للشاعر فلاح بن مبخوت
الصدق مفتـاح القلـوب المقافيـل
ياماحـلا طعمـه ولونـه وريحـه
لونه بياض وريحتـه كنهـا الهيـل
والذ مـن طعـم الشفـاة المليحـه
بس اعذورني ماعلى الوصف تهويل
ايجمل الاخلاق لو هـي شحيحـه
له وقفةٍ عنـد النسـا والرجاجيـل
مايثبـت الا فالنفـوس الصحيحـه
لـوّه مـره ماضيعوهـا المشاكيـل
ولوّه رجـل مافيـه بنـتٍ تزيحـه
اتعب على الصادق وكب المهابيـل
هذي النصيحه كان تبغى النصيحـه
والكذب ماحبـه ولا فيـه تحليـل
ياخنز ريحـه والوصايـف قبيحـه
لونـه سـوادٍ مجهـمٍ كنـه الليـل
واجمل وصوفه سرعته في مطيحه
ماتلقطه مرات لـو جبـت دربيـل
لكن تحرّص يـوم تسمـع فحيحـه
حبلـه قصيـر وقطّعتـه المقابيـل
هراجـة المقفـي تعـدّه ذبيـحـه
امسيلمه وابليـس والقـال والقيـل
ذولا معازيمـه وياهـي فضيحـه
جنب عن الكـذاب مافيـه تبجيـل
لاحـلـه الله لا ولا الله يبـيـحـه
حمضيات بااااردة @hmdyat_baaaard
محررة ماسية
يلزم عليك تسجيل الدخول أولًا لكتابة تعليق.
الصفحة الأخيرة
مشكورة عليها