الصدقه؟؟؟؟؟؟؟

لو كان عندك حساب في بنك الراجحي تقدرين تتصدقين عن طريق الصراف فقط اتبعي الخطوات ..
بالنسبة لي أتبع الطريقة هذي من فترة لأخرى وأنوي .. مثلا أحول 100 ريال لحساب لجنة تيسير الزواج بنية أن الله ييسر لي الزوج الصالح مثلا..

أنا معلمة وأحرص على تفريح طالباتي بأشياء بسيطة حلويات وهدايا رمزية أو حتى لعبة نلعبها أو أخليهم يسوون أي شي يحبونه .. ومثل ماانتي عارفة ان تفريح الطفل أجره عظيم لكن المهم الاحتساب ..
أسوي مثلا طبق بسيط وأهديه للجيران .. وأحرص على الناس الي حالتهم ضعيفة..

بالنسبة لي أعرف عوائل محتاجة كثير كل فترة بانتظام أحرص أني أرسل لهم أي شيء وأهم شي الانتظام وقليل دائم خير من كثير منقطع ..

أحرص كذلك على دعم مكاتب توعية الجاليات لأنهم يساهمون في انقاذ البشر من الظلام للنور
أبواب الأجر كثيرة وكبيرة لكن الانسان يحتسب مهما كان الشيء بسيط..

انتي من وين طيب؟

هلا توتو 018

طيب كم رقم الحساب ؟؟ حساب تيسير زواج او غيره؟؟

هلا غدا اجمل

من الرياض انا

وشاكره لكم

عزيزتي لالاى
الصدقة
للأقارب
واليتامى
والمساكين
وابن السبيل
والمغلفة قلوبهم
والقائمين عليها

ممكن إذا احد من اقاربك محتاجين
او
تسألين تشوفين من الجيران او من معارفك
ممكن يكون عندك ملابس تودينها للمسجد
عندك عمال النظافة اللي بالشوارع
عارفة الصدقة ممكن توصل عن طريق إطعامك لقطة حتى
قال الرسول صلى الله عليه وسلم (في كل كبد رطبة آجر)
ومن هالمنطلق شوفي كيف مفتوح ابواب كثيرة من خلالها يسهل عليك تتصدقين
ربي يقبل منك ومنا دائما صالح الأعمال
يابنات في شيء مهم حبيت اقولكم عليه لازم نعود اطفالنا على الصدقة من صغرهم

هلا اختي

كلام الاخت توتو مفيد جدا

واضيف عليه:

1) الندوة العالمية للشباب الاسلامي..عندهم كفالة يتيم بـ 100 ريال شهريا ..ويحفظونه للقران ويرسلون لك تقرير سنوي عنه (يعني كفالة يتيم + حفظ القران) بـ 100 ريال فقط!!

2) جمعية البر الخيريه..يكفلون اسر كاملة محتاجه (يعني مجموعة ايتام)

3) مشروع ابن باز لتيسير الزواج

4) المستودع الخيري بـ مدينتك وممكن اللي بمكه (لأن اجر الصدقه بمكه اعظم)

الطريقه حبيبتي

تأخذين ارقام هذي الجمعيات من السنترال

وتتصلين عليهم وتسألينهم عن ارقام حساباتهم للمشروع اللي تبغينه

لأن كل جمعية عندها عدد من المشاريع..كفالة يتيم وحفظ القران..وكفالة محفظ للقران..وكفالة اسر يتيمه وغيرها من المشاريع

وانتي تسألين الموظف عن رقم حساب المشروع اللي تبغينه

وتروحين للبنك اللي فيه رقم حسابك..وتطلبينهم تحويل من راتبك مبلغ معين (على حسب طلب الجمعيه) الى حساب المشروع

اتمنى فهمتي كلامي <<لني مااعرف اوصف

والله ييسر لك يارب