السلام عليكم....وش اخباركم مع الصياام
اللهم اجعلني واياكم وجميع المسلمين ممن يقبل صيامهم وقيامهم وتعتق رقابهم من الناار في هذا الشهر الفضيل ويجعلنا واياكم ممن يبلغ ليلة القدر..آمييييين
راح ابدأ في الموضووووع....
امس كنا مجتمعين بعد التراويح انا واهلي..المهم نسووولف ومن ضمن السواالف الصدقااات وفضلها في رمضاان..وغيييره من الايااام..
المـــــــــــــــهم الي ابغى اقولكم عليه....
فال اخووي عمال النظافه والبلديه يستحقوون الصدقه رواتبهم قليله مررره وغير كذاا بعض شركاات النظافه تاخر رواتبهم...
يقووول اخوووي صار لي موقف من سنه يقول كنت طالع من المستشفى مخلص مناوبه الصبح يقول لما طلعت من باب المستشفى الا واشووف اثنين من عمال النظافه جالسين ويقتسمون فيما بينهم ساندويتش وحده>>>يقول هناحسيت الارض تدور بي وتقطع قلبي عليهم:44: يقول رجعت ورحت شريت لهم ساندويتشات وعصائر واعطيتها لهم يقووول لو تشوفون الفرحه بعيونهم ماتصدقوون ....يقووول المهم رحت البيت وفي الليل جاني اتصال من زميل لي يبشرني يقول تعديل الراتب الجديد نزل يقوول اخوووي رحت اشيك على حسابي ولقيت فيه 12000ريال يقول هنا ماوسعتني الفررحه وتذكرت موقف العمال....
قال اخووي الثاني انا اذكر واحد من اصحابي يقوول طلع من المسجد ولقى وحده تشحد المهم قال في نفسه باعطيها ريال او خمسه يقول لما فتحت بوكي مالقيت الا100ريال ومامعي غيرها حتي حسابي اصفاار يقول نويتها من قلب لهااا واعطيتها ايااه....يقوول لما رجعت البيييت يدق علي واحد كان متسلف مني من مده طويله من خمس سنوات الا يقول لي كم رقم حسابك باحولك الفلوس يقوول وفعلا حولها وكانت 8000رياال..يقول يالله تو كنت محتاج ال100واعطيتها ورزقني ربي ال8000.
حبيت اذكرلكم اخواتي ماسمعت واستفدت منه:26:....
عظيم فضلها الصدقه...وخصووصا في هذه الايام الفضيله
صبا الورد11 @sba_alord11
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..