الشياطين مصفده اللي يتلبس زوجي في نهار رمضان وشو ياعالم !!😩

السلام عليكم
خواتي للأسف اني ما افرح برمضان زي الناس
زوجي من يقوم يصلي الظهر يفتح معي تحقيق وش بتطبخين اليوم ويبدأ طلبات المينيو حقه وانا اطبخ واكرف وساكته مابي مشاكل
تخيلوا من أول رمضان اطبخ اصناف وادلعه حتى العصير اعصره طبيعي في البيت


ولما جا اخر رمضان خلااااص طفييت تعبببت ما عاد به طاقه وقلت له اليوم يبو فلان ترا خلاص ماعاد بقى الا اسبوع وينتهي رمضان شوربه وسمبوسه ولقيمات تكفي انت ما مليت من المعجنات والحلويات وووووو
وسوى لي سالفه وأكل كم تمره عالفطور وطلع وسكر الباب بقوه الله لا يرده
لأن الفطور اليوم قهوه وشوربه وسمبوسه ولقيمات وعصير فيمتو وسنكويك وما اعجبه الأخ
واهله تحتنا افطرنا عندهم كم مره ما يسوون غير شوربه ولقيمات وفطاير جاهزه من المحلات ويحشونها بالبيت وزوجي ماااايذوق فطوورهم يقول لي بالحرف الواحد طبخهم موب مثل طبخك لذيذ واصلا موب ملاقي عندهم ربع اللي انا اسويه له


للأسف كرفت له من اول رمضان وتعود الأخ خلاص يبني امد سفره لآخر يوم برمضان مايبي يحن على بآخر الايام


صرت اكررره رمضان استغفر الله بدل مايكون شهر عباده وصلاة وقراءة قران صرت اشوفه شهر كرف وتعب ولا حمداً ولا شكوراً😣