تناهيد ؛:؛: لمثل حالتك وكيف تتغلبين عليها اعطيك حلول مجربة 100٪
اولها ادعي لها دائما في السر و اذا تذكرتي اي شي من نعم الله عليها اقطعي التفكير على طوووول و ادعيلها بالبركة بينك وبين نفسك دااااائما
ونفس الشي كل ما جاتك او تذكرتي شكلها او اسمها او طفلها او زوجها وهذا من وااااقع تجربه الدعااااء لهم
(((مافيه احد مايغار والعاقل ماينكر هالشي)))
بس لااااازم تتغلبي على نفسك وتفكيرك
وعلى فكره احتمال قوي ماجات تشتكي لك انتي بالذات الا انها حاسة بشي تجاهك او رأت حلم انتي فيه او او او
الحل الثاني ابتسمي دااائما و اذكريها بالخير دايما قدام اي احد يطريها وامدحيها دايما خلفها وامامها
وثالث حل الهدية الهدية الهدية اكررها مليون مره تعنِّي وانزلي للسوق عشانها وعشان راحت بالك واعطيها هديتها بيدك حتى تصفى نيتك وتروح الغيره
وتذكري دااااائما ان الله اعطاك اشيااااء ما اعطاها
وميزك ب اشياء ما تميزت هي فيها
في المقابل الله اعطاها اشياء ماعطاك وميزها ب اشياء ما تميزتي فيها
القناعه اقنعي نفسك ان هالشي سنه الحياة فعلا مو دايما الزوج هو السعادة ومو دائما المال والوظيفة اللي الان بيدك ومو بيدها ماتدوم الله قسم النعم علينا بالعدل وانتي ارضي بالمقسوم
ناظري ب اللي بين يدينك واشكري ربك عليها
وناظري لها واشكري ربك عليه
موقف حصل لي ويحصل لاي انثى بالكون
اخو زوجي تزوج قبل سنة بنوته تقطر عسل عمرها 14 بالمقابل انا عمري 3 اوووك جسمها جسم وحده مابلغت بسم الله عليها نحييييفه وقزووومه وكيوووت فاللي يشوفها اصلا مايقول قزمه لان الوزن ناسب طولها اساسا وحتى اقل يعني اعطيها عمر 10 او 9 سنوات قدر الله انها حملت ياقلبي ب بعد 5 شهور تقريبا من زواجها انكسرررر خاطر زوجها مايبغاها تحمل بهالعمر وكل ما كبر بطنها يزيد خووفه عليها فصار دايما يشتكي لزوجي اني خايف عليها وهي مره صغيره واهلها عصبو علي يوم حملت بدري و و و يعني اخو زوجي وصف البنوته وصف دقيق لزوجي انها مرررره ماتتحمل الحمل مررره صغيرة زوجتي وزوجي ياقلبي جاء يقول لي هل طبيعي فيه بنات يحملون عادي ويولدون عادي بهالعمر او اقل يبغى ياخذ مشورتي ويطمن اخوه قلت له كل شي بس دخل في نفسي غيره ذبحتني وخفت تذبح هالبنوته خاصه انا جسمي اكبر من جسمها ب اشوي وعمري اكبر من عمرها بس تضايقت من وصف اخوه
البنت تحبني وتعزني والله تمدحني كثيررررر عند زوجها الله يسعدها ويتصل زوجها يسولف مع زوجي يقول زوجتي مرره تمدح بزوجتك ووو بس الغيره ذبحتني فصرت يابنات اتعووووذ من ابليس والله خفت على نفسي اضرها خفت خفت عليها مررره ودايما اذكر الله عليها اذا كلمتني او اتصلت علي اواو وبالمقابل اهديها هدايا دايما واتواصل معاها باستمرار وكثيرررررر تغيرت نظرتي لها و بالدعاء لنفسي ولها ولزوجها والله يابنات احساس الغيره تجاهها رااااااح تلاشى نهائي وتعلمت وعرفت ان كل شخص يتميز بشي ولاتحطين الصفة الزينه والنعمه اللي عند البنت محور حياتك وهمومك وتنسين اشياء كثيررررر الله انعمها عليك بس اجلسي مع نفسك وشوفي وانبشي بنفسك ايش الله اعطاك بس ماعطاها كثيررر خاطري اتكلم في هالموضوع مررره مهم وكثير بنات تجيهم هالاحاسيس والغيره و ان الله فضل فلانه علينا و و و ونسيت نعم الله عليها

ليش انصدمتي بالعكس غيرك اعوذ بالله تخرب بيوت وتخبب ولا تخاف ربها
انتي الحمدلله ما استسلمتي للوساوس و مشاعر الغيره الي حاسه فيها يعني فيك الخير وتخافي ربك و لا تحكمي ع نفسك انك منافقه ترى الحمدلله ربنا مايحاسب الانسان ع الاشياء الي يحس فيها دامه ماتكلم فيها ولا سواها و لا استسلم لها

...

الله يهدي سرها هي وزوجها

حبيبتي المشكلة مو فيك ، المشكلة في اختيارك للعنوان ،، انت فيك خير كبييييير ماشاء الله والدليل انك تخفين مشاعر الغيرة وتنصحينها من قلب ،، وترى النفوس مفطورة على الحسد لكن الكريم يخفيه واللئيم يبديه ...
وانت لو كنت انسانة سيئة كان نصحتيها بالطلاق وزينتيه في عينها لكن مادمت تنصحينها بالخير فهذا يدل على جمال روحك والخير اللي مالي قلبك ،، والشعور اللي تحسينه طبيعي لاتلومين نفسك عليه لكن جاهدي نفسك في التغلب عليه وكل ماحسيتيه ادعي لها بالبركة ،، وانصحيها انها ماتتكلم عن زوجها قدام أحد وقولي لها لاتجيبين سيرة زوجك عند أحد لابالخير ولا بالشر ..