بسم الله الرحمن الرحيم
السلام عليم ورحمة الله وبركاته
كيفكم حبيباتي عضوات عالم حواء ان شاء الله تمام :26:
نزلت هالموضوع حتى اريح بعض البنات واهدي من نفوس الموسوسات واللي الله يهديهم يتكلمون بس من باب انهم يقلون طبعا هالموضوع انا كاتبته يعن مو منقول والحقوق محفوظه لسمراءok لبى قلبها وه بس شحلاتها اللي هي انا====>>> لايكثر يابنيه واعقلي:p
طبعا بتكلم عن خلطات وكريمات التبيض وعلى راسهم الشيخ دريموفيت اللي اغلب البنات لاشافوه قالوا يوووووووووووه لا يجيب السرطان يجيب البرص يجيب الموت يجيب التسمم يجيب الجلطه ينبت نخل بالراس عساكم بس ماتقلون هو سبب الثورات الحاصله بالعالم العربي هالفتره
طبعا اختكم في الله سمراءok جربت اغلب الكريمات يعني بيني وبينهم علاقه وثيقه ^_^ وفيه اللي فادني وفيه اللي لا جاب نتيجه عكسيه ومنها عرفت اللي مفعوله سريع واللي مفعوله بطيء واللي متعددالاستخدامات يعني الحمد لله صار عندي خبره لابئس بها
ادري ان كلامي ماراح يعجب الكثير وادريان الكثير راح يعارض موضوعي والله يستر لايبيحن سفك دمائي و لايكفروني بعد عاد هالتكفير شاد حيله هاليومين
يعني يابنات خلونا نتكلم بالعقل والمنطق انا من الناس اللي استخدمت هالكريمات ووصفتها لبنات ودعولي وشفت بعيوني بنات يحطونها بيض وسمر وقلبتهم وللحين عايشين ومخلفين لاتقلون على مر السنيين تظهر المساوىء انا اللي اعرفهم لاشهر ولاشهر ولا حتى عشر سنوات الله لايضرهم وقريبتي وربي انها استخدمتها وهي حامل وماشاء الله عليها جابت بنوته بصحه وعافيه مب معنى كلامي اني اقول يالحوامل استخدموها لا بس ذكرت هالمثال عشان ابين ان كل شي بيد الله
ووحده يحليلها الله يجزاها خير كانت تبي تبيض لكن مثل الاغلبيه موبي شي فيه كورتيزون كنت اقولها يابنت الحلال زواجك ماباقي عليه شي وهي استغفر الله ماسكه بهالليمون والجليسويد وتفرك ومره شوفان وحليب وتبي تنقلب بيضاء الله ماشفناه بالعقل عرفناه الطبيعي مايقلبك من لون الى لون كذالك نتائجه مب سريعه يعني يصلح للي مب مستعجله واللي ماعندها زواج والا مناسبه غيره نو المهم قمت انا ام الفزعات وخلطت لها كريمات وقلت استخدميها هذي جلسليويد وفازلين ودوف وكريمات عاديه نفس اللي نستخدمها بالايام العاديه البنت صدقت واستخدمتها وماشاء الله فتحت وماعلمتها الا عقب زواجها قلت سامحني لكن شسوي فيك اقولك تحركي وادهري بهالكريمات لان مافيه وقت وجالسه تمرخين بالليمون وابشركم الحين صارت تستخدمها بالمناسبات وعرفت ان الضرر بكيفية الاستخدام مب بالكريمات
وللمعلوميه ترى قبل فتره قريت بمنتدى ان حتى الفازلين مودري شعلته حتى هالكائن المسكين ماخلوه بحاله:30:
وقبل فتره كنت اتصفح وقريت موضوع دكتور ينكر موضوع انتشر بالمنتديات عن كريمات يقلون حللوها بالمستشفى وطلعت تجيب سرطان الله اكبر عليكن:( طبعا انا نسيت هالكريمات
انا بقولكم مثال يابنات الحين الماي اللي نشربه مب مفيد وحلو للكلى وللبشره وغيره انزين لو عطيتك عشرين جالون وقلت يلا اشربيها كلها مب صح راح يضرك وويمكن ينفجر بطنك ويصير اشلاء مترامية الاطراف ههههههههه:o هذا القصد يعني الشي لازاد عن حده ينقلب ضده استخدمي هالكريمات بالمعقول ولوقت الازمه واذا فتحتي ووصلتي الدرجه المطلوبه من التفتيح خلاص وقفي وخليك على الطبيعي انا هذي طريقتي والحمد لله الوضع اوكى
بعدين معروف كريم دريموفيت للحساسيه وجدا جدا جدا ممتاز انا عن نفسي مااستغني عنه بحكم ان بشرتي حساسه واي شي يثيرها لجذي مااستغني عنه بالبيت وحطيته حتى الاطفال حطيتلهم منه لما تجيهم حساسيه وخلاص اذا راحت وقفيه وهو ماشاء للحساسيه سريع يعني بالكثير ثلاث او اربع ايام وتختفي نهائي ولو فعلا مضر لهدرجه ماصرحت فيه وزارة الصحه وماوصفته
اكرر كلامي استخدموا هالكريمات لكن بالحد المعقول
بعدين القهر لما نشوف وحده جايه تنزل موضوع وتبي تخدم خواتها وتتعب بتنزيل الصور وبالاخير يجون بنات ويكررون نفس الاسطوانه كيرتزون والدكتور جابر القحطاني وتسمم دم وجلطه ومودري شنو
ماانكر ان فيه بشرات ماتناسبها لكن مو معناته نعمم وكذالك طايحين بحركة تجي وحده تنزل موضوع من نسج خيالها من باب التخويف مانقول شي جزاك الله خير ونشكرك على خوفك على خواتك لكن مب بهالطريقه مره رجلي تمزعت ومره شلت بالحلاوه وجلد ابطي يطلع ومره رجلي تهشمت وتفتت ومره دمي تسمم والبنات الله يجزاهم بالخير شغالين نقل بهالمواضيع
احنا نتعب وننزل مواضيع ماضربنا احد على يده وقلنا الا تستخدمين هالخلطه كل املنا دعوه بظهر الغيب وفك ازمة مسلمه محتاجه عادي نقدر نسكت وندش موضوع وحده طالبه خلطه ونكتب او والا فوق والارفع ومابيضرنا شي...
وبالاول والاخير اختلاف وجهات النظر لايفسد للود قضيه....
اخر كلامي اختمه بكفارة المجلس سبحانك اللهم وبحمدك لا اله الا انت استغفرك واتوب اليك......
اختكم سمراءok:26::26::26:
الجمعه
25_5_1432
29_4_2011
3 عصرا
سمراءOK @smraaaok
محررة
يلزم عليك تسجيل الدخول أولًا لكتابة تعليق.
والله الكلام كتير بس الزبده وشهي والله عيوني فيهاا حساسيه واتهاب موقادره اقرا
صندوق الرسائل لديك مستخدم بنسبة 90% وش معناه ليت احد يقولي
صندوق الرسائل لديك مستخدم بنسبة 90% وش معناه ليت احد يقولي
Eve
•
جزاك الله الف خير ... موضوع رائع ....وبمناسبة هالموضوع ... ودي اسألك بما انك خبره ... شنو احسن واحد في عيال الشيخ الديرموفيت ...لاني ابي شي سريع ومضمون ..شوري علي ابي شي يفتح ويزيل اثار الحبوب ..لوني اقرب للسمار ...
وتحياتي لك .. ربي يحقق اللي تمننيه ان شاء الله
وتحياتي لك .. ربي يحقق اللي تمننيه ان شاء الله
بنت-عز
•
بس الشي للي مارح نختلف عليه انه مضر وقسم بالله يبنات اني ماكذب عليكم ولا لي مصلحه في هالشي يعني شلي بستفيده
انا اعرف وحده تخلطه مع كريمات ثانيه
جاها سرطان جلد وجلدها صار يطيح الاطباء احتاروااااااااااااااااااااااا فيها
يعني معروف ان الكورتيزن ماذه مضره ليش مو راضيين نقنتع بهاالشي
انا بالنسبه استخدم اشياء طبيعيه او كريمات حتي لو ماكانت طبيبعيه بس مو مضره واكون ضامنه ان مافيها كورتيزون
انا اعرف وحده تخلطه مع كريمات ثانيه
جاها سرطان جلد وجلدها صار يطيح الاطباء احتاروااااااااااااااااااااااا فيها
يعني معروف ان الكورتيزن ماذه مضره ليش مو راضيين نقنتع بهاالشي
انا بالنسبه استخدم اشياء طبيعيه او كريمات حتي لو ماكانت طبيبعيه بس مو مضره واكون ضامنه ان مافيها كورتيزون
الصفحة الأخيرة
مشكورة على مجهودك
مودتي