الصحاب مش بالسنين الصحاب مواقف

زمان وأنا صغيرة في حد قالي أنه مفيش حاجة أسمها صحاب وساعتها أضايقت جداً ومكنتش مصدقه بس الواحد بقى يشوف مواقف ويسمع ويحصل معاه حاجات بتأكد الكلام ده أنا مثلاً كان عندي صديقة مقربة جداً
مني أفتكر أول تعارفنا كان في المدرسة كانت لسة جاية جديدة ومكنش في حد بيتعامل معاها أنا أتعاملت معها عادي و شوية شوية بقينا صحاب وقريبين من بعض لدرجة إنهم كانوا بيقولوا علينا اخوات بس جت فترة
أفترقنا عن بعض فجأة زي ما أتعرفنا على بعض مع الأسف الصداقة معها كانت مجرد خدعه كنت معيشه نفسي فيها على الرغم من تحذيرات ماما ليا ولكن كان لازم تحصل حاجة تفوقني وتعرفني إن الأم عندها
نظرة في اللي قدامه وإن الأم هى المرايا اللي بتكشفلنا الحاجات اللي أحنا مش شايفينها فوقت لما أتغيرت معاملتها ليا و صاحبة
غيري وبتتعامل معاها نفس معاملة الصحاب بل الأخوات وأنا أتحولت
من صاحبة قريبة و أخت الى واحدة غريبة ولا كأني كنت صحبتها لمدة كبيرة حسستني إني كنت مجرد شئ عابر في حياتها بس ربنا عوضني بواحدة عرفتها من قريب فعلاً ونعمة الأخت عرفتني فعلاً إن الصاحب مش
بالسنين ولا الأيام ولا الخروجات الصاحب مواقف

المواقف إلى بتبين الشخص الصح من الشخص الخطأ
السؤال هنا هل وجهة نظري صائبة هل فعلاً الصحاب بالسنين ولا بالمواقف ؟