مبروك عليج إختي العجمية, والله يهنيج بشعرج إن شاء الله...
أنا إستخدمت الكتم لأني كنت مميشه شعري من فتره طويله (خصل) والمشكله إن الشعر اللي ميشته صار باهت و لونه مختلف عن لون شعري الأصلي. وهذي هي الطريقة:
1- تعجنين حنه يمني 3 ملاعق كبيره + 3 ملاعق كبيره كتم , في ماء دافي مايل للحراره ( قياس الماي 3 أكواب + 3 ملاعق ليمون أسود مطحون + 3 ملاعق زعتر ورق (للمعه والتقويه) أخلي الماي يغلي , بعدين أقصر على النار وأخليه يطبخ لين يتركز ويصير مقدار كوبين, أصفيه و هو للحين دافي مايل للحراره وأعجن فيه خلطة الحنه و الكتم).
2- أغطي الحنه, وأخليهه في الحوش أو السطح, يعني مكان توصل له الشمس, من الليل إلا ثاني يوم الصبح.
3- ثاني يوم الصبح أحط الخلطه بشعري, أفرقه 4 مجموعات, أبتدي من الجذور للأطراف. مع التدليك الخفيف, وألف كل مجموعه بروحهه, مع التركيز على الشعر الفاتح و الشيب إن كان موجود.
4-أحط الكاب على راسي , وألفه برمال( منديل),أخليه بشعري لمدة ما تزيد عن ال3 ساعات بس. علشان ما ينشف شعري, وخاصه إذا كنت أحط االخلطه في شعري كل إسبوع مره.
5- أغسله بس بماي, ومسحة بلسم بس علشان أفك التشابك. وأغسله زين...وأخليه ينشف بدون إستشوار.
6- ثاني يوم أخلط لي هالزيوت( لوز+برشوت+زيتون+خروع+ملعقة شاي محلب+ملعقة شاي قهوة )أسخنهم شوي, وأخصل شعري وأبتدي أحطهه بشعري من الجذور للأطراف, مع التدليك. ما أغطيه بنايلون, وأخليهه بشعري تقريباً 4 إلى 5 ساعات, وبعدين أغسله بالشامبو و البلسم ( مسحه بس).
النتيجه: ما شاء الله, شعر لامع , صحي ,ناعم, قااااااااااااااااااتم , قوي و حلو, والشعر الفاتح لونه صار غامج, مثل ما قلتي لاهو أحمر ولا أسود...
وsorry إني طولت عليج....ومشكوره لأنج فتحتي موضوع شاغل كل البنات النواعم..........
الكتم لحاله ماينفع كثيرات جربنه لحاله مانفع واحسن طريقة هي اللي كتبتها ان شاء الله.