الصفار المزمن .. ساعدوني الله يجزاكم خير

السلام عليكم اخواتي ..
كيف الحال ان شاء الله كلكم بخير وعافيه ..

انا بنتي الحين عمرها 4 شهور وكم اسبوع وعندها الصفار من بعد ولادتها بكم يوم
في البدايه كان خفيف لدرجة كنت اشك فيها ولا مافيها
ويوم صار عمرها شهرين ونص تنومت في المستشفى وبعد التحاليل
قالوا ان انزيمات الكبد مرتفعه ومره يقولون يمكن عندها انسداد
في القناة الصفراويه .. عطونا علاج بعد اسبوعين نزلت نسبة الصفار
من 12 الى 9
استمرينا اسبوعين ثانيه بس مانزل الا شوي من 9 الى 8 ونص
الاشياء اللي سويتها هي ..
1 - عرضتها لاشعة الشمس
2 - تشرب يومياً مويه وسكر نبات
3- اشربها موية منقوع التمر
على اساس قالوا لي كثري لهاً الاشياء الحلوه
الحين هي على نفس الحال عيونها صفرا واحيانا تميل للأخضر

تكفون اللي مرت بنفس هالمشكله تفيدني بتجربتها ..
واللي عندها نصيحه لا تبخل بها

الله يجزاكم خير