الصديقات المتزوجات! والعالم وتقديسهم للزواج!

السلام عليكم
مشكلتي اضن تمر فيها اغلب البنات
ما ان تتزوج صديقتها تتكبر تسحب عليييييييها
(ملاحضه لاتقولون تنشغل انا مقدره الانشغال بس كثير لا يسحبو عليك وهالشي واضح واقدر اميزه)
بالبدايه كنت اتضايق بعدها تقبلت الوضع واي بنت تنخطب اتوقع منها هالشي
لدرجه ان بعضهم يتزوجون ويرجعو من شهر العسل سرا وفجاه يقولو خايفين اني احسدهم!
وعلي ايششش ؟.....لو يخطبني خطيبها مستحيل اوافق عليه وبالحقيقه اشفق عليها لا احسدها!
والله اعلم اني كنت انخطب من افضل من ازواجهم واني اجمل وافضل منهم
لكن بسبب المس العاشق ماشي يتم وكل شي نصيب والحمدلله على كل حال
واضطريت مره اقول لوحده عن اصابي لان لها خبره بهالموضوع
فتروح وتقول للبنات الي ينخطبو لاتقولو لانستازيا انكم انخطبتم بتحسدكم لانها ماتقدر تتزوج بسبب المس !!!!!!!!!
حسبي الله ونعم الوكيل من بعدها حرمت انطق حرف لاحد
لاحد يلومني قلتلها فقط لان كان عندها خبره ومافادتني بشي!! ضرتني اكثرر

الموضوع الثاني
انهم فجاه صارو يتهجمو عليك
يرسلون بي سي الكلمات الي عن الناس الميته على الزواج وانا اصلا رافضه الزواج ولايهمني
يشكو بعرضك وشرفك..........! ويشووفو نفسهم عفيفات ملكات
كل شي فجاه يصير عليك حرااام عيب وعليهم حلال وانهم عفيفات! وايام قبل الزواج كان عادي عندهم!
ويعلم الله ان اغلبهم لهم علاقات قبل الزواج وبعضهم علاقات مابعد الزواج حتي
وساكته وساتره عليهم هذا وهم تزوجو بسن مبكر وانا كبرت ولاعمري صارلي اي علاقه بشاب
والحمدللله .....زمان وهم بسن صغير يركضو ورا الرجال ويترجوهم يخطبوهم
ان انخطبو واهلهم رفضو سووا مشاكل ومناحه حتى لو سمعتهم مو كويسه يوافقو ..والخ
وساكته عنهم وساتره عنهم يجو الحين يفضحو فيك ويكلمونك باستحقار انك وحده ميته على الزواج!
نسو انفسهم طيب نجي للحين الي يقولو الزواج شقا والخ ويحسدو العزاب
باختصار تطلقوا !ماهو غصب! اطلبو خلع لاتجو تتهجمو علينا واحنا ساكتين وشريفين
استحاله لو يطلب منها زوجها تنام عند اهلها لانها بيسافر او مشغول املت البي بي
والوتس رسايل اشتياق وعشق ويجيها اخر الليل ياخذها من ازعاجها!!!!!!!
وين الي تقول الزواج شقا ؟؟؟؟؟
لاحد يجي ويبرللي انا اعرف ان الزواج شقا وانا نفسي مو متقبلته
بس البنات عاجبهم هالشقاا ومتمسكين فيه بقوووه ومايبغو احد يتزوج زيهم
عشان يبقو فقط هم المتكبرين! ويسو نفسهم يحسدو الغير متزوجات ولو طلبتي منهم ينقصلو مستحيل يوافقو.. باختصار الوضع وانتي صغيره غير عن وانتي كبيره !

بصراحه صارت عندي عقده بموضوع الزواج
ايش المشكله ان ماتزوجنا! ايش المشكله ان ربي ماكتب نصيب؟
اذا ربي ماكتب لنا بالدنيا بيكتب لنا بالاخره مع الحور العين
بس المشكله الحقيقيه بالناس الي حواليك ناس يستحقرونك يقطعون علاقتهم فقط خوفا
انك تحسديهم او تسرقي ازواجهم مثلا وحتى اسماء ازواجهم ماعرفها! هبل
المشكله ليست فينا! ومو كل متزوجه رائعه او جميله!لتتكبر!
اعرف ناس لافيهم لاشكلا ولا اخلاقا ولا حتي منصب
واحنا العكس وربي كتب لهم النصيب .........! والحمدلله

و الاهل والاقارب لهم الف حكايه دنيا متخلفه
اعطيكم مثال هذا لاختي الكبيره مثلا مرا مسافرين وعندنا شقه بمنطقه السفر انطردت انا من غرفتي عشان تنام فيها اختي المتزوجه مع زوجها وعندها ماديه تاخذ فيها فندق ومافي مكان ثاني انام انا فيه جلست طول اليوم صاحيه ! والاهل راضين اهم شي راحة المتزوجه وانتي لا ولما تكلمت الكل تهجم علي اني حقوده والخ صحت ورمت ولدها عليك والكل يطلع يتمشي بسفر وانتي اجلسي خدامه لها ولولدها رفضتي جاتك دعوات من امك انك ماتفرجي على احد والله لايفرج عليك! ايش دعوه صيري خدم لخواتك بالقوه ولا يجيك غصب من امك! كلمت امي كذا مرا تراك تدعي علي كثير وكل الي انا فيه بسبب دعواتك استغفري وتنسي وتنكر!!!
ليش كذا مالي رب مثلا والاخت الثانيه بسبب انها اصغر مني انخطبت يقدسو اختك كملكه وانتي كذبابه حتى معاملتهم لللاطفال افضل منك! واذا غارت بنت قالولها انتي حسوده البنت تتمني لاخواتها السعاده اصغر ام اكبر لكن الي يضايق بالموضوع الناس طنشنا كلام الناس جاوك الاهل بالبيت !!!!!!!
الاقارب مايكلموني ابدا وينظرولي بنصف عين حتى السلام امد يدي مايسلمون من انخطبت اختي الي اصغر مني وهم كذا !اي اشاعه طلعوها عني الله اعلم اسمع واسمع واطلع من الاذن الثانيه!غير هي بنفسها تعاملني باستحقار وترفع صوتها علي واشمئزاز وتغلط علي قدام الناس وهي اصغر مني بكثيييييييييير طبيعي ان شافو اختك كذا يعاملوك مثلهاا
اضطريت انطوي وماخرج عشان ماحس بالنقص من فرق معاملاتهم!
وان رديت تهجم الكل عليك انك غيرانه حسوده انك صاحبه مشاكل والخ والخ والخ


دنيا التخلف