السلام عليكم ورحمه الله وبركاته
انا اول مره اكتب مشكله لي هينا انا اساسا وولله الحمد ماعندي مشكله اساسا متزوجه من 9سنوات ومرتاحه مع زوجي وراضيه انا عمري ببدايه الثلاثين لكن المشكله الاكبر هي تاخر الحمل والسبب الزوج موحابه اذكر مشكلته لكنه صعبه بالنسبه للاطباء وخلال كل هالسنوات جربت العلاج الطبي والشعبي والعمليات المساعده من حقن مجهري لكن دون جدوى ودعاء ولله الحمد ربي ماكتب سعيت كثير للعلاج وبكيت كثير حتى مره جبت علاج من داخل اراضي فلسطين بقيمه جدا كبيره ولله الحمد مافاد ورضيت بقضاء الله وقدره وحاليا حابه اكون ام جدا ابي عيال محتاجه بحياتي اطفال ماحس اني متزوجه ولا عندي هدف حياتي روتينه اقوم انام اكل زيارات وطلعات لكن سبحان الله مافي فرح احس في شيء ناقص ونفسي بطفل حتى لو طفل واحد راضيه لكن للاسف رغم جميع تعبي ومحاولات ماقدرت احمل للعلم فحصت والطبيبه قالت امورك تمام لكن الزوج لا ولله الحمد كتابه وضعي هينا لايعني اني ابي الانفصال عن زوجي لكن هي فكره بدت تدخل راسي بسبب شوقي اكون ام هو الطريق الوحيد اتمنى استشارتكم بدون مجامله ولا عاطفه حطي نفسك مكاني واعطني رايك ؟
فرفووووشه @frfooooshh_1
محررة
يلزم عليك تسجيل الدخول أولًا لكتابة تعليق.
moono
•
انا لو مكانك لو زوجي يحبني وحياتي معه تمام بتبنى طفله او طفل لسا صغير عشان تحسي فيه ويكبر قدام عينك وتعيشي الامؤمه،،، واذا عندك اخوات يرضعون يرضعونه وكمان حريم من طرف زوجك اخواته او حريم اخوانه ،،،الحل الثاني انك تشوفين نفسك،، لو التأخير منك،،عند الرجال يا انه يطلق او يتزوج،،، وفكري زين واستخيري والله يرزقك وهو القادر على ذلك
من حقك تكوني ام وبما انك سليمه قمة القهر تحرمين من هذه النعمه بسبب شخص اخر ،الطلاق شرعه الله عز وجل لانه ايضا حل .
moono :
انا لو مكانك لو زوجي يحبني وحياتي معه تمام بتبنى طفله او طفل لسا صغير عشان تحسي فيه ويكبر قدام عينك وتعيشي الامؤمه،،، واذا عندك اخوات يرضعون يرضعونه وكمان حريم من طرف زوجك اخواته او حريم اخوانه ،،،الحل الثاني انك تشوفين نفسك،، لو التأخير منك،،عند الرجال يا انه يطلق او يتزوج،،، وفكري زين واستخيري والله يرزقك وهو القادر على ذلكانا لو مكانك لو زوجي يحبني وحياتي معه تمام بتبنى طفله او طفل لسا صغير عشان تحسي فيه ويكبر قدام...
اذا هيه ربي ماحرمها انها تشوف اطفال من لحمها ودمها وعندها القدره على ذلك ليش تربي اولاد غيرها وحتى لو قالولها ماما فالنهاية ماهم اولادها
الصفحة الأخيرة
وقبل كل شي استخيري واذا ماودك تفارقين زوجك تبنو طفل في عايلتنا متبنين وماشاء الله مبسوطين فيهم
الله يكتب لك اللي فيه الخير ويرزقك الذريه الصالحه