السلام عليكم ورحمة الله
.
.
.
.
كيفكم ؟ كلكم بخير ان شالله
شرايكم اووخش دوغري عالموضوع اليوم..
مدري ..احس شي نغزني يقول نزلي موضوع ..
يابنت الا نزلي موضوع..
وانا اقول لا ,وهالشي يقول الا الا الا ..
وانا اقول لا
وهو الا الا الا <<هالشي بينجلد كانه وهقني
موضوع؟
اممممممممم
عن الزواج مثلا؟
الزوج ؟؟
الزوجه ؟
السواق؟
الخدامة ..؟؟
جا في بالي شي قبل ذا كله ..
الشي اللي يسبق تكوين بيت الزوجيه من اساسو..
الخطبة :hearts:..
كيف الوضع وقتها
لمّا يقولون الفلان خطبوا بنت فلان :
حدث يمر على بنت فلان فيملأها شعور لا يوصف .
موب كله حبٍ في العرس ولكنه الشي اللي يحسسها بانها ماعادت هذيك البنت وبس .. الحين صارت الانثى المرغوبه المطلوبه واللي العين عليها زي مايقولون ..
وماعادت عالهامش ..
وبتلاقي لها سالفة تتفخ روس صديقاتها بها ..الفلان خطبوني وما اخطبوني
وبتتغامز العيون عليها في كل اجتماع ..
:شوفي شوفي ذي فلانه اللي خطبوها الفلان وووو.........
بس فيه اشياء تعكر صفو بنت فلان ويخليها ماتكمل اساريرها بتقدم مزيون الفلان لها
شوفة الحريم :bkh::
عثرة اولى في طريق الفرحه اللي تنتظر قلب البنيه ..
شوفة الحريم اللي اصبحت متلازمة مع جملة ( ماكتب الله ) اصبحت هواية لبعضهن للاسف..اش وراها دخلة وطلعه وفرجة بلاش
تجيك الام ساحبة معها بنتها ولا اختها ولا اخت زوجها تبي تشوف بنت فلان اللي ذكرت لهم وهل هي على نفس الوصف ولا لا ..
وياليت السالفه واقفه على التحقق ؟! المشكله انها جايه تبي تطلع الاخطاء السبعه ..
بنتهم مستشورة شعرها ـــ حاطة اساس ــ مسوية قايله شايله حاطّة << عليهم دقة قسم ولا مباحث
...
...
..
تناقشنا انا وبعض الزميلات قبل فترة عن موضوع الخطبة وذكرت هالسالفه ..
وانصدمت بوحدة تقول لي : ترى صارت لــ ,, واحد من اخواني كذا ,, تلقف واحد من اقاربنا وذكر له بنت اخوه وشافها اخوي لحاله صراحه مدري وين عيونه لحظتها موب صاحي على طول وافق .. مع انها موب ذاك الزود
قلت : سلامات وعسى ما تطلقوا الحين ..
قالت : لا ماشالله معها ولدين بس اقول لك ان بعض الشباب يرتبك ما يناظر زين << ودي اصدقها
..طب هو شا ف فيها شي ازين من اللي انتي تشوفين ..
قال ما يناظر زين ؟؟!!! <<بالله ذا منطق ؟؟!
..
العقول المفروض تصير اكثر نضجا وتمييزا ..
ارقى وأعلى من كذا ..
كيف اخلي امي ولا اختي تنخل بيوت العالم تدور لي على شكل يعجبها هي بس ,, بالله هل هذا شي منطقي اوعادي ..
معقولة الشاب اصبح ما يثق برأيه ..
لازم بمعونة امه ..
سبحان الله
والحين اللي حاصل ان البنت بدال ماتفرح بخاطب يتقدم لها ...صارت تشيل هم راي اخته ولا امه ولا عمته فيها ..
لازم هي تعجب كذا فرد بالعائله ..لانه للاسف القرار مو لصاحب الشان وحده القرار لازم يكون مشترك ويمكن يكون فيه تصويت ...
....
النقاش عن الخطبة وشوفة الحريم والنظام المعفن ..ابي رايكم
اما يجي الولد وتعجبه البنت ويقول ابيها ..همن تجي الام وتقول لا هذي إلي سلامات بقوه!
بس عموماً الواحد الي زي كذا ماعليه حسوفه .. اجل البنت ماعجبت امي !!
قبل كم اسبوع اسولف مع وحده من البنات تقول انا ارفض الشوفه الشرعيه كلها
انا اخبر ذي حركات الاهالي احيانا .. فيه قبايل ماعندهم هالشئ .. بس انه بنت بعمرنا وكذا!
الزبده سالتها ليه .. تقول تخيلي ما اعجبه
قلت طيب؟
قالت بس
قلت طيب واذا ماعجبتيه ؟ يروح وتنتهي السالفه ولا تتزوجينه على عماكم همن بعدين لااعرستو وعيلتو قال والله اصلاً إنتي مو مثل طموحي الي كنت اتمناه !؟
قالت لا ولو انا ماتقبل يجي احد ويرفضني المشكله انها فاهمه الشوفه ان الرجال يجي ويشوفها مو عشان هي بس تشوفه وتقول رأيها ..
حاولت اقنعها بس ماش .. من النوع إلي كل شوي تقول إي صح بس ولو