المقادير
صدور الدجاج
بصل
نص راس ثوم
فلفل حار حسب الرغبه
عصير ليمونه كامله
زبادي
ملعقة خل
ملح - بهارات - فلفل اسود
ملعقة صلصة طماطم وهذي اختياري
الطريقة
نقطع صدور الدجاج مكعبات متوسطة الحجم ..
نضع البصل والثوم والفلفل في قطاعة البصل
ونفرمهم فرم ناعم
نضيف باقي القادير على البصل ونتبل فيه الدجاج
ونغطيه بقصدير ونخليه بالثلاجة ليوم كامل ...وانا احسه كل ماطول الوقت كل ماتشرب التتبيله وصار اطعم
في اليوم الثاني نشكه قي اسياخ خشب
نقليه في زيت عميق ومتوسط الحراره ونخليه يستوي على راحته
كذا بيكون شكلة بعد القلي مرره لذيذ انصحكم تجربونه
عشاني سويته غداء قدمت معاه الارز الامريكي ابيض ..
احب هالرز معاه طبعا اسوية مثل اي رز ابيض
وقدمت معاه التبولة بصراحة احسهم عشق هالاطباق الثلاثة
من جد انصحكم تجربونهم وماراح تندمون
وبالعافية
وكان نفسي اصور الخطوات بس ما اعرف