بسم الله الرحمن الرحيم
دائما يكتبون الأخوات عن طريقة خطبتهم وإن الخطيب جا شافها وراح ومارجع
أو اللي تقول إنه يقول لأهله ماشافها زين ووده يشوفها مره ثانيه وطبعا هذه الطريقه فيه الإحراج للطرفين
وفيه ناس يوافقون يشوفها مره ثانيه وفيه ناس يرفضون ذلك ويشكون في الأمر
((أنا أقول اللي ربي كاتبه لهم بيصير )) والله سبحانه وتعالى هو إللي يجمع بين إثنين مهما كانت العراقيل أمامهم
والإحراجات كثيره في هذه النقطه وأنا هنا بأذكر الطريقه اللي لازم تصير في الشوفه من كثر مانسمع من الأقارب
أو نقرأه وقد تكون معروفه للبعض فمثلا
أولا - صلاة الإستخاره والدعاء
ثانيا - إذا أعطيتو الخاطب موعد للشوفه وش تسوين روحي للمجلس اللي بتكون فيه الشوفه وأتفحصيه زين لأن فيه
مجالس مستطيله ومجالس مربعه وفيه المجلس الدائري أو نصف الدائره وفيه المجلس الكبير مره وفيه المجلس الصغير
ثالثا - أختاري المكان المناسب اللي تقدرين تجلسين فيه مرتاحه وأختاري مكان للخاطب يكون أمامك بمعنى الوجه مقابل
الوجه وأخبري الوالد أو أخوك وقولي له إذا جا الخاطب أمشي معه إلى المكان وقله إتفضل إرتاح هنا
وعلميه إنت وين بتجلسين في المكان المقابل له وإذا خجلت تقولين لهم أخبري الوالده تخبرهم
ولو سبحان الله ماجلس في نفس المكان بدون ما تدرين لازم تسألين قبل وين جلس وتختارين المكان يكون أمامه
بحيث يشوفك زين وتشوفينه أزين :) والباقين يجلسون في أي مكان والأفضل يكون في الأمام أو عن يمينه
أو يساره وإذا كان المجلس الرئيسي كبير أختاري مجلس ثاني صغير بحيث تكون المسافه قريبه
رابعا - ألبسي لبس مريح لك ويكون أفضل بكم طويل ماسك وإذا كنتي مليانه شوي لاتلبسي تنوره ضيقه كامله
وإنما من الأعلى تكون ماسكه وتتدرج بالوسع حتى لاتظهر التفاصيل بطريقه غير جيده حتى لو كان كسمك حلو
إذا وقفتي أوجلستي مع النساء ولكن بوجود الخاطب بتكونين مقيده بالجلسه وقد تخجلين من التحرك لإصلاح الجلسه
خامسا أنتبهي لاتجلسين في طرف المجلس وهو في صدر المجلس ولا يراك جيدا وتقولين في نفسك أقضل يكون
أسرع في الخروج بمعنى ماتبين تمشين أمامه :)
سادسا- حاولي تجلسين أكبر وقت ممكن وإذا سألك جاوبي بثقه وما يمنع الخجل الغير مصطنع ومهوب تقعدين خمس
دقايق وتطيرين وطبعا هذا بإتفاق مع المحرم لايغمز ويأشر من الخمس دقايق الأولى وإنما أختارو وقت مناسب
لإنهاء الشوفه بطريقه لايشعر بها الخاطب
وإذا طلعتي وأراد أن يراك مره أخرى ولو أنها صعبه ولا أحبذها ولكن الأمر لله تعوذي من الشيطان الرجيم
وسمي باسم االله وأدخلي مره ثانيه وأيضا لك الحق أنت بالرؤيه مره أخرى ولاتخجلين ولا ترفضين وأيضا لكي لايكون
لديه حجه إذا راح بيتهم قال ماشفتها زين أو أبي أشوفها مره ثانبه ليعطي الضوء الأخضر بالموافقه
والله يكتب لبناتنا وشبابنا حياة زوجيه سعيده
dalya119 @dalya119
عضوة مميزة
يلزم عليك تسجيل الدخول أولًا لكتابة تعليق.
حساسة_911
•
مشكووره على النصايح وان شاءالله البنووتات يقروونهم ويستفيدوون
dalya119
•
مشكورة علئ نصائحك القيمة و الله يرزق كل بنات المسلمين بالازواج الصالحينمشكورة علئ نصائحك القيمة و الله يرزق كل بنات المسلمين بالازواج الصالحين
الأخوات
حساسه911
حلوه بدنيا مره
أميره في حبي
عائشه المشرقه
شكرا لكم وجزاكم الله كل خير
الصفحة الأخيرة