الصبر ثم الصبر اللي ماعندها صبر لاتدخل وتعب نفسها.

بسم الله الرحمن الرحيم
السلام عليكم ورحمة الله وبركاته
طبعا كلنا عارفين خلطة الدكتور جابر القحطاني للقضاء على السواد في اي منطقه في الجسم صراحه انا كنت مو متحمسه للخلطه بس فجاءه قلت يابنت مدامك فاضيه قاعده في البيت ماعندك شي ليش ماتجربينها مانتي خسرانه شي وجربتها في شهر عشره وصار لي الحين ثلاثه شهور بس صراحه انصدمت من النتيجه جربتها على رجولي على الكعبين كانت عندي سودا وكل يوم كنت ادهن المنطقه السودا والبس كيس وبعدين البس شراب وانام واذا صحيت اطلع الكيس وارجع البس الشراب علشان القعده على الارض ماترجع تسبب لي السواد مره ثانيه وماشاء الله صار لون الكعبين بني فاتح من سواد لبني فاتح بس لازم الصبر مو تحطينها شهرين وتقولين ماجاب نتيجه لازم تصبرين علشان تبان النتيجه وانا راح استمر شهر ثاني وراح استخدمها ان شاء الله على المنطقه الحساسه وراح اقولكم وش صار بس مو الحين في الصيف ان شاء الله صراحه مره الخلطه عجيبه تحسفت اني ماسويتها من قبل انا مصوره رجلي قبل علشان اشوف الفرق لو ماخاف يشوفونها ريجيل كان حطيت لكم صورتها وشفتوا الفرق والحين راح استخدمها على الهالات السودا اللي تحت العين طولت عليكم بهذرتي المهم الخلطه :
فازلين +كركم بشره +زيت اللوز المر
تخلطينهم مع بعض وتحطينهم في حافظه وكل يوم قبل النوم ادهني ونامي وسلامتكم ..
ايه صح بنات امانه اذكروا الله قولوا ماشاء الله على صبري اني مامليت من الخلطه صبرت ثلاثه شهور ..