الشيطان شاطر نصيحة لاتتركن له فرصة

اخواتي قريت في المنتدى واجدات يشتكن من ازواجهن خواتي لاتجيني وحده تقول هو ظلمني ومقصر معي ومدري وش
التغيير مايكون من طرف واحد بس اذا شفتي زوجك بدا طبعه يختلف او بدا يبتعد منك راجعي تصرفاتك معه قبل لا تراجعي تصرفاته هل مازلتي مثل ماكنتي في بداية الزواج ترسلين له رسأئل حبوشوق وتقابلينه باحلا طلعه ومدلعته
والا سرتي ترسلين له الاغراض الناقصة واغراض العيال وبس
ويجي من دوامه يلاقيك بثوب البيت
لاتقولين ما تغيرت راجعي تصرفاتك بينك وبين نفسك مو لازم تكتبينها لنا
اعرف انكم بتقولون ان الرجال مو زي بعض اعرف هذا بس الشي المتفقين عليه انهم كلهم بداية زواجهم يحبون زوجاتهم صح
طيب ليش ما نحافظ على هذا الحب ونجدده ما نترك فرصه للشيطان بينا هذا زوجك حلالك لاتجي وحده تقول كرامتي ومدري اش مستقبلك وعيالك يستحقون انك تضحين بشوي من هذي الكرامه والاهم من هذا انك تعيشين حياتك بوناسه مع شخص يحبك وتحبينه صح كلامي والا انا غلطانه
صح اني في بداية الحياة الزوجية بس مرت بي مواقف احسبه هو الغلطان بس يوم اقعد مع نفسي واراجع الموقف في راسي اعرف اننا كلنا غلطنا لا واحيان اكتشف انني انا السبب.
خواتي ما ابغا أطول اكثر من كذا
بس نصيحة مني عامليه باحسن ما عندك راح تلقين معامله ما تحلمين بها
هذا كلامي مجرد نصيحة من اعجبها تاخذ به ومن لم يعجبها تروح وكانها ما قرت شي