الصديـــقه الغـــريبه ساعدوني

يا بنااااات الله يخليكم ما تستهينوا بمشكلتي

واللي عندوا حل حتى لو بسيط يساعدني به

انا في ثالثه جامعه والمشكله بدأت من السنه الثانيه في الجامعه

وهي اني اخذ درس في بعض المواد ويكون الدرس في بيتي وما ياخذ معايا الا

اصدقائي المقربين جدا عشان اانا مابحبش الدرس يبقى كتير عشان اقدر افهم

وفي تانيه جامعه طلبت مني واحده انها تنضم لنا في الدروس والبنت دي كانت معايا

في المدرسه بس ما كانتش ارتحلها ووافقت على مضض انها تاخد الدروس معانا

لاني ماقدرتش احرجها واقولها لا ومهما كان مقدرش امنع حد من دخول بيتي لكن

كنت الاحظ انها تدخل في كل شيئ كل شيئ وتبدي رأيها فيه وبعد كدا اتخطبت و زعلت

اني ما دعتهاش على الخطوبه واستغربت لانها مش صاحبتي بعد كدا تتطور الامر

وكنا ناخد درس من الدروس في بيت المعلمه وبعد الدرس كنت اوصل اصحابي

بالسياره لان واحده فيهم بيتها جنب بيت المدرسه والاتنين التانيين ساكنين جمبي

بقت تتلزق فينا و تركب معانا واوصلها وكنت احس اني بلف لفه كبيره وبتعب خصوصا

ان الوقت يكون متأخر فبقيت اخلي السواق يوصلنا

والمهم فضل الحال كما هو عليه وجت السنه الجديده واصبحت تتقرب اكتر وماكانتش

ترضى تمشي من عندي من البيت الا لما اصحابي يمشوا لانها تخاف نحكي عن اي

شيء او نقول سر وهي ما تعرفوش والله كنت اطق من الغيظ

وكان فرحي متحدد انه يكون في الصيف الجاي واتأجل لبعض الاسباب للشتاء

وخفت من الحسد وماقلتش لحد عن ميعاد الفرح الجديد الا لاصحابي وبعد الدرس

بكون عاوزه اتكلم مع اصحابي عن الفرح وعن التسريحه واعمل فين الفستان

ومش بعرف اتكلم خالص ويكون اصحابي عاوزين يكلموني في اي حاجه ومش

بيعرفوا لانها بتكون موجوده ومع الوقت بقينا نضطر نتكلم قدامها وبقت هي عارفه

عننا كل حاجه واحنا مش عارفين عنها اي حاجه واحيانا يكون عندنا درسين وفرق ما

بينهم 3 ساعات فاصحابي يجلسوا معايا نتكلم او نزاكر اي حاجه لانهم اصحابي من 8

سنين او اكتر بالاضافه الى ان جدتي قاعده معايا بس يعني نا لوحدي في البيت عشان

اهلي في مدينه تانيه حتى الثلاث ساعات بقت تعد معانا وما تمشيش واحيانا ننزل

نخرج

نتسوق في الثلاث ساعات نلاقيها فتحت باب السياره و ركبت بدون استئذان ولا

مقدمات ولا اي حاجه وانا الحمد لله مستوايه المادي مرتفع فأشتري براحتي

احس انها تبص لكل شيئ اجيبه والله بقيت اخاف واحس بحرمانيه

ومره كنت عازمه اصحابي الثلاثه على الغداء بعد الدرس واعدنا والله حوالي ساعه

ندور على حجه نقولها لها عشان تمشي لان الغداء ما كانش يكفي حد زياده وجدتي

كبيره في السن ما تقدرش تطبخ كل شويه وهي جالسه ما تتحركش في الاخر قلنلها

احنا هننام شويه وبعدين هنعد نزاكر مع بعض تنامي معانا قالت لا خلاص انا همشي

قلت يا الله الحمد لله المهم بعد كدا بقى الدرس في بيتي حوالي 13 واحده اول ما نخلص

الدرس الكل يمشي الا هي تعد تسمع بنقول ايه واصحابي لمحولها اكتر من مره

بطرق غير مباشره مفيش فايده وتتدخل في كل حاجه وحاجات تانيه كتير

ممكن تاخد مني صفحات لو كتبتها ما تفكروش اني ظلماها بس انا لو حاسه

انها ممكن تكون صاحبتي كنت صاحبتها بس انا مش برتحلها بالاضافه انها

تتكلم عن اصحابها قدامنا وتغلط فيهم فأكيد بتتكلم عنا قدام اصحابها واي حاجه

بنقولها او نشتريها اكيد بتقولهم عليها وكمان والدي حزرني منها قبل كدا

فانا تعبت منها والله لاني اتعب من الاسلوب دا وفي الجامعه بتكون ولا كأنها

تعرفنا لان اصحابها بيكونوا موجودين عشان يمشوا معاها لكن وقت المصلحه

ما تلاقيش الا احنا لان اصحابها في كليات تانيه الله يخليكم قولولي ايه الحل

واوصلها دا ازاي من غير ماااغلط فيها