الصديق الوفي موجود في زماننا ولا لا

اهلين فيكم
راح استشيركم في مشكلة اختي لانها تعبانه مره من صديقتها او بالاحرى صديقة العمر من ايام الابتدائي لحد الحين ماشاء الله اولادهم في الثانوي
المشكله ان صديقتها اقل مستوى مادي من اختي بس ما شاء الله امورها ميسره وحلوه يعني موظفه ساكنه دور صحيح مستاجر بس زوجها يدفع الاجار يعني راتبها تصرفه على الشغاله ولبسها ولبس اولادها بس
المهم انها الفتره الاخيره صارت عينها على اللي عند اختي بطريقه زي الحسد مثلا تقول انتي زوجك يقدر يشتري بيت بس حنا من وين ياحسره او تقول انتي ماله داعي تتوظفين ريحي دام زوجك يقدر يصرف عليك وهلم جرا
صار تركيزها على الجوانب الماديه انتم وش عندكم وانا ما عندي يعني ترفع الضغط السواليف الزينه والاستهبال راح من قاموسها مركزه على اللي في يد غيرها مع العلم انها تلبس وتكشخ ودايم في الاسواق ماشاء الله تشتري ومطاعم يعني حالتها مره زينه وموقاصرها شي
ان شاء الله اتضحت الصوره لكم عاد ابغى مشورتكم الصديقه اللي زي كذا صديقه ولا عدوه وهل استمرار الصداقه معها افضل ولا قطع العلاقه بها افضل وشلون التعامل معها لو استمرت العلاقه:(