:(



كملي حبيبتي

.................................................. ..........
.

.

.

انتهى شهر رمضان ورجعت لبيت ابوي بالرياض

وبديت احس بتغير جذري فيني


طبعا الحمد لله التزمت والله اعانني
والتحقت بدار تحفيظ.


.

.
وعلى فكره في كثير من البنات يتوبون ويلتزمون

لكن تلاقينها بعد فتره
قلت عزيمتها وبدت شوي شوي تتساهل بالصاغئر الذنوب

او تحن للذنب القديم اذا كانت ادمنت عليه_مثل الاغاني_
وترجع حليمه لعادتها القديمه



وهذي علاجها دار التحفيظ
اللي تبي الثبات اذا تابت ورجعت الى الله

اولا :الدعاء
ثانيا:الصحبه الصالحه _دار التحفيظ_
ثالثا: عبادات الخفاء اللي تكون بس بينك وبين ربك ومااحد يدري عنك مثل_قيام الليل_او_صدقه السر_

.


.

بديت احفظ القرآن
وصرت اقوم فالليل واصلي ركعتين او اكثر حسب مايفتح الله علي

واقرأ فيها من حفظي مع ان حفظي كان بسييييييط
المهم لاحظت خلال فيام الليل وانا اقرا يزيد لعابي _اكرمكم الله_حتى يصير

اشبه بزبد البحر

لكن برضوه ماالقيت لهالشي اهتمام
وسبحان الله يابنات وانا اصلي ((كنت اقول اللهم اشفى مرضى المسلمين اللهم فك السحر عن المسحورين
اللهم اشفي كل معيون ومحسود))

بنات انا بعدين اتذكر وابكي كيف كنت اقول كذا والله ماكان حتى يجي فبالي اني مسحوره

ولكن الله اراد ان يفضح هذا الشيطان الخبيث

.


لكن ما املك الا ان اقول سبحان الرحمن الرحيم مالطفه بعباده

وبدت اعراض السحر تتشكف لي كل يوم والثاني الالحظ شي غريب
كان الجاثوم ملازمني بشكل مستمر<<على فكره كثرة الجاثوم بشكل مستمر دليل ان الانسان بحاجه للرقيه

احلامي كلها افلام رعب من الدرجه الاولى

وكنت احس احد يبوسني وانا نايمه والله انه احساس حقيقي لدرجة انه يصحيني من النوم
واصحى ما لقى أحد والناس نايمين

وصرت اتعرض للتخويف والتخيلات فالليل اذا صحيت اصلي
كله بس عشان ما اركع هالركعات وادعى بهالدعاء

بس كنت سبحان الله مالتفت لها واصلي واكنت اقول في نفسي
هذاكله من الشيطان<<طبعا هنا ماكنت اقصد الجني لا كان قصدي القرين يعني
عشان ما اقوم اصلي لكني بعانده وراح اصلي

وبعد فتره خلاص صرت اتعب من قيام الليل بعد ماكانت راحتي الوحيده فيه

<<بالنسبه للي تعاني من عين اوسحر او مس ترى قيام الليل

من اشد عذاب للجن

صرت اتعب من الصلاة ومن السنن ومن التحفيظ

وهنا وقفت وقفه مع نفسي وقلت انا فيني شي مو طبيعي انا ماني طبيعيه
وتذكرت لما ابوي قرا علي ويوم قريت على نفسي
وبديت افكر بشكل جدي بالرقيه

وسبحان مسبب الاسباب كنت اتصفح في النت وابحث عن منتديات الاواطيح على منتدى للرقيه الشرعيه

وقمت اقرا فيه زي العطشانه وكل ماقريت أي اعراض لقيتها متوفره ولله الحمد

قمت قلت بسمع للرقيه من الجهاز واشوف هل بتاثر
وفعلا فتحت الرقيه الا وآيه(واذ صرفنا اليك نفرا من الجن يستمعون القرآن...الآيه)

هنا بكيت بكاء شديد

وطفيت الجهاز ورحت وتأكدت اني فعلا مريضه ومحتاجه للرقيه

مرت الايام وانا لاني قادره اقول لابوي يوديني عند شيخ ولا ني قادره اقوله هويقراعلي
بتقلون غريبه هو ماقرا من نفسه يومنه داري اني مريضه
بسراحه ال الان مااعرف السبب

وفي الايام هذي طاح فيدي شريط للشيخ

خالد الجبير

(اسباب منسيه)<<اللي تعاني من مرض انصحها تسمعه
.

.

وتحدث فيه عن سورة البقره واثرها في العلاج من العين
وعلى فكره انا كنت اظن انها عين بس وان علاجها سهل وبسيط

وقلت مالي الا استعين بالله واقرا سورة البقره في قيام الليل
والله اني شفت العجب

اول يوم وانا اصلى طحت مغمى عليومع ذلك اول ماصحصحت قمت توضيت وكملت
وبعدها صرت اتقوى وادعي الله
وبدت معي الاحلام اكثر من اول والتخويف اكثر من اول

وزي ماتقلون كذا حمي الوطيس
لدرجه من كثر التخويف ماكنت انام الا وابوي بنفسه ينام جنبي من الشي اللي شفته

وبعد فتره صرت اذا قرب وقت قومتي للصلاة الليل
تمسكني ضييييقه واصارخ واتقلب <<بتقلون ليش بقولكم ماادري بس شكل سورة البقره لها فعلها فيهم!!


وكل يوم على هالحال ورغم الضيق والصراخ كنت اصبر نفسي واقول
ياساره الفرج قريب بس استعيني بالله
واتشجع من نفسي واقوم ...

وقعدت على هالحال شهر يمكن

وبعدها قرر ابوي انه يوديني عند شيخ يقرا علي حتى

يتمطن ويعرف اش فيني

ورحناومن اول جلسه نطق على لساني الشيطان وقال انها معيونه واللي عاينتها (ام ناصر)<<تذكرتوه الخطيب الاول

واصر ابوي انها يدبر لي من اثرها

وفعلا بعد عده خطط وطرق جبنا اثرها

وجاء ابوي وخذ فيده شويه مويه من الاثر ومسح فيها وجهي
والله الذي لااله غيره
صرخت صراخ عجيب وقام ابوي كب كل المويه على جسمي

وقمت بعدها حسيت اني صحيت من النوم
واني خفيفه وكأنما نشطت من عقال <<وهذي من علامات خروج العين

والله ابوي بغى يبكي من الفرحه وقعد يحمد الله ويحمد الله

وله الحمد حتى يرضى وبعد الرضى

وتوقعنا انه خلاص شفيت وطبت وصرت زينه

لكن الاعراض مازلت موجوده

قلت لابوي عنها وقال لازم نروح للشيخ ويقرا عليك

قلت خلاص مافي مشكله ورحنا

وفي خلال هذي الجلسه نطق شيطان السحر الخبيث

وسمعنا العجب
.

.


.


.................................................. .........................


.

.

ورحنا للشيخ انا وابوي في جلسه خاصه بعد صلاة العصر مباشره

وبدأ الشيخ الرقيه بحمد الله والثناء عليه ثم الدعاء

بدا يدعو اللهم عليك بمن آذى المسلمين والمسلمات ..........
اللهم عليك بالسحره ومن ساعدهم........

اللهم عليك بكل حاسد تمنى زوال نعمةاخيه فأضره...

والى هنا وانا واعيه تمام مع ان بعض الادعيه تخليني اهتز هزه بسيطه
وابوي جالس جنبي يسمع

وبدا الشيخ يتلوا الآيات العظام التي لو انزلت على جيل لرأيته خاشعا متصدعا من خشية الله
قرأ الفاتحه وكررها سبع مرات
وانا مازلت واعيه لكني بديت اتضايق
ثم آيه الكرسي
ثم المعوذات وكررها
وبس انتهى منها خلاااص صرت مرهقه كني كنت اركض ركض طوييييييل وصرت اتنفس بسرعه
وخفقان فالقلب
وضعف رؤيه
ثم بدا باآيات السحره مع موسى عليه السلام
وبديت انفصل عن الادراك
الى ان صرت بين الوعي والاغماء حاله غريبه ماادري كيف اوصفها لكم
مثل اذا جاك الجاثوم او رؤيا بين اليقظه والنوم
والآيه التي لها اكبر التأثير علي هي قوله تعالى على لسان موسى (ماجئتم به السحر ان الله سيبطله)
وايضا (ومن الناس من يتخذ من دون الله انداد يحبونهم كحب الله...الآيه)
ايضا(واتبعوا ماتتلوا الشياطين ...الآيه)
المهم بدأ الخبيث يتكلم....>(طبعا لعن وسب فالشيخ واحيانا استهزاء بالايات)

<<ابي انبهكم على شيء الجن كلامهم كذب قديصدق واحد في كل الف
وكما قال الله تعالى( واكثرهم كاذبون)

وسأله الشيخ
وش ديانته
واظن انه قال انه مسلم والله اعلم

وقال انه مربوط بسحر
وانه مايقدر يعلم مكان العقد
لكنه مستعد يعلم عن اسماء الاشخاص
وهنا الشيخ ماعطاه فرصه عشان يتكلم ويقول
طنشه

ورجع يقرأ
ويكرر آيات السحر
ويكرر

الى ان اذن المغرب وصحيت على اذن المغرب وكنت في حاله لايعلم بها الاالله

من تعب وكأني كنت اسوي اعمال شاقه

رجعنا البيت وانا فالسياره سألت ابوي وش اللي صار
وش قال الشيخ
وقال ابوي
يمكن انه سحر والله اعلم
على فكره آيات العين لا تؤثر فيني مثل قبل
يعني ممكن اتضايق منها لاكن لايحضر على لساني

انا هنا وقفت(سحرررررر)
كانت صدمه

وما استوعبتها زين
لحظتها
دار بيني وبين نفسي حديث
من اللي بيسحرني وعلى ايش يعني
معقوله انتقام
انا اصلا والله مالي عداوت
انا يابنات من النوع اللي مااحب المشاكل واحول اتجنبها قد مااقدر
حتى مرت ابوي يوم تضايقني والله اني اسمع الكلمه واسكت
.


.

ولا اتوقع من احد انه يسوي كذا

كل اللي حولي يعرفون الله ويخافونه
مستحيل احد بيبيع دينه وعلى ايش

وتذكرت لحظتها

الرسول صلى الله عليه وسلم وانه سحر وانه هو اعظم بلاء مني

فما كان مني ولاينبغي ان يكون مني الا ان اسلم واسترجع

ورحت غيرت ثيابي ونمت

واذا بتباشير النصرمن الله وكأن ربي يقول ستفرج لكن اصبري

ورأيت رؤيا

رأيت انني في بيتنا القديم وصلتني هديه من مكه المكرمه
في كيس اسود ومكتوب عليه كتابات مثل التعليمات على الكيس

وكأنني أخُبرت ان هذه هي عقد السحر حقتك ففكيها
وحملته معي وجلست في مكان وفتحت الكيس
وبديت اخذ العقد واقرأ قل اعوذ برب الفلق وانفث فيها ويخرج منها دخان وتحترق الخيوط
ثم قيل لي كبي عليها من ماء زمزم واكب عليها من ماء زمزم واذا بها تتبخر الخيوط وتتلاشى

واستيقظت وانا في راحه عجيييبه جدا


بسراحه مافسرت الرؤيا

لكن عموما انا متفائله بها جداً واني لأرى فيها هم سيفرج

احمد الله واشكره على نعمه

صدقوني هذا مااستطعت كتابته اليوم

صبركم علي يابنات الله يحفظكم جميعا بدون استثناء

.................................................. ...................

الفصل الأخير .................................................. ........


من بعد ان رايت تلك الرؤيا والتابشير فيها واضحه وضوح الشمس


علمت ان الله معي لن يضيعني سواء كنت مسحوره ممسوسه معيونه
او أي كان المرض
والله كل مااحسست بألم كل ما زادت حالتي ماازادا الايقيناً بالفرج
وثقة بالله وبرحمتة
وكنت اقول في نفسي مادام ربي ارحم بي من امي وابوي وانا كنت اشوف
دموع ابوي وهو يقرا علي اذا صيحت بالليل
القاه واقف ويده على راسي يقرا
واختي واقفه تقولي كنتي تتألمين ياساره وش فيك.....
مادام هذي رحمة ابوي فيني
فربي ارحم منه ولكن ابتلاني لحكمه يعلمها
فوالله يابنات
انها لحظات لذه لايعلمها الا اللي جربها


تخيلوا لذه في قمة الالم !!!!


ومايلقها الاالذين صبروا ومايلقها الاذوحظ عظيم.....


صحيح مرت علي لحظات ضعف
واستوحشت من غرفتي ومن بيتنا ومن الاض بأكملها
وتمنيت لو اطير الى السماء
ابغى ذره امن وطمأنينه <<فهل تنامين انتي في غرفتك وانتي آمنه !!اذن احمدي الله
فهناك الاف المسحورين لايستطيعون اغماض اجفانهم

ظننت ان الشياطين ممكن يأذوني

ظننت انهم مخيفون

وانهم ممكن يطلعون لي فجاءه ويقتلوني

ولاكنهم اضعف من ذلك بكثييييييييير


ومجرد ماضعفت تقوى الشيطان
فالبدايه عندما كان يخوفوني ويخيلون لي <<على فكره ترى كل حيلهم تخييل واحلام مزعجه ولن يضروا احد الابأذن الله


كنت اخاف منهم ...واللي يخاف منهم هذا هو المطلوب يلعبون فحسبته
الله سبحانه وتعالى يقول(وانه كان رجال من الانس يعوذون برجال من الجن فزادوهم رهقا)


وقال ايضا(ومن يؤمن بربه فلايخاف بخسا ولارهقا)


ويوم قرأت هذه الايه علمت ان الايمان بالله هو سلاحي الذي احاربهم به


وسبحان الله وجدت الفرق يوم ان توكلت على الله
وفوضت امري لله


و سبحان الله اذا قوى الانسان ايمانه وتوكل على الله
وعلم ان
كل شي في هذا الكون الواسع
لايتحرك الا بأمرالله
وكل دآبه هو آخذ بناصيتها سبحانه
فأن الله يحميه وينزل السكينة على قلبه


كان احيانا ياتيني كالجاثوم متشكل على شكل <<لاداعي لذكره
ويحاول انه يراودني عن نفسي
والله العظيم مجرد ان اقرأ القرآن يخنقني حتى يكاد ينقطع نفسي
ولكن اظل مستمره رغم الكتمه اللي كنت حاسه فيها
والله انه يندحر ويضعف ويختفي مذموما مدحورا


فكل من تشتكي هذه الامراض من سحر او أي مرض


العلاج الاول والآخير هو اللجوء الى الله
وتفويض الامر اليه


والتزام عتبات العباده
والتذلل لله


واحتساب الاجر


(((ياكل مبتلى)))

بمرض او عقم او فقر او هم او حياة بئيسه او أي كان الابتلاء


الاعمال الصالحه لها اجورها
الا الصابرون فانهم يوفون أجرهم بغير حساب


ولاتسئل عن الكريم كيف سيجزي بغير حساب انها اضعاف مضاعفه


يود اهل العافيه يوم القيامه لوقرضت جلودهم بالمقاريض مما يرو من جزاء اهل البلاء



...........كان هذا البلاء دفعه قويه لي في زيادة ايماني ......


فكرت كيف اخلى وقتي كله عباده


التحقت بدار تحفيظ نسائيه في جامع شيخ الاسلام ابن تيميه
وفالعصر دار تحفيظ ايضا


لما دخلت الدار الصباحي


سبحان الله رأيت بنات في عمري خاتمات لكتاب الله بل طالبات علم ومعلمات حلقات


حقيقه رأيت الكثير من الخير والله ماكأني الا في عصر الصحابه كأنني أعيشه بين امهات المؤمنين
كلهم قمه فالاخلاق خلقهم القرآن هذبهم القرآن وتأدبوا بأدابه


رأيت منهم العجب


من يقول ان امجتمعنا خلاص فسد وانا جيل خربان على قولهم فقد كذب

لاوالله بناتنا فيهم الخير (الخير في امة محمد الى قيام الساعه)


فلمارأيت ما رأيت أرتفعت الهمه الى طلب العلم الشرعي



وكان هذا تفسير لرؤيا ابوي قالي عنها قال انا شفتك بالمنام تبسطين يديك للملائكه وتمشي على يدك حتى تستقر على راسك


ففسرت الحلم وكان التفسير هوانني اطلب العلم


فسره لي احد المشايخ
وبسراحه استغربت وقتها لأنه ماكان في بالي ابدا ولست اميل اصلا للعلم


لكن الله اراد امرا وكان


بدأت في طلب العلم
كان يجي الشيخ عبد الله بن جبرين الله يحفظه بعد الفجر ويلقي الدروس


وكان بعد الحلقه مباشره درس في التفسير ويوم في الحديث وفي العقيده


قضيت اوقات يعلم الله اني ماتخيلت في يوم راح اعيشها



يجونا داعيات يلقون محاضرات


والله رأيت منهم رقه القلوب والخشيه من الله


وقد نويت ان اسلك سبيلهم فأدعوا لي أخواتي ان يبلغني الله ما اتمنى


كان لهذا كله الاثر الكبير في علاجي


وفي تغير حياتي التي اتخذت مسار آخر من يوم ابتلاني الله



فما أجمل البلاء عندما يكون مغيراً لحياتنا الى الافضل

والله لو يعلم السحره ان اغلب المسحورين كانالسحر السبب الاول في التزامهم لتركوا ماهم فيه هم وشياطينهم


ولكن ليسحروا وليعقدوا وليقترفوا ماهم مقترفون....(اليس الله بكاف عبده)!!
.................................................. .................


ومع هذا كنت مداومه على الرقيه الشرعيه


ولمده سنه كامله ثلاث ايم بالاسبوع


ورحت مره وذاك اليوم كان الشيطان قد ضعـــــــف وانهد حيله بمعنى اصح


وقام الشيخ مسكني من مكان بداية الحاجبين وضغط ضغطه من الالم توقفت عن الحركه


واذا بي احس مثل الدوده تتحرك في راسي بسرعه


حتى وصلت لجلدة الرأس وكأنها انفجرت وخرج من راسي مثل السائل
طبعا انا هنا احسب انه عرق من عروق الرأس انفجر
ورفعت يدي ودخلتها من تحت العبايه وامسح مكان السائل


والله مافيه شي ؟؟؟؟؟


المهم يقول الشيخ لعله خرج عموما داومي على الرقيه
.
.
.


حتى تحسنت حالتي بشكل وااااااااضح




وصارت العبادات سهله علي بعد ماكنت جهاد


والى يومكم هذا وانا مداومه على الرقيه


خرجت العين وانفك سحر التفريق


وبقي العاشق الخبيث ولكن الذي اخرج العين وفك السحر


قادر على ان يحرق هذا الخبيث


وان ينجيني منه ومن كل كرب


وان يحميني من أي تجديد للسحر


في رمضان هذا العام من ان دخل وانا في الحاح على ربي بالدعاء


واستغفار


وحاولت ان استغل كل لحظه من هذا الشهر الفضيل


ومع ذلك كم ضيعنا من اولاقات


أسأل الله ان يعيده علينا اعوام عديده وازمنة مديده وان يجبر كسرنا على فراقه


دعيت في ليلة 27 ان يرد لي زوجي رداً جميلاً


والحمد لله جاني الفرج خلال ايام معدوده ويتم خلال هذه الايام الاتفاق على موعد الزواج


وسيتحدد قريبا ...بأذن الله



اللهم احفظنا بحفظك وارعنا برعايتك اناو من احب
اللهم ارعانا بعينك التي لاتنام وبركنك الذي لايضام
اللهم اقسم لنا من خشيتك ماتحول به بيننا وبين معاصيك


اللهم اجعلنا معينين لبعضا على طاعتك........


اللهم اجعلنا افقر خلقك اليك اغناهم بك
اللهم احيينا مساكين وامتنا مساكين واحشرنا في زمرة المساكين



لاتنسون اختكم (((موت النخيل))) من صالح دعائكم
.................................................. .........................................





هذه القصه هي قصتي انا لم انقلها ولم ائلفها من عقلي كتبت فيها المي
وكتبت كيف تجاوزته رغم اني مازلت الملم بقايا وآثار المرض
في نفسيتي وصحتي والحمد لله




قصتي هذه



هي حياة عشتها وعشت فصولها الاربعه


المني برد شتاءها واحرقتني نار صيفها


ونعمت بورود ربيعها والمني تساقط اوراق خريفها امام عيني


ماكان بعد الشده الافرج ومابعد الليل الدامس الانور يضي الافاق


ياكل مهموم ...ياكل مبتلى ..................ابشر


ان فرج الله قريب


الآلم هذه القصه ماكانت الا نموذج بسيييييييييط جدا لقذاره السحره الكفره


وآثار هذه الاعمال التخريبيه
ضياع لعقائد الناس ولدينهم
تشتيت اسر
تنغيص راحه
لانوم لابالليل ولابالنهار
امراض
الآم نفسيه
اطفال من دون جرم مصابون


وحالتي تعتبر بسييطه جدا ونوع واحد من انواع اعمالهم القذره


والله ان قرأت قصص ليست كالقصص


ادخلوا منتديات الرقيه واقرأو


واعتبروا


انظروا الى انفسكم هل انتم بعافيه ؟؟؟


اذاً احمدوا الله على نعمه


واشكروه عليها يزدكم من فضله (ولئن شكرتم لاازيدنكم)


وكيف يكون الشكر ؟؟؟


هل هوقول الحمد لله فقط


لا ....


مادام ان الله انعم عليك بأذنين فشكرها ان لاتسمعي بها ما يغضب الله
مادام ان عندك عينين فشكرها ان لا تنظرين بها الى الافلام والمسلسلات والحرام
مادام انك بعافيه لاتعانين من مس فقرأي القرآن هناك من المسحورين من لايستطيعون قرأته


وان تعدوا نعمة الله لاتحصوها


وتذكري انك لو عصيتي الله فان الله غني عن العالمين


وان شكرتيه فانما تشكرين لنفسك


كوني لله كما يريد يكون لك فوق ماتريدين
..........................


والله ماكانت هذه الكلمات الا لي اولا ولمن احببتهم فالله
فما كان من خطأ فمن نفسي والشيطان
وما كان من صواب وحق فمن الله وحده


اللهم لاتواخذنا ان نسينا او اخطئنا


والسلام عليكم ورحمة الله وبركاته

الاخت اللي اكملت القصه الله يسامحك بس

كان كتبتي التحذير اللي كتبته انا بالمنتدى اللي نقلتيه منه

موكل وحده تقدر تقرى عن الجن فيهم اللي ماتتحمل هذا الشيء وخصوصا في الاجزاء اللي نقلتيها


بنات سامحوني ان كان وحده خافت من تفاصيل القصه

والله مااردت الا ان افيدكم وما اردت اخوفكم

سامحووووني

الله يثبتك على ايمااااااااااااااااانك احتب موت النخيل ويبعد عنك كل سحر وعين يارب