انا الشهر هذا اغرب شهر مر علي
اول شي انا لي صديقات كثير اول وحده تعاوشت معها بسياره كلمه مني كلمه منها تقابعنا واللى اللحين مانكلم بعض بعدها باسبوع تهاوشت مع صديقتي الثانيه والسبب انها تهاوشت مع زوجها طاحت معه بمشكله وفزعت لها فزعه ماتنساها ولما تصالحت هي وزوجها صارت ماترد وحتى كلمه شكرا ماقالتها لي وسحبت عليها وارسلت لها مسج باني خلاص مليت من منها ومن المصالح اللي تخليها بس تكلم علي
اما صديقتي الثاله تهاوشت معها قبل امس والسبب اني جتني حاله التزام وقلت لها يابنت الحلال اذا تبغين تجين عندي تكفين لاتشغلين اغاني واذا جيتك ماابغى اغاني الموضوع مااعجبها وتهاوشنا وتركنا بعض

واليوم مابقى الا وحده لي والله يستر مانتهاوش انا لي اربع صديقات تهاوشت مع ثلاثه هالشهر والغريبه ان الاربع كلهم مايكلمون بعض ولا لهم علاقه في بعض عشان مثلا نتصالح بالمستقبل وعلى فكره انا مره اجتماعيه ومااعيش من غير صداقات والشهر هذا انصدمت كثير وكان احد طقني عين لان دايم البنات يقولون لي انتي جوال مايسكت من البنات والحمد لله بشهاده الجميع اني محبوبه وكل دقيقه يكلمون علي مع الرغم اني متزوجه وعندي عيال واللحين جوالي مايدق اهي اهي وحسيت بالوحده ===مصادقه الجوال مش البنات خخخخخخخخخخخخ

هلا كتلوج
ولايهمك اختي من ترك شي لله عوضه الله يخر
وتبين الصدق
تركت ناااااس غالين علي والله اكثر من وحده بسبب اني تغيرت وعلى قولتك دخلت في الاتزوام واكثرهم يتضليقون اذا اجتمعنا اقفل المسجل او التلفزيون اقول قصور عليه واعلق على اللبس اللي مايستر ويوم شفت مافيه امل بعد طل نقاش دام اكثر من السنه تركت بدون اي حسوفه لان ربي اللزم علي من اي احد والله بيرزقني وبيعوضني ان شاء الله

والحمدلله بنات الحلال واجد واللي فيهم خير كثيييييييييييييييييييييييييييييييييييييييييييييير

واللي فيه خير لك الله يردها لك يارب ويحنن قلوبكم على بعض


ام المصالح حدث ولا حرج ااااااااااااااااااه ياكثرها

هلا وليدة.....

انا مااقول في صديقاتي شي والنعم فيهم بالعكس هم روعة ومتعاونين ..
بس ودي بوحدة تفكيرها زي تفكيري..انا عادية وحبيبة وسهلة التعامل بس يتعبني تفكيري.. دايم افكر بالاشياء وعواقبها مستقبلا وهذا موب بكيفي غصب عني هالتفكير فاذا جيت اتناقش معاهم صار بيننا تصادم بالافكار بس ما نتخانق يعني مجرد تهزئ.

ومشكورة عالموضوع الرائع...

نصيييييييييييييييييييييييحة يا اختي وليدة انتبهي من شي اسمه صداااااقه ترى مافيه شي في الدنيا اسمه صداقه الا ...الاخوة في الله ...الا الصحبه الصالحه اللي تنصحك بالخير وتساعدك عليه
انا انصحك من قلبي لا تثقين في صديقه ...ابدااااااااااااااااااااااااااااااااااااااااااا

شوفي انا ماني صغيره انا عمري 32 سنه خلال حياتي كلها وقد ماصادقت الناس مايصادقون الامصاااالح..

لما كنت طالبه كانوا صاحباتي يستغلوني ماديا بطريقه ماتتصورينها ومايهم اذا بيقوفون معايه وقت الزنقه ..لكن والله محد يطالع فيك ..

وحدة من صديقاتي ايام الجامعه انخطبت تصوري سواقي كان تحت امرها في مشاويرها كلها ..
طقم الذهب اللي لبسته في شبكتها كان مني ...استلفته عشان تلبسه ..
حتى صواني الفرن كانت تاخها مني لما يجيها احد ..

تخيلي لما تزوجت طلبتها البس فستانها حق الفرح من كثر ماني ماخذه عليها لانه فستانها كان حلو ونفس مقاسي رفضت وقالتلي علي بلاطه اشتريه مني؟؟؟؟؟؟؟

ولما خلصت الجامعه توقعت زميلات العمل يكونون افضل طلع العكسسسسسسس اسوأ ..
كل واحدة تحارب الثانيه ...عشان تكون هي الافضل في الشغل قدام الرئيسه..

اخيرا تعرفت علي وحدة من كثر ماتتكلم عن نفسها قلت هذي ملاك ...وكل شي اقوله تقول عيب حرام مايصير وقلت هاذي هي..... انا ابغا وحدة تعرف الاصول ..تفاجات انها بدات الطلبا ت اللي ماتنتهي ..
وعلي حساب نفسي تبغا تنبسط يعني مثلا لو نفسها في حاجه تشتريها تلاقيها تقعد تشتكي وتتتمسكن عشان تدخلني جمعيه انا ااااخر وحده فيها وانا اقعد اطلب الفلوس من الموظفات وهي ولا عليها

وكله كوم تفاجات في الحديقه لما رحنا جمعه ( يوم للحريم) تفجات انها ..تعسسسسسسسل

تخيلي ...كرهت نفسي بعدها والحين انا قاعدة ابعد شويه شويه ...

والله يا اختي مافيه زي ما ان الوحدة تكون عايشه عالمها لوحدها ..احسن ماتثق بالصديقات وتعطيهم اسرارها واسرار بيتها ...


حتى الزميلات الباقيات اتفجات فيهم اللي طلعت تكلم شباب واللي لها علاقه بقسم الرجال في العمل ..

يالطيف الله يهديهم يارب ...

مافيه صداقه ابداااااااااااااااااااااااااا سمعيها مني ..

موضوووح حلوو بس يحـــ ـــز بخاطري لما افكر فيه

انا اشوف نفسي الحمدلله اجتماعيه واحب الناس وهم كمان نفس الشي يحبوني << على قولتهم اني طيوبه وقلبي كبير .. بالمتوسط بداية المراهقه كانوا لي صاحبات اشكال والوان بس كانت صداقتنا ماتتعدا المدرسه او سواليف بالتليفون .. المرحله الثانويه كل وحده التهت بنفسها الا ثنتين من المجموعه السابقه بقينا مع بعض او بالاصح بقوا معي لانهم بعد فتره تركوا بعض وكل وحده كانت تذكر الثانيه بالخير الحمدلله وكنت مقسمه وقتي بينهم وحده ماشاءالله عليها اجتماعيه لابعد الحدود وتحب الفرفشه والوناسه والثانيه شوي منعزله وكانت تمر بظروف عائلية وماديه صعبه واظطروا ينقلون عن الرياض بس كل هذا ماشاءالله مامنعها انها تكلمني يوميا تطمن علي وعلى اهلي ولا منعها من انها ترسلي مسجات التهنئة قبل وقتها بساعات ولا منعها من انها تهديني بمناسبه او بدون مناسبه هدايا فخمه وراقيه اصلا لو ماسوت شي انا احبها ولا اشره عليها ..... كانت تقولي انا ما ابي ارجع الرياض الا عشانك لان صداقتنا مافيه زيها وكانت دايم تقولي ودي اسوي كتاب عن الي جمعنا الحب في الله .. علمتني اشياء كثيره ومعنى الصداقه الصادقه علمتني لديني ودنيتي كانت تدعيلي ولاهلي كل يوم ..... شاء الله سبحانه ان اهلي بيروحون ويك اند للمنطقه الي هم فيها وقلتها وفرحت فيني ولما زرتها فبيتهم المتواضع لقيت كل انواع العصاير والحلويات والفطاير والكيك ماشاءالله عليهم .. اكلنا وانبسطنا وقلتلها بساعدك اوديهم للمطبخ معك ووافقت . انا شفت ان العصيرات فرش قلت بحطهم بالثلاجه عشان مايخربون ولما جيت افتح الثلاجه .... والباب حق الثلاجه ينفتح ... هي تقول : اصبري يافلانه......... واشوف داخل الثلاجه والله العظيم انصدمت .. تخيلوا الثلاجة حقت البيت فاضيه مافيها الا حليب الحجم الصغير مفتوح وعلبه معدن مدري ايش مغطيه بقصدير والفريزر ينفتح مع الثلاجه تصوروا ان مافيه الا نص دجاجه.... ياللللللللله وكل هالتكلفه على نفسها لاني جييييت لهم حزن ودمعت عيوني بعيد عنها ....

رجعت الرياض وانشغلت مع صديقتي الاولى لانها بتتزوج ومابقى على العرس شي .. تقاسمنا المهام الي مايمديها تشتريه اخذه لها انا لاننا كنا نثق بذوق بعض وعلى هذي الحاله الى يوم العرس والحمدلله وقفت انا وخواتي معها ... تركتها اسبوع بس ارسلها مسجات كل يومين اتطمن عليها وادعي ان ربي يوفقهم ولما اتصل عليها ماترد واوقات ترسلي مسج تقولي بكلمك اذا فضيت انا مشغوله واحيانا تخليني باليومين ارسل واتصل ولا ترد انا تركتها بصراحه وقلت ربي يهنيها .. ولما تقابلنا بعد فتره لقيتها مررره متغيره كانها توها متعرفه علي.... الكلمات وصوتها غيرتهم وكل كلامها مدح بنفسها.. البنتتتتتت تغيرت %100 بطريقه مو حلوه بس ادعيلها الله يهنيها ويوفقها مع زوجها ..... بنفس الايام هذي الي كنت مصدومه مع صاحبتي الي وقفت معها وعزيتها على الكل جاني الخبر اللي صعقني ............ فلانه صاحبتي الطيبه الحبوبه توفت بحادث مروري.......................................................................الصباح وهي رايحه الكليه بعد ماسلمت على اهلها وسألتهم عن رايهم بالعشاء الي طلبته من حسابها الليله الي راحت الله يغفرها ويرحمها ويسكنها فسيح جناته...




معليش لحد هنا ولا اقدر اكمل تغورقت عيوني بكاء....

:26: