ضلع @dlaa_77

عضوة فعالة

الشي الايجابي عندي في ها الازمة انه مافيه اجتماع عيد

مرحبا
قد تستغربون موضوعي انا متزوجه صار لي سنتين ونص قبل ما اتزوج ما قد اجتمعت اجتماع عيد زي الناس حنا عاداتنا في نجد كل عائلة اقصد العائلة الكبيره الي اعدادهم مائات او اكثر يجتمعون مع أقاربهم اي كل ناس يجتمعون مع أقاربهم في قاعه سواء صباح أو مساء او في شاليه ويسوون فعاليات حلوة ووناسه كنت اشوف كل الناس كذا ماعدا حنا امي واخواني وابوي كنا نصلي العيد ونرجع البيت ننام حتى لبس ما كنا نعرف اهلي كل واحد منطوي على نفسه فكنت انقهر اذا شفت الناس الكل مجتمع مع أقاربه ياما بكيت وانقهرت وزياده الكل ينظر لنا نظرة تشمت ليش انتم كذا بس عيدكم كذا نوم ليش، ما تعرفون احد كنت انقهر من ها الاسئله فكنت اصبر نفسي اقول ان شاء الله اتزوج ويصير عندي حموله واجتمع معهم ويكون عيدهم فلة وفعلا تزوجت شخص من عائلة كبيره وكانو أقاربهم كثار ويأخذون في العيد قاعتين قاعه صباح وشاليه مساء وعيدهم قوي فعاليات وفقرات حلوة تحسين انه عيد ممتع طبعا ما احد يدخل الا بكروت عمتي وبناتها كل وحده معها كرت انا ما يجيني كرت مدري ليه اشوف زوجت عم زوجي يعطونها كروت لها وبناتها وتقول ابغى زياده لحريم عيالي ابغاهم يجون هم صارو من العائلة اما عمتي ولا فكرت فيني واصلا شكلها ما تبيني احظر عمتي كانت من يوم الملكة اذا دقيت عليها اعيدها سئلت ايش اخبار عيدكم طبعا تعرف اننا ما نجتمع واستمر سؤالها إلى بعد ماتزوجت كل ما يجي الرمضان كل ما اشوف وجهي تسئل وش راح يكون عيدكم او بس نوم وتجلس تتشمت وتجلس تتفاخر عندي انهم عيدهم فله وشاليه ووووو انا اقول لزوجي اني خاطري احظر انا خلاص صرت منكم وتعرف وضع اهلي لا عيد ولا شي بس يقول الأمر مو بيدي الأمر بيد امي المهم ها السنة سبحان الله اشوف عمتي وبناتها جدا منقهرين يقولون يوه معقوله العيد ذي السنه مافيه اجتماع بنعيد في بيتنا قهر وانا اقول بنفسي الحمد لله الي جعلكم وانتم وكل من تشمت فينا جعلكم زي وصعنا

يلزم عليك تسجيل الدخول أولًا لكتابة تعليق.

تسجيل دخول

[Faith] • 4 سنوات

ياضلع يابنت الحلال..
المساجد مسكره وكل شي مقفل ومحجورين ونسأل الله يرفع عنا الوباء وانتي فرحانه علشان عمتك وبناتها مقهورين 😩..

خلي عندك أولويات بالله عليك..

احد يفرح بالشر للمسلمين علشان يقهر ناس قاهرينه؟

الله يهديك ويهديهم ويسخرهم لك 🤲🏼❤️

تصاديف • 4 سنوات

[Faith] :

ياضلع يابنت الحلال.. المساجد مسكره وكل شي مقفل ومحجورين ونسأل الله يرفع عنا الوباء وانتي فرحانه علشان عمتك وبناتها مقهورين 😩.. خلي عندك أولويات بالله عليك.. احد يفرح بالشر للمسلمين علشان يقهر ناس قاهرينه؟ الله يهديك ويهديهم ويسخرهم لك 🤲🏼❤️

ياضلع يابنت الحلال.. المساجد مسكره وكل شي مقفل ومحجورين ونسأل الله يرفع عنا الوباء وانتي فرحانه...

من كلامها واضح انها مو فرحانه بالشر
لاكن هي مقهوره من تصرفهم معها
وام زوجها على كلامها انها تنغزها بالحكي
ياصاحبة الموضوع وكلي أمرك لله
ولاتستسلمين اطلبي الكرت من عمتك
ممكن مفكره انك مو حابه تجتمعين معهم
بيني لها انك تبين جمعتهم وكذا

[Faith] • 4 سنوات

تصاديف :

من كلامها واضح انها مو فرحانه بالشر لاكن هي مقهوره من تصرفهم معها وام زوجها على كلامها انها تنغزها بالحكي ياصاحبة الموضوع وكلي أمرك لله ولاتستسلمين اطلبي الكرت من عمتك ممكن مفكره انك مو حابه تجتمعين معهم بيني لها انك تبين جمعتهم وكذا

من كلامها واضح انها مو فرحانه بالشر لاكن هي مقهوره من تصرفهم معها وام زوجها على كلامها انها...

كلامي واضح الشر عام المسلمين مو جاي على العمه وبناتها، يعني حتى هي ممكن ماتعيد عند اهلها بسبب هالشي..

بس فرحانه لقهرهم 😁

المهم ليت يلغون الاقتباس مو لازم كل كلمه نحللها ونعقب عليها 😜

إسبريسو • 4 سنوات

وين الشماته في الموضوع🤦🏻‍♀️انتي بس منقهره منهم وترى اغلب الناس حالهم من حالك الحمدلله على الصحه والعافيه لو انك متعوده على الجمعات وتفاجئتي بعد الزواج كان قلت معك حق لكن تحسبين الزواج تحقيق امنيات في كل شي لا الموضوع مو كيذا وفي اشياء عادي تنجاوزها مايسوى الموضوع يقعد ياكل في قلبك العمر كله

ام جلووي و نهار • 4 سنوات

عيد الاضحى بيجتمعون
انتي قولي لعمتك اعطيني كرت عادي وش فيها بكرا عيالك يكبرون لازم يعرفون اهلهم
العام حنا ماكان عندنا عيد لظرف ما وهالسنة لكورونا الله يجمل باقي الاعياد يارب