ...... !!
المهم خرجت شوي عن الموضوع نرجع لموضوعي اللي بقلبي


الشهاده سلاآح ..!!

للاسف اسمع هالكلمه كثير وماخذينها الناس قاعده بحياتهم
ماانكر انها صحيحه بنسبه معينه من ناحية انها سلاح تتسلحي فيه بحياتك بس .. تجي الوحده تكتب الشهاده سلاح وتلاقيها حاصره كلامها على الجامعه يعني ذحين الشهاده = الجامعه ..!!!
ياما قريت وسمعت اشخاص يقولون الشهاده الجامعيه سلاح والثانوي ماتعتبر شي
واسمع هالكلام كثيير يعني بالله دراسه 12 سنه ماتعني شي بحياتي ..
ودراسة 4 سنوات بالجامعه صارت هي علمي ومستواي ..!!!
والله اسمع العجب ..
ماانكر ان العلم حلو وحلو الوحده تحقق اللي ببالها بس التحقيق له كذا مجال مو شرط دراسه جامعيه وبشهادة بكالوريوس
ولاننسى العلم بكل شي الوحده تتعلم من موقف صار لها .. تتعلم من كتاب قرته .. تتعلم من دوره تفيدها بحياتها .. تتعلم من أي شي يطور فيها وبشخصيتها

الاسلام وصى بالعلم بس مو علم الجامعه وبس
رسولنا الكريم ماكان معاه ولا شهاده حتى ابتدائي وهو اعلم البشر واحسنهم
عمره ماكانت الشهاده تقيس مقدار شخص سواء بعلمه او بتفكيره
ياما ناس متخرجين بشهادات بكالوريوس وتجين تساليهم عن دراستهم مايعرفون يجابون
هذاالعلم اللي مستندين عليه ..؟؟
هذي الشهاده اللي فرحانين فيها وينها تفيدهم بشي لنفسهم بمعلومه لذاتهم قبل لاتكون لشهادتهم ..!!

وياماناس متخرجين بشهادات ماجستير وجهله بمعنى الكلمه انااتكلم عن العمووم واللي انا شفته من واقع تجربتي
وماانكر في نناس فعلا ماخذين شي هم يستحقونه ..

وبعدين لاحظت كمان تهمييش قووي لشهادة الدبلووم والله عيب علينا صرنا نعيب بكل شي وماعاد يعجبنا شي
تجي الوحده تقول شهادة دبلوم ايش تبغين فيها خذي بكالوريوس احسن لك
طيب معاكم في شهادة بكالوريوس اعلى بس اذا بنقيس الشهادات على كذا وبهذا المفهوم اجل خلاص البكالوريوس ماتسوى شي في ماجستير اعلى
والماجستير ماتسوى شي في دكتوراه اعلى

لكل شي قيمته ولكل شي فايدته لصاحبه .. مافي شي يتقارن بشي

لحد يقولي وظايف ومايقبلون الا بكالوريوس ومن هالكلام
ناااس كثيير من واقع حياتي بشهادات ثانويه متوظفين وغيرهم بكالوريوس مالقيوا وظيفه
اقرب مثال يخطر ببالي اولاد خالتي واحد بشهادة دبلوم والثاني بكالوريوس

الدبلوم خلص دراسته وتوظف ماشاء الله .. والبكالوريوس جالس ينتظر وظيفته

ابغى شي واحد يثبت كلامكم انه صح ؟!!
كلامي كله مايعني اني انقص من فضل العلم .. بس ابغى اوصل فكرة ان العلم بعشرررين مجال وبمية طريقة مو بالجامعه وبس ..!!



والله يصلح الحــاآل .. :44:

الحمدلله اني فاهمه وواعيه وكبرت عقلي شوي وتخطيت المرحله اللي كنت فيها
بس في كثير نفس حالتي السابقه وحابه اوصل لهم فكرتي وعســاآها تووصل ياااااارب :27: