الشوايه..وتكسير الضلوع..والصلاه..والملاهي والدش الحار

سلام ..وش حالكم


أدري طولت الغيبه هالمره...والسبب أختي الله يسامحها حرقت الكمبيوتر...
وأبوي مبسوط..راح وقال لها:تسلم يدك..الله يعطيك العافيه..:26:

قلت :لاوالله صدق عاد...
قال:أحسن إنها حرقته ..حرقتيني بفاتورة التليفون والسبب هالتنرتنت..((كذا ينطقه لعانه فيني))

وحفيت لين مارضي يسويه لي...
وشوفوني رجعت لكم..
لأنه الطير لو فارق عشه يغرق ((والله مدري كيف راكبه هالجمله بس قولوا حلوه))


أما اليوم موضوعي..خيااااااااال...
بس لحظه...قبل الغوص في أعماق الموضوع...إلبسوا سترة النجاه ((حشى بحر مو موضوع))



لعلمكم كل أبوكم...ترى اللهجه سودانيه...
((تضامناً مع الشعب السوداني في محنته مع الولايات الكلبه الأمريكيه)):S_45:


آآآآآآآآآآي يازول...


يقوليك....
إن العصيان بحد زاتوه ...شي ماكويس...

آآآآآآي..يعني ممكن الإنسان ...يلعب بيه الشيطان...

أسأليكم بالله تصلوا؟؟؟


آآآآآآآي ....تصلوا؟؟؟؟

ماتردوا على سؤالي...

إنتوا سبق وشفتوا خاتمه سيئه لزول مايصلي؟؟؟

آآآآآآآآآي هادا الزول ماخاف من الله ؟؟؟؟

يعني بتأخد الصلاه من وقتوه؟؟؟

يمكنو خايف تضيع عليه المباراه؟؟

يازول خاف الله ...الله شديد العقاب...

المباراه مابتنفعيك لما يسألونيك الملائكه في القبر ؟؟؟

من ربك؟؟؟؟
يرضيك يا تكروني سكوتك؟؟؟

بتتحمل ديك الضربه إللي تنسفك؟؟؟


الضربه إللي بسببها كل من على الأرض يسمع صيحتك؟؟

إلا الإنسان ..رحمه من الله إنوا مايسمع صيحتك...

ياآآآآآآآآخي وين عقلك؟؟؟

معقوله يا زول مصدي....وإلا خارج الخدمه مؤقتاً؟؟

والله حرااااااااااام...ماتصلي...

قوم أسجد لربك شكر إنك لهادا الوقت عايش...

إللي في القبر نفسيهم دقيقه يرجعوا للحياه....

تعرف ليه؟؟؟؟؟

لا يا ذكي...ما عشان يشوف الهدف إللي سجلوه زيدان...

عشان بس يقول ..أستغفر الله...

آآآآآآآآآآآآي والله يازول....

قوم من الكرسي الدوار هادا إللي إنتا قاعدعليه...

قومت ...قدرت....والله إنك في نعمه يازول...

إنتا ماتشوف المعاقين؟؟؟

ماتشوف المشلولين؟؟؟

ماتشوف إللي مايقدر يمشي عشان يقضي حاجتوا؟؟؟

أكيد ما تشوف....

إلحق وشوف الفلم بدأ؟؟؟؟

ياسلااااااام...
بحد زاتوه هادا الجسم الرشيق..يجري عشان فيلم..

طيب ليه ما يجري عشان أزان...؟؟؟
والله حاجه تحير العاقل....
هازا وهو أول ما سمعته في الدنيا الأزان...وإلا إنت أبوك ما أزن في إزنك؟؟

إنتا تعرف إنوه للقبر ضمه...الصحابه كانوا يخافون منها...

وإنتا يا إرض إنهدي ماعليك قدي...يازول إقلب وجهك...

إللي أحسن منك..مارحمهم القبر..بتجي عليك يعني ؟؟؟

ربنا يهديك ..بالله يازول.....تصلي الفجر جماعه؟؟؟؟

أقطع زراعي من هنا؟؟؟

إلا من رحم ربي...

بس إللي أجزم إنكم تروحون لها...صلاة الجمعه..وفي الركعه التانيه كمانه...

والله حال الأمه يحزن....شبابها فلتان...

يعني تشوف ليك واحد كاره زاته...وروحه في رأس مناخيروا..
تبغى تقرب منوا..بس خايف يكون قنبله زريه..؟؟؟


وإزا في مره غامرت وسألتوا...مالك يازول كده محزن؟؟؟

يقوليك...والله طفش ...وزهق ...وكاره الحياه...ونفسي أنتحر

آآآآآآآآآآآآي معلوم..والله إزا ماكنت تصلي تستاهل يازول ماجرالك...

في سؤال كده محشور في قلبي....يبغى يخرج بس أنا مكتفوه؟؟؟؟

أهوه..شوفوه خرج...شنو دا يا زول؟؟؟

السؤال هو؟؟؟؟



إنت تحس؟؟؟


آآآآآآآآي ما تستغرب...ماتقول شنوا فيها هالمصديه....

أكيد شككيتكم في نفسيكم...بس إزا تبغون تتأكدون....


في تجربه مره بسيطه....ما تأخد منك دقيقه...لا تخافي ماتفوتيك المسلسله...

شوفي يازوله((زوله يعني بنت خخخخخ))...إزا كنتي قدها...
إعملي هادي التجربه.....
روحي أشبكي الكاويه...آآآآآآآآآي كاوية الملابس....
وجربي حطيها على ظفرك...

آآآآآآآآآآي ..شفتي كيف أنا أحوبك..ما قلتليك على إصباعك...

لا على ظفرك.....

شنوا النتيجه...أكيد صرختي ودعيتي علي....

هيه هيه...يازوله ماتدعي علي لأهد ضروسك...

شوفتي كيف؟؟؟هذه بسيييييييييييييييطه..قدام جهنم...

ياالله جهنم...إسمها يخوف...

((أقول تراني بأرجع للهجتي..مالي غناة عنها))

وتعالي إنتي يا إللي تلبسين عبايه ضيقه...أو مخصره...

تراني أحبك.....صدق أحبك..لو ما أحبك ما نصحتك...

بالعكس كان قلت...خليها أحسن تدخل النار...وفي قبرها تذوق العذاب...

بس لا أنا والله أحبك..الله يخليك إسمعيني....

أول شي....ليه شريتي هالعبايه....
شفتي صديقتك لابستها وطالع شكل جسمها حلو...

أو يمكن رحتي السوق وعجبك شكل العبايه على المانيكان؟؟؟

أو نفرض جاتك هديه من غافله؟؟؟

أو شفتي واحد يناظر في وحده لابسه عبايه مخصره..وكانت نظراته بإعجاب..

آآآآه طيب ممكن بنات المدرسه الأغلبيه لابسينها..يعني بتجي علي أنا؟؟؟

لحظه ياحلوه...خلينا نحسبها بالعقل...
خلينا نتخيل إنه هذه وحده تتكلم مع نفسها...

لبستي العبايه الضيقه...حلو..

كحلتي عينك..مافيها شي

رشيتي عطر على عباتك...إحتمال تكون ريحتها تسد النفس....



مال أمه داعي النقاب خلاص اللثمه تكفي...إلا كيف حتى ممكن تظهرين خدودك..الموضوع جداً عادي....

لا تأخذين معك محرم..وليه..إنتي كبيره...وإلا أهلك مايثقون فيك....

هذه البنت للأسف تفكيرها سطحي....


ليه؟؟؟؟

أولاً...تعرفين يا بعد قلبي ...إنك لو رشيتي عطر...وشم أحد الرجال هالعطر....
تعتبرين زانيه....إيه كأنك عملتي الفاحشه مع رجل....
يالله رحمتك.....
وإذا ماتبتي يوم القيامه ربي يدخلك للتنور مع الزناة والزواني....
وليه هذا كله....؟؟؟؟؟




عشان رجل شم ريحة عطرك....

بالله يستاهل هالرجل عشانه تدخلين جهنم.....

يخسى إلا هو....




حبيتي ...توبي الله يرحمك...وفكري بعقلك وأطيعي ربك..وعد مني تسعدي في حياتك...

أما اللثمه...الحمدلله والشكر...
يعني ليش اللثمه؟؟؟

والله حرام يابنات...تظهر نص خدودك...وحواجبك...والجبهه لا محاله...ظاهره ظاهره....
الله يهديكم بس...

بعدين ...والله الحياء شعبه من الإيمان....

وإذا رحتي بدون محرم تأكدي إنك عرضه للمضايقات وممكن يصير شي إنتي ما تتوقعينه...ولا إنتي قده..أكيد بتكونين في أمّس الحاجه لرجل يوقف معك..يدافع عنك..

ياجماعة الخير أنا ماني محاضره ولاني مدرسة دين...
أنا مسلمه أموت من الحسره على حال بعض البنات...

و ودي والله من قلبي إنك ماتعصين ربك...وماتفتنين الشباب تراك تعطينهم الضوء الأخضر لأي سلوك غير محترم..

بس ودي أسأل كل من تلبس هالعبايه..
كيف إشترتها؟؟؟

أدري من السوق...بس ماتستحي تقول للرجال عطني عبايه مخصره..؟؟؟وإلا مطرزه..؟؟
والله وجهي يتقطع من الحياء ..أحس إنه مال أمي داعي في الحياه..وأنا من أكون عشان أعصي ربي...؟؟؟

ياااااااااااااارب يصدر قرار بمنع بيع هذه العبايات وتطبيق أقصى العقوبه على مروجيها..

وأكيد أنا من بعد هالقرار بأقوم بدور فعّال في المجتمع...



تدرون وشهو؟؟؟





بس بدون ضحك لو سمحتوا...




بأنزل الأسواق ومعي خيزرانه وأي بنت تلبس هالعبايه أطيح فيها ضرب ...:hahaha:



تراني أمزح....

بس صدق والله البنت إللي ماتحترم نفسها وتهينها يوم تلبس هالعبايه ماتستاهل أحد يحترمها..

صح وإلا لا؟؟











أول مايسأل عنه العبد يوم القيامه؟؟؟؟؟



وآخر ماقاله الرسول يوم وفاته!!!



أدري الصلاه...بس ليه ما أحد فكر...ليه الصلاه أول مايسأل عنه العبد يوم يقابل ربه..وآخر كلمه قالها الرسول عليه الصلاة والسلام في حياته..؟؟؟


أكيد لعظم شأنها...((قلبتها حصة فقه))

ليه التهاون في الصلاه...

ماتخافون من الله؟؟؟
والله صدق أتكلم.....

طيب لو أحد سألك إنتي تصلين؟؟؟؟

أسألك باللي خلاني أحبك؟؟وش جوابك؟؟


بتقولين أصلي عشان ماتتفشلين؟؟بس تكذبين على مين؟؟

على نفسك...طيب وربك....عادي...يالله على بجاحتك...

أووووووووووف بديت أعصب.....خلوني أغير الموضوع...بس لي رجعه؟؟؟














أدري تعبت أعصابكم من الشد إللي فوق..الحين بأضحكم وبأونسكم...




قبل كم يوم رحنا لأحلى ملاهي في جده:icon28: ...((ماني قايله إسمها..لعانه عشان ماأحد يعرفها ويزورها ويكسبون هم))

وكان يوم مخصص للبنات..إيه ماهو للنساء للبنات...ياااااااااااالطيف..
حررررررررررررررر ورطوبه بس وناااااااااسه..

رحت أنا وأمي وأختي الصغيره وأخوي الصغير ...أخوي الثاني سنه خامس إبتدائي كان يبغى يروح معنا..بس قلت له: معصي ماتروح بنات اليوم وإنت رجال ....

ورب الكعبه المشرفه إني شفت في نفس الملاهي أولاد كبره وأكبر منه...
والله كبااااااار أجسام وعيون وش كبرها فناجيل ماشاء الله..المفروض مايدخلون قسم النساء..لأنهم كبار ويميزون...

وحز في نفسي مظهر البنات....الله لايبلانا....

((أنا مع العضوه ريفان الفهد..من المدينه..وأحب أقولها حبيبتي والله ماشفتي شي))

ياساااااااااتر إسترني الله لايجعلني ألبس في يوم هالملابس المشقشقه...

يااااااااااااربي عفوك...بناطيل أقسم بالله من ضيقها تحسبين إن البنت عريانه....

وقصييييييييييييير بالحيييييييييل قصير بمعنى الكلمه وش الفايده منه أفضل لو تنزله وتمشي كذا...

وبلايز حبال الله لايبلانا يعني ظهرها كل أبوه برا...قلت يمكن من قدام مستر...
وتعطيني وجهها ....والله لاشعورياً قلبت وجهي عنها..إستحيت...

وإللي مسويه لوحه فنيه بسرها..الحمدلله والشكر تقلد الكلاب الغرب..

كله كوووووووووووووووووووووووم والعجايز كوم ثاني....


تشوفين الحرمه كهله عجوزه بينها وبين الموت شعره...تشيش...إيه والله تشرب شيشه...

وبناتها وأحفادها حوالينها...أنا أجزم إنه فمها مافيه غير ضرسين يارب لك الحمد..
وداخله جو مع الشيشه العجيز متفاعله مغمضه عيونها وتكح واللهم لاشماته...

بس أنا تخرعت يوم شفت شلة بنات في عمري بسم الله علي ...يشيشون هم بعد..يالله لك الحمد..الظاهر وراثه...

وأرجع أنوه على البنات المسترجلات....
تصدقون...لما شفتها لاشعورياً تلثمت بطرحتي...
خفت يكون ولد...((تلثمت بالطرحه لأن نقابي في الشنطه..أنا ما أنهى عن منكر وآتي بمثله..حبيت أوضح لأني أعرف بعض التافهات يبون يسون فيها فلسفه وقوة ملاحظه..
ماعلينا))
أقولكم كيف أشكالهم...لابسين بناطيل اللويست..((البناطيل الطايحه تحت الخصر...إللي تبين السروال))
ولابسه بلوزه ولاديه ..تيشرت دايم أشوف عيال الحاره يلبسونه..
والله ماهي لابسه إكسسوار..لا أساور ولا سلسال ولاحتى حلق..
وربي يابنات إنها لابسه شرقيه..((الشرقيه يعني النعال إللي يلبسونه الرجال..والله نعالها مثل نعال أحوي))

وشعرها مايحتاج أقول ولد..منحوت من فوق الأذن...

كنت جالسه على كرسي وأمي كانت تلعب إخواني ..وطبعاً أنا مانزلت العبايه..ليه مهبوله أنزلها.. الأولاد إللي بعمر أخوي والبنات الكبار معهم جوال أبو كاميرا وكاميرتين بعد...

أنا وراي مستقبل وما أسمح لأبو كاميرا يضيعه((إحم إحم شخصيه بارزه))

المهم كنت جالسه على الكرسي أعدل هالكحل إللي ساح من الحر وأحط غلوس بس هذا حدي في المكياج...بس إستغربت من البنات والله كأنها رايحه عرس..وماهو أي عرس..عرس أختها من كثر المكياج..

وتمر..((البنت المسترجله)) أقصد ويمر هالولد..ويطااااااالعني..قلت الله يستر لايغتصبني..
وما طالعت فيها مثل ماقلت وراي مستقبل...خخخخخخخخخ
وقفت هي و وقف قلبي معها..وظلت واقفه إلا بالقوه أطالع لها..
طالعتها..تدرون وش سوت....غمزت لي وضحكت...
قلت بيني وبين نفسي...لابالله مستقبلك ضاع ..هالولد ناوي لي نيه سوداء...
وصارت تطالع من بعيد وتلوح بجوالها؟؟؟تبغاني أفتح البلوتوث...
يالخبله جوالي بدون بلوتوث...


وإلا بنات ال.......((ماودي تصير هوشه في موضوعي..على العموم هم بنات بايعينها وأصلهم جداوي ولهجتهم جداويه عندهم سفر البنت لوحدها عادي))

في قطار الموت جلست بجنبي وحده منهم...قلت لها:وناسه القطار صح؟؟

قالت:والله إنوا حق بزوره صوغار...

قلت :لاوالله قلبي طار منه وش بلاك إنتي تراه يخوف...

قالت:إنتي ركبتي القطار إللي في فرنسا..القطار الخشبي..هاداك إللي يهوس...

قلت بيني وبين نفسي((هذه وش بتقول لو درت إني ماخرجت من جده..إلا لمكه..وإذا مره شطحت رحت الطايف))

قلت لها:لاحبيبتي سمعت عنه بس ماركبته...لأني ماشفته..

قالت:الصيفيه الماضيه روحت مع بابا ماليزيا وماعجبني الجو..خليت بابا يحجز لي على باريس ...لأنو نفسيتي كانت مرره تعبانه...وإنبسطت مرره في باريس وكلمت يلحقني لأنوا جو ماليزيا مو مره حلو...

قلت بيني وبين نفسي((ياخلاّف ...أنا يا إني مضيعه وإلا مضيعه..تروح باريس و وحدها عشان نفسيتها تعبانه..أنا نفسيتي لو تعبت أمي تقولي إطلعي السطوح..وكانت قبل بماليزيا بس الجو ماعجبها..أنثى إنتي صاحيه..أكيد إنتي صاحيه..وهي إللي ماهي بصاحيه..الظاهر تكذب عليك..))

وقطع علي حبل أفكاري أختها أو قريبتها تقول:ماهو زي القطار إللي بماليزيا...ولا إللي بفرنسا أحس هادا حق بزوره...

قلت في نفسي((ضفي وجهك يا أنثى البنت ماتكذب...الله يرزقني بزوج صالح خُلقاً وخلقاً وجيباً ((جيباً كنايه عن الفلوس الكثيره ياااااارب..ترى الحمدلله إحنا حالنا مستور..بس نفسي بقصر وخدم وحشم وسواقين وسيارتي المايباخ تنتظرني وطيارتي الخاصه ....

((خلوها تحلم على راحتها هالخبله))



هاهاهاهاهاهاي...أما البنات التكارين وراي وراي..والله الحب بلوى..
التكارين هم السود..من أفريقيا يعني...لقيتهم وش كثرهم بالملاهي..

أمي قالت...لا إله إلا الله وش بقت؟؟ وش سترت؟؟؟؟
كل عفشها برا...((عفشها يعني مواهبها...يعني مفاتنها ...لاحبيتي بمناسبة قرب رمضان أنا مسامحتكم على حساب الترجمه ولو أنا ذوق))

((إنتبهوا دخلنا في الحجازي))

وهادا المقطع لعيون العضوه ((عاطله)) حبة عيني تحوب اللهجه الحجازيه..ولكل من يحب اللهجه الحجازيه..

مرت من جنبي حرمه حجازيه ...قالت لي..لو سمحتي دحين الشوايه خربانه وإلاكيف ؟؟
أنا مررره أحوبها...
((وأنا قلت بيني وبين نفسي...يابنت إستهبلي عليها شكلها مرجوجه مثلك))
قلت لها:الشوايه وإلا الفرن....خخخخخخخ
((الشوايه لعبه خطيره..أمممموووووووت عليها..تقلبك فوق تحت...وناااااسه))

ضحكت ورحنا مع بعض..وركبناها..وعطيت شنطتي أمي...
قالت أمي:هيه إنتي ..

قلت:خير يا أمي..

قالت::بتركبين هذه اللعبه إللي تشقلب...((تشقلب يعني تخلي رأسك تحت مثل الذبيحه..يالله على التشبيه يا أنثى إرحمينا))

قلت:إيه بركبها يالله معي والله وناااااااااسه ماراح تندمين...

قالت::مهبوله أنا أركبها..

وأنا أركب الحزام حق اللعبه أسمع أمي تقول:تشهدي يابنيتي..
مت من الضحك وأنا ألعب أسمع أمي تقول..

لاااااااا إله إلا الله...سبحان الله ....ياويلي رجوا بنتي أكثر من ماهي مرجوجه..
والحرمه إللي جنب أمي ميته ضحك..

ولما نزلت..قلت لأمي ..يالله يالحبيبه على قطار الموت...

قالت: إنتي ماتتوبين...بلا جنان...قلت :لاتحاولين راكبته راكبته الله لايعوقني بشر..

والله ونااااااااااسه قطار الموت ..صح مرعب ويطير العقل...بس يهبل ..

ركبته خمس مرات....

يووووووووووه يابنات لاتزعلون المره الجايه آخذكم معي ونركبه سوا...
(((بيني وبينكم..يومين وأنا كتوفي مورّمه..وكفوف يدي تعورني وظهري ما أقدر أنام عليه..وياويلكم لو تقولون لأمي)))


وصااااااااار شي مهم...





إممممممممممم وش تتوقعون....؟؟؟؟










شنطة أمي إنسرقت.....:eek:



نعم ...نعم...إنسرقت من الملاهي...كانت جالسه وبجنبها إخواني والله مدري وش يأكلون..
وقامت مالقت الشنطه...

تدرون وش فيها؟؟؟











والله رحمه من الله إنه جوالها كان بيدها...وترى أول مره تسويها وتشيل جوالها بيدها..

كان في الشنطه....بسكوت أبو قشطه..وفيه 8ريال وفي أهم شي....مفاتيح البيت كللللللللللللللها ...في ميداليه وحده...

رحت سألت الأمانات...وجع في شكلها رفعت ضغطي...إلين ماقرفت وخليتها...

ومالقينا الشنطه..وبتنا بالشارع....خخخخخخ

أمزح أنا معي مفتاح البيت..بس مافتحت لهم الباب إلا لما خليتهم كلهم يدفعون لي ريال..
شفتوا أنا طيبه بس ريال رأفةً بحالهم...

بصراااااااحه..الأسعار في الملاهي نااار...قارورة المويه بريالين...

قمبري مياو مياو..أموت بهالقمبري ((يعني شيبس))...يبيعونه بخمس ريال والحجه إللي عند مدرستنا تبيعه بريالين...حرررررررررررراااميه...:icon810:

وأمي قالت:توووووووووووووبه ما أروح لأي ملاهي...غلا وسرقه ومناظر خليعه والله توبه..

قلت لها:لااااااا تتوبين الحين ...توبي بعد العيد..تكفين...
قالت:لاتحلمين تروحين الملاهي ...أنا ماني مسؤوله عنك لو طحتي من الغلاّيه((تقصد الشوايه)) وأبوك يبهذلني...لاحبيبتي..روحي مع زوجك..

قلت:ياااااااااااااربي يعني ما أشوف الملاهي إلا بعد عشرين سنه...

وإنتهى هالموضوع.....













رجعنا لموضوع الصلاه....إتقوا الله يابنات المسلمين,,,وياشباب المسلمين....


والله عندي معلومه خطيره....

لكل بنت....والله هالمعلومه من الشباب أنفسهم...يقولون؟؟؟؟؟




والله إنا مانحترم البنت إللي تلبس عبايه ملفته سواءً كانت ضيقه أو مطرزه أو منقوش عليها ...كيف نحترمها وهي ما إحترمت نفسها ولا حتى أهلها...ولاعمري في حياتي أفكر أرتبط بوحده مظهرها بهالشكل ..إللي يسوى وإللي مايسوى شاف مفاتنها وش أبغى فيها هالفاسده؟؟مستحيل أخلي وحده مثلها زوجه لي وأم لأطفالي...


لكل شاب....
هالمعلومه من البنات أنفسهن...وأنا منهن طبعاً

يقولن....عمرنا ما إلتفتنا للشباب إللي يلبسون اللويست ويشبهون بأعمارهم...ولا في حياتنا راح نحترم واحد ما إحترم نفسه..سمح للناس تضحك وتتمصخر عليه..بسبب شكله الشبهه وشعره المنكوش...ومظهره إللي ما يجيب شي عند المرجله..ولو خلصوا الرجال بالدنيا مافكرنا بالإرتباط فيه..




الصلاه...الصلاه....الصلاه....إلا صلاتكم لاتتهاونون فيها...والله إنها هي الفيصل بين الكافر والمسلم....

وأنا ما أتمنى يعيشون بيننا ناس في الهويه مسلمين وفي الواقع كافرين..

تووووووووووووووووووووووبوا...باب التوبه عمره ماينقفل...

...............................................



ممكن سؤال لكل من لايصلي....لابغيت حاجه من الله أو أمر تبغى الله يسهله عليك...
وش تسوي...؟؟؟؟

تدعي كيف بدون صلاه؟؟؟؟
وإلا تغصب نفسك تصلي كم ركعه عشان حاجتك؟؟؟

وإذا تعسّرت عليك أمورك...و ودك تهرب ..ودك تشكي..وتبكي...وإنت تدري إن الشكوى لغير الله مذله...طيب لمن تشكي؟؟؟

عند مين تطيح وتنثر همومك...عند أهلك أصحابك ناسك..والله مايفيدونك..يمكن بس يهدّونك..وعمرك ما راح ترتاح..إذا علاقتك بالله مقطوعه...:(

جرّبوا يوم..عندكم هم وغم إلا هموم وغموم..ومشاكل والدنيا بكبرها ضايقه فيكم...

صلوا وفي السجود إدعوا,,,وإشكوا ,,,إبكوا..

أقسم بالله تحسون بعدها براحه نفسيه عجيبه....
تحسون بالهم ينزاح عن صدوركم....

وصدقوني بتدعولي....













يااااااااااااااااااااكثر كلامي والله الموضوع طويل...
أحسن عشان أدخلكم جو..كأني جالسه قدامكم صح؟؟



يالله عاد أخليكم عشان تتروشون..وتأخذون دش حاااااااار ...يغسل ذنوبكم بإذن الله ...:biggrinlo


وأخيراً تقبلوا مني التهاني بمناسبة قرب رمضان....




قهرررررر طاش ماطاش مابتجي في السعوديه...وإحنا ماعندنا دش((بالله هذا وجه وحده تنصح)):22: