بطريقتي الشهزلانية ..
بسكويت شاي واحد اذا كان كبير ولا واحد ونص اذا هو متوسط .. مطحون مع ثلاث ارباع صبع زبدة .. ومرصوص بصينية الفرن .. خليهم مرتفعة حوافه احلى ..
وبعدين بالخلاط 8 حبات جبن كيري + ثلاث ارباع علبة حليب محلى + علبة قشطة .. وتالي صبي الخلطة فوق البسكوت .. ودخليه بالفرن لمن تطلع فقاعات وتتحمر شوي ..
خليها على جنب شوي عشان تبرد ..
بعدين ظرف كريم كراميل + كاس حليب سائل + ملعقة اكل كاكاو بودرة المر .. وحركيهم على النار كأنك بتسوين كريم كراميل بالكاكاو .. وبعدين شوي شوي صبيه فوق طبقة الجبن .. وبشوي شوي وديه الثلاجة وخليها لمن تبرد ..
وتالي قطعيها وقدميها بصحن التقديم مع النفيش .. والشاي والقهوة والبيبسي والعصير واي مشروب تفضلينه ..
وبالهناء والعافية ..
لاعدمــنـآآكـ ..