رهام بنت ابوها @rham_bnt_aboha
عضوة جديدة
الصبر له حدود
مليت من بحر حبك ومالي به
حب مثل حبكم والله لا سخى به
اللي وطاني وجاني منك خلاني
ابيع حبك وأكثر من عذاريبه
ايام مرت زرعت الشيب في راسي
سهمك على القلب بينة مضاريبه
ذقت التعاسة مع الأحزان في حبك
والقلب في وسط الهواج يلوي به
صبرت لين الصبر جاء واشتكى مني
والصبر ليطال مدري وش اسوي به
أقول يمكن مع الايام يتغير
وقلب رفع قدرك تعرف مواجيبه
وراحت حياتك وقلبك تايه حاير
والرجل درب السنع تخطيه وتصيبه
جيت أطلب البعد منك يا معذبني
وأقول فك قيد أمشي به
تبي الحقيقه غرام فيك يربطني
أنا من الناس ساعي لك بتخريبه
ان كان حبك حديد به تقيدني
قلبك وحبك ترى أرفض أساليبه
وان كان من طبعك التعذيب وفنونه
قلبي حلف لك يسوي ما تسوي به
حطمت قلبي وانا حطمت وجدانك
والبعد عنك ترى اليوم راضي به
سمعت صوتك بلحظة يأس ينكرني
من قلبي أسمع صدى همسه وتعذيبه
يقول رح جعل درب قربك مني
يموت ورده ما عاد السيل يجري به
قلب تداريه جعل اليأس يلعب به
وتضيع كل الدكاتره في تطابيبه
قلت الله أقوى وفيني طاوعك قلبك
من غيرك أهون ومنك جتني صعيبه
ما عاد لك في ضميري باقي ذكرى
اسمك ورسمك لعل الريح تومي به
نفسي عزيزه ولا تقبل مذلتها
واللي حدها على الهجران تدري به
ان بعت حبك فهو برضاي يا خلي
قلبي مهوب اللي تبيعه وتشتري به
1
577
يلزم عليك تسجيل الدخول أولًا لكتابة تعليق.
الصفحة الأخيرة
ربي يعطيك الف الف عاافيه ياقمر ..