رحمـتك يارب @rhmtk_yarb_2

عضوة جديدة

الشيطان يوسوس لي باللجوء للحرام ،، ساعدووووني

السلام عليكم

آآآآآآآآآه ما اعرف شنو اقول؟

انا متزوجه من زوج ملتزم وطيب ويحبني وعندي ولدين ، لكن مشكلتيي ان زوجي راتبه ضعيف ، الحين صار لنا 8 سنوات من تزوجنا ومعاشه يزيد بس بتعب وشغل زياده ، يعني لازم يشتغل 18 ساعه في اليوم عشان المعاش يكفي مصاريفنا اليوميه ،، تعبت وانا ادور وظيفه عشان اساعده بس ما عندي واسطه ، ولا عندي شهاده جامعيه ، لان ظروف زوجي الصعبه اضطرتني اني اترك الجامعه ،، اموت باليوم مليون مره ، وانا افكر في مستقبل عيالنا ، لا بيت ولا ضمان لمستقبلهم ، والله انا لا نملك لي مبلغ في حساب التوفير ولا موفرين اي شي للظروف ، تعبت ، حالي افقر حال بالنسبه لكل اهلي ، بس انا اللي محتاجه منهم ، والله اني ما اشوفهم ولا يهمني سفرهم وطلعاتهم ، بس عيالي يكسرون خاطري ويقطعون قلبي اذا يشوفون لعب او لبس عيالهم ، فكرت بالطلاق كثير ، بس من بيرضى فيني وانا عندي ولدين ، والله اني احب زوجي بس الظروف تخليني اكرهه ، ادري ان ماله ذنب ، بس لما تزوجنا وعدني ان اهله يوقفون معانا ليما الله يفرجها ، بس اهلله اخذلوه ولا يساعدونه ، مو عارفه شنواسوي، وين اروح شلون اضمن مستقبل عيالي ، تعبت وانا ادخل على المسؤولين واقدم في كل مكان عشان وظيفه ، بس و لا احد ساعدني ، اشوف البنات بعيوني يلجئون للحرام عشان يتوظفون وبالفعل يتوظفون ، لكن نفسي وديني وايماني يمنعني اني الجأ للحرام، اخاف من عذاب وعقاب الله ، بس مو قادره حاسه نفسي بامووت ، والله اني اتمنى اني اموت انا وعيالي بحادث سياره اوبأي طريقه، استغفر الله

والله اني ادعي الله في كل صلاه ، اقوم الليل ، اتصدق ولو بمبلغ ريال ، بس تعببببببببببت ، وزوجي بعد تعب ، البارحه كان يبكي لي يقولي يعني راح اظل اشتغل 18 ساعه باليوم طول عمري ، اشوف غيري شلون مرتاح يروح الدوام 8 ساعات ويرجع ،وانا ما اشوف العيال ولا اشوفك بس ارجع البيت وانام عشان اقوم واروح الدوام يوم ثاني، تعبانه يا اخواتي ، ما اشوف مخرج الا الحرااااام ، بس ارجع استغفر ربي ، بس دلوني وين الحل ، ليش مومتوفقين في شي ، غيري تتوظف ولا يقولون لها ما عندج شهاده جامعيه ولا شي ، وانا الكل يذلني ، ما عندي غيركم يا بنات افضفض له ، زوجي يقولي انا ودي ارجع ارتاح مو ارجع واسمع شكاويج ، امي تلومني تقولي انا قلت لج لا تتزوجينه ، بس انا تزوجته عشان شفته انسان محترم وملتزم وما تطلع منه العيبه ولا الغلط ، آآآآآآآآآآآآآآآآآآآآآآآآه قولولي شاسوي؟؟؟

الحين المدارس والشهر الجاي داخل علينا رمضان وبعده العيد ، ما يهمني لا لبس ولا شي ، بس عيالي ما اقدر اشوفهم محتاجين وفي خاطرهم شي ، ما اقدر ، افكر بالحرام عشان عيالي ، بس ارجع واقول وين باروح من عقاب الله ، واذا الله بلاني بمرض اولادي ، بعيد الشر عنهم ، قولوي وساعدوني وين المخرج ؟؟؟؟

يلزم عليك تسجيل الدخول أولًا لكتابة تعليق.

تسجيل دخول

مسك2 • 18 سنة

اختي اصبري واتحملي عشان عيالك انا نفس الحاله لكن الحمدلله ماعمري فكرت بالحرام انشاء الله نموت جوع انا وعيالي ولا افكر اروح بالحرام وعليك بالدعاء وكل انسان ياخذ رزقه في هذي الدنيا

أم تقى الحلوة • 18 سنة

لا حول ولا قوة الا بالله
أختي عمر الحرام ما جاب غير الندم والحسرة وغضب رب العباد
قومي صلي ركعتين حاجة واستغفري ربك
ولا تنسي الدعاء بعد كل صلاة وفي الثلث الاخير من الليل
وعليك بالاستغفار في كل وقت
والله يسهل عليك ويعطيك من خيره انه قادر على كل شي

وجــدان • 18 سنة

الحمدلله على كل حال

حتى انا نفس الحاله لكن راضيه ومبسوطه لاني ماافكر بالمستقبل
افكر بيومي وصديقيني كل يوم وفيه رزقه

يارب انك تفرج عنا وعن اختي وترزقنا من خيرك وحلالك وتغنينا عن حرامك
ياارحم الراحمين

بطه151 • 18 سنة

قال الله تبارك وتعالى :

بسم الله الرحمن الرحيم
( وقل استغفرو ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)
اقراي سورة الواقعه كل يوم فهي باذن الله تمنع الفقر

ادخلي دورات مكياج و تصفيف شعر هذه اكثر شغله مربحه وافتحي صالون بعدين
واستغفري ربك فالكلام الذي تقولينه باللجوء الى الحرام انت مؤثمه عليه ولا تجعلي اول مفتاح لباب رزقك هو الحرام والعياذ بالله

,,,بـنـت نـجـد,,, • 18 سنة

رددي اللهم اكفنا بحلالك عن حرامك واغننا بفضلك عمن سواك

ومن ترك شئ لله عوضه الله خير منه

اصبري ولا تشيلين هم المستقبل لانه في علم الغيب وماتتخيلين كيف تتغير حياة الانسان مابين عشية وضحاها وربك مطلع وعالم ومحصي اعمال العبد ومقدر تعبه ولاهو غافل

وعليكم بالدعاء

قل ما يعبأ بكم ربي لولا دعائكم))

اكثري من الدعاء