اسيرة بدر @asyr_bdr

محررة برونزية

الشوفه الشرعيه

بسم الله الرحمن الرحيم

بنات اش شعوركم لمن دق التلفون ولي هم
اهل المعرس يقلون المعرس بي يشوف العروس الشوفه الشرعيه
واول رجال يشوفها بعد محارمها
كل وحد تقلنا شعورها وش صار ومعها
وش قدملها

من مواقف طريفه وش قلها وقالتلو من اول لقاء

الي ماعندها رد ترفع الموضوع
الله يزوج كل البنات ازواج صالحين
الله يرفع قدرهاااااااا

21K

يلزم عليك تسجيل الدخول أولًا لكتابة تعليق.

تسجيل دخول

اسيرة بدر • 14 سنة

:44:وين الناس

الليمونة • 14 سنة

بصراحة انا ماشافني مع اني كنت اتمنى هذهالحظه لكن طلب الشوفه وانا ما استعديت كنت بالمطبخ ورفضت لكن الحمد لله على كل حال (قلت قصة حياتي لكن منقهره والله اذا جاء الموضوع)

الالماسة السمرا • 14 سنة

الله يوفقك كل مسلمه جاها نصيبها او بيجيها ويعجل لكل من تمنت الستر بالزوج الصالح

ام تك تك • 14 سنة

ماشافني عندنا اول كان نافي شوفه قبل عشرسنوات

*. بلسم الجروح .* • 14 سنة

الله .. هيضتي الذكريات ..

أنا بصراحة شوفتي حكــــــاية ...

اتصل العريس على أبوي وقال له أبجي بكرا للشوفة الشرعية .. وأبوي قال لأمي .. وأمي طبعا قالت لي .. >>> احلفي !!

أول شعور جاني يوم قالت أمي " ترى الرجال بيجي يشوفك بكرا " ..

مغغغغغغغغغغغغغغغص شديييييييييييييييييييد .. الصراحة حسيت بمغص عجيب ..

حسيت الدعوه جد .. والعجيب إن المغص كان بالبطن والقلب >>> مغص بالقلب ما أدري وشلون تجي بس هذا شعوري :icon29:

جاء اليوم الموعود اللي هو بكرا وجاء العريس المغرب ..

أنا لبست وكشخت وفكيت شعري اللي كان طويييل .. وما حطيت غير كحل خفيييف وقلوس شفاف بس ..

وكنت أنتظر أبوي يقول لي ادخلي ..

بعد ما شربوا القهوة .. قالوا لي يالله ادخلي .. قلت لأمي ما راح أشيل شي ينكب مثل عصير أو شاهي .. فاعطتني صينية معجنات وكبة ..

كان أبوي موجود داخل وأخواني اثنين كلهم أصغر مني يا حبي لهم ما شلت همهم أبد كنت مستحية من أبوي .. لكن وجوده شجعني ..

جيت أبدخل ورى أخوي اللي شايل صينية الشاهي .. أقدم رجل وأخر رجل .. عجزت أدخل .. سميت بالله ودخلت .. حطيت الصينية على الطاولة وجلست مقابل العريس تقريباً ..

أبوي الله يحفظه أول ما دخلت قال : هذي فلانة - ثانوية عامة - بنسبة 98 % >>> يا قلبي أبوي أعطى الرجال البطاقة الشخصية .. وكنت توني متخرجة من الثانوي وتو النتايج طالعة وفرحان عساه دوم للجميع يارب ..

المهم ابوي بيضيع الربكة والخوف جلس يسولف مع الرجال .. وانا أحس إنه ما شافني بس ما اهتميت قلت اكيد شافني اول ما دخلت ..

قعدت خمس دقايق تقريباً وطلعت ..

أول ما طلعت أمي تنتظرني .. على طووول رحت وضميتها وأنا اقول هيييييه خلصــــــــــت خلصــــــــــــت :scream: >>> كنت مرررة شايلة هم واحسه طاح ..

امي كانت تقول : هاه بشري مرتاحة ؟ وانا مو لمّها كل همي إني خلصت الشوفة ..

أذن العشاء ورقيت فوق لغرفتي بدلت ملابسي وصليت وقدت على كرسي دوار أدور وأنشد مرة مبسوطة إنه طاح الهم ..

فجأة جت لي اختي الصغيرة كانت بسادس .. وقالت لي : سمعت أبوي يقول لأمي إن الرجال يبغى يشوفك مرة ثانية .. :o

أنا طبعاً ما صدقتها وقلت لها بلا بزارين أكيد إنك غلطانة وهي يا عمري تحلف وتقسم .. ما أمداها تكمل كلامها إلا أمي جاية ومبتسمة تبي تمهد لي .. قالت لي : بسم الله عليك بس ترى الرجال يقول إنه ما شافك زين وإن أبوك كان يسولف معه ويبي يشوفك مرة ثانية .. :eek:

أنا هنا خلاص حسيت الدنيا تدور فيني :ohplease: وقعدت أصيح :icon33: وأضرب رجلي بالأرض وأقول والله ما أدخل مو على كيفه انا مو لعبة عنده .. وامي تقنعني ويااا الله قدروا يقنعوني وألبس من جديد وأنزل ..

نزلت وقعدت أشوف شكلي بمراية مدخل المجلس وأخوي يقول يا الله مسحي دموعك لا يبان عليك ..

كان وجهي منفخ من الصياح وصاير أسود ..

وأمي قالت لأبوي لا تتكلم ولا تقول ولا كلمة خل الرجال يشوف زين ..

دخلت وأنا أجر رجولي وأحس إني حاااقدة عليه وودي أكفخه لحد ما أطلع اللي بقلبي .. :024:

عاد شافني زييين وتمقلني وأبوي سااااكت .. قعدت شوي وهو ما رفع عينه عني بعد فترة نزلها فهمت إنه شبع >>> يا حظي !!

قمت وطلعت وتمت العملية بسلام ولله الحمد .. وكان اخوي يقول لأمي وش فيها ذي قلب وجهها أسود :confused-

والحمد لله عجبته وتزوجنا :icon28:

وقالي بعدين إني حاس بشعورك ذيك اللحظة بس وش أسوي والله ما شفتك وهذا زواج مو لعبة .. قلت له انا مقدرة موقفك بس كان صعب علي .. بس الحمد لله صار ذكريات نضحك عليها .. :27:

آآآآآسفة على الإطالة .. بس كان موقف لا ينسى و رهييييب جداً بالنسبة لي ..

تسلمين يالغالية على المضوع ..

تحيتي ،،