طيب مانبي نسوق
لكن يتكرمون يحطون لنا متروباص
انا وحده ماعندي رجال يوديني ويجيبني
بنتي تدرس الباص ياخذ ثلا ميه بالشهر
انا موظفه براتب يسد الفقر الفين ريال
الف ريال تروح مني مواصلات ياخذها سواق المشاوير
كان طالب الف وخمس وبعد ماترجيته وذلني وافق ع الالف كني اشحذه
يبقي الف ريال
ثلاث ميه لباص بنتي
هذا غير ان بنتي عمرها عشر سنوات معاها ربو قوي ومزمن تنكتم علي
واقوم ب انصاص الليالي شايلتها ع كتفي امشي بالشوارع لين اوصل الشارع العام عشان احصل ليموزين
واطاير مع الليموزينات عشان ماتموت هالبنت
كل يوم اركب مع شكل مره باكستاني مره هندي واقل شي ادفع لهم خمسين رايح جاي اقل شي
مااااعندي من يخدمني
ماااااااااااااااااعندي رجااااااااااااااااال وش الحل بنظركم ؟؟
انا ماني ضد القياده لاني من اكبر محتاجينها ومعاناتي اللي فوق تكفي
والله مابي اسواق ولا تمشيات ولا دواجه
انا امممم ابي اقضي حاجة بنتي ماعندي رجاااال
ابي اخلص حاجتي مليت من الليموزينات يا اركب مع متهور او قليل ادب او يتحرش
هذا وانا عبايه راس وشراب وماسلمت كل يوم اقول الله يستر لايلف فيني منا والا منا
اللي ضد القياده ماعاشت معاناتي سنييييييين وانا كذاااا وترا طلعاتي من البيت ضروره
ماعمري طلعت امشي بنتي او ارفهاااا وادري مكسور خاطرها بس هذا حالي لين الله يفرجها
ودي عندي رجل يخدمني ودي عندي سواق يقضي حاجتي
فكرت اجيب سواق بس يبي سياره وسكن وراتب من وين لي هههههههه
ادري كلامي مو معجب البنات المخدومات من اهاليهم
لانها ماحست ان بنتها تفرفش من المرض وهي تراكض بالشوارع عشان تلقي احد يوديها مستشفي
الله كريم دعواتكم لي
طيب مانبي نسوق
لكن يتكرمون يحطون لنا متروباص
انا وحده ماعندي رجال يوديني ويجيبني
بنتي تدرس...
فعن عياض بن غنم رضي الله عنه قال : قال رسول الله: من أراد أن ينصح لذي سلطان في أمر فلا يبده علانية ، وليأخذ بيده, فإن قبل منه فذاك, وإلا كان قد أدى الذي عليه(أخرج الإمام أحمد ورواه ابن أبي عاصم في السنة وصححه الشيخ الألباني)