مساء الخير يا حوائيات ...
اليوم يايبه لكم طريقة الشوارما الهنديه .. عذاب والله عذاب , أنا أول مره فحياتي أسوي
شوارما بس شو طلعت ياهي شوارما ...
طريقة الشوارما يبتها من كتاب الطبخ الميسر ,, و طريقة الثوميه للشيف أسامه يبتها من منتدى أخر
وشكرا لصاحبته ...
وللأسف ما تذكرت أصور إلا لم خلصت .. اللمهم لحقت على كمن صوره ..
ما علينا بعطيكم المقادير ...
صدور دجاج >>>>>>>>> أنا أستخدمت صدرين دجاج
2 م عصير ليمون
رشة فلفل أسود
نص م بهار ماسلاه
نص م فلفل أحمر
2 م ثوم بودره >>>>>>> أنا حطيت فصين ثوم مطحون
بصلتين مفرومتان ناعما
شوية زيت لقلي البصل
________________الشوارما____________________________
يقطع الدجاج بشكل طولي من ثم تبليه بالثوم والليمون والفلفل
الاسود والاحمر والبهار .. وتخليه فالثلاجه لمدة ساعه أو أكثر
أنا أكتفيت بالساعه ..
بعد الساعه تقلي البصل لين ما يذبل و تحطين فوقه الدجاج
وتخليه عالنار لين يستوي طبعا ما ياخذ وقت وايد ..
ومن عقب دخليه الفرن علشان تحمرينه شويه ...
________________الثوميه_________________________
تحطين فخلاط الكاس
3 بياض بيض
فص ثوم
شوية ملح
ومن تشوفيه سوى رغوه بيضه
حطي عليه ك زيت أي زيت عندج ( بس لا تحطين زيت الزيتون لان ما ينفع )
و م عصير ليمون .. اللي يحب الحموضه أكثر يزيد من عصير الليمون
__________________________________________
وتكوني مجهزه البطاطس المقلي
والخيار المخلل والخس .. أو أي شي تحبون تظيفونه ..
تيبين الخبز اللبناني وتمسحيه بالثوميه وتحطين الدجاج
و البطاطس والخيار والخس و تلفونها ... وبالعافيه على قلوبكم
يعطيج العافيه وسلم ايدج