بالسنعات
قال رسول الله صلى الله عليه وسلم<بارك الله لأمتي في بكورها>
الكل عارف هالحديث طيب وش السر فيه انا اقولكم
اليوم قمت على الساعه 6صحيت عيالي وفطرتهم ولبستهم وبعد ماراحو للمدارس قعدت بلحالي افكر وش بسوي في هالأسبوع عندي اجازه والأسبوع الجاي اختباراتي وانا ماعرف اذاكر الااذاقالو الأختبار بكره<<من الدفاره ولازم انجز شي موب اقعد مكتوفة اليدين
المهم قمت سلمكم الله وقلت الحين راح ابدى انظف البيت بديت من الساعه 8بعد ماراح زوجي للدوام فطرت صغيروني وغيرتله ونومته وبديت مهمتي التنظيفيه حطيت الملابس في الغساله وبديت بالصاله والله لوتشوفونها قبل كان انحشتو والشغل كله ماخذمني غير ساعتين بس وخلصت كل شي الملابس والتنظيف بس باقي تسفيط الملابس يمكن اخليه بكره الصبح وبصراحه شغل الصبح غير تحسين بنشااااااط وماتتعبين مثل باقي اليوم
والحين اوريكم صورة الصاله بعد منظفت هذي صوره للصاله كلها
وهذي اجزاء منها
وهذا السيب حق الحمام كرمكم الله
ابي من كل وحده الحين تقولنا وش سوت في الصبح<<يالله خلو عنكم الكسل والنوم
جربو وماراح تندمون
نشاط وحيوية ..
أما أنا صراااحةقمت وأنا مزكمة ومرشحة ، قلت انوم شوي ولا قمت الا حول الظهر ماامدى اسوي شي الا غسلت الملابس وببدى فالغدا،،
وان شاء الله اطبق اني اقوم واشتغل من الصباح ،،،