الشيب والثلاثين× شيبنا والا لساتنا شباب .............!

كيفكم ياحلوات



عساكم بخير





انا اليوم جايه وعندي كم حسره بقلبي وودي اقولها




وابي اللي مثلي تشاركني عشان نتشبب ونقول لا للشيب الابيض



خلوني اسال بالاول

من باوائل الثلاثين وفوجئت بالشيب يغزو شعرها الجميل الاسود




وطبعا قبل انسى حابه برضه اذكر بها الحديث

أخرج النسائي والترمذي وقال حسن صحيح عن عمر بن عبسة رضي الله عنه أن رسول الله صلى الله عليه وسلم قال ( من شاب شيبة في الإسلام كانت له نورا يوم القيامة )




السالفه ومافيها ياحبيباتي


قبل 3 سنين شفت شعره وحده وبغيت اطب ساكته من المفاجأه .... وسكتت وصرت ادورها بالثلاث سنين الماضيه ماشفتها


هي شكلها كانت موجوده بس البلى بعيوني اللي ما تبي تشوفها



وصار لي سنه الحين وانا كل شوي القى وحده غير الثانيه وبالوجه قدام ... والمشكله اذا جانا ضيوف ورحت زياره واستشورت شعري وفرحت فيه القاهن مزيننه فوق الشعر مترززين


بس تدرون متى اكتشفهم بعد ما تنتهي الزياره او يروحوا الضيوف :35: استروا ما واجهتوا



وبسببه صارت تجيني افكار اني عجزت بالستين وعمري راح:44:




الله يعوض علي بالجنه ما تهنيت بحياتي مثل الحريم شكل هالشيب ما غزاني الا بسبب حزني


كلها 3 سنوات وترملت والحمد لله لا اعترض على حكم ربي الرحيم الكريم الحكيم




المهم طولتها وهي قصيره



قبل تطلعوا ادعوا لوليدي وبنوتي بالصلاح وان ربي يخليهم لي ويقر عيني بهم ويعوضني واياهم خير